08-Sep-2023

କଣ୍ଟାବାଞ୍ଜି (ପ୍ରେରଣା ଖବର )
 ଜାତୀୟ ଶିକ୍ଷା ନୀତି ୨୦୨୦ର ତୃତୀୟ ବର୍ଷ ପୂର୍ତ୍ତି ଅବସରରେ ବ୍ଳକ ସ୍ତରୀୟ ଆନ୍ତର୍ଜାତୀୟ ସାକ୍ଷରତା ଦିବସ ତୁରେକେଲା ଉଚ୍ଚ ବିଦ୍ୟାଳୟର ସଭାଗୃହରେ ପାଳିତ ହୋଇଥିଲା।ବିଦ୍ୟାଳୟର ଛାତ୍ରଛାତ୍ରୀ, ଅଭିଭାବକ, ଜନପ୍ରତିନିଧି ଓ ଶିକ୍ଷକ ଶିକ୍ଷୟିତ୍ରୀ ସର୍ବ ପ୍ରଥମେ ପ୍ଲାକାର୍ଡ ଧରି ଜନ ସଚେତନତା ଶ୍ଳୋଗାନ ଦେଇ ଗ୍ରାମ ପରିକ୍ରମା କରିଥିଲେ।ତାପରେ ଅତିରିକ୍ତ ଶିକ୍ଷା ଅଧିକାରୀ ଶ୍ରୀ ଫକୀର ଚରଣ ବିଶିଙ୍କ ସଭାପତିତ୍ୱରେ ସରପଞ୍ଚ ଶ୍ରୀ ଜଳନ୍ଧର ମହାକୁଡ ମୁଖ୍ୟ ଅତିଥି, ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀ ଶଙ୍କର ନାଗ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ।ତୁରେକେଲା କ୍ଳଷ୍ଟର ସଂଯୋଜକ ଶ୍ରୀ ବିରଂଚି ନାରାୟଣ ଦାଶ ସଭା ପରିଚାଳନା କରିଥିଲେ ଓ ଶିକ୍ଷକ ରାହୁଲ ପ୍ରଧାନ ଧନ୍ୟବାଦ ଅର୍ପଣ କରିଥିଲେ।ଜନ ଜନ ସାକ୍ଷରତାକୁ ଅଗ୍ରାଧିକାର ଦେବା ସହିତ ଶତପ୍ରତିଶତ ସାକ୍ଷର କରିବାକୁ ଶପଥ ଗ୍ରହଣ କରିଥିଲେ।ଏହି କାର୍ଯ୍ୟକ୍ରମରେ ଜ୍ୟୋତି ବିକାଶ ବାରିକ,ନିବେଦିତା ଜେନା, ସୁଭଦ୍ରା ମେହେର, କୁନି ମହାରଣା, ଡମ୍ବରୁ ମେହେର, ରବୀନ୍ଦ୍ର ରଥ,ଦେବ ବଗର୍ତ୍ତୀ, ସୁରୁମଣି ମେହେର, ସୂର୍ଯ୍ୟରାମ ମାଝୀ, ପୀତାମ୍ବର ଲୁହା ଆଦି ଯୋଗ ଦେଇଥିଲେ।