03-Sep-2023

 ତୁଷୁରା (ପଞ୍ଚାନନ ନାଏକ )/ ନିଜ ପରିବାରର ପୋଷଣ ପାଇଁ ବାହାର ରାଜ୍ୟକୁ କାମ କରିବାକୁ ଯାଇଥିବା ଜଣେ ଯୁବକଙ୍କ ଡାହାଣ ଗୋଡ ଭାଙ୍ଗି ଯିବାରୁ ଘରକୁ ଫେରିଛି । ଏପରି ଘଟଣା ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ଗୁଡଭେଳାବ୍ଲକ ଅନ୍ତର୍ଗତ ନୂଆଁପଡା ଗ୍ରାମରେ । ପ୍ରାୟ ଏକ ବର୍ଷ ତଳେ କିଛି କାମ ଧନ୍ଦା ନପାଇ ଏହି ଗ୍ରାମର ଗୋପିନାଥ ନାଗ (୫୦) ରାଜ୍ୟ ବାହାରକୁ ଯାଇ କାମ କରୁଥିଲେ । ପ୍ରାୟ ଛଅ ହେବ ଡାହାଣ ଗୋଡ ଭାଙ୍ଗି ଯିବାରୁ ଘରକୁ ଆସି ବିଜୁ ସ୍ବାସ୍ଥ୍ୟ କାର୍ଡରେ ଅପରେସନ କରି ଗୋଡରେ ରଡ ଲଗାଇ ଥିଲେ । ଯାହା ଟଙ୍କା ପଇସା ଥିଲା ସବୁ ଖର୍ଚ୍ଚ ହୋଇ ପଡିଥିବାରୁ ଏବେ ଅନାଟନରେ ପରିବାର ଚଳୁଥିବା କହନ୍ତି ତାଙ୍କ ସ୍ତ୍ରୀ ଜୟନ୍ତୀ । ଏପରି କି ପରିବାରର ରୋଜଗାରକ୍ଷମ ବ୍ୟକ୍ତି ଗୋପିନାଥ ହୋଇ ଥିବା ବେଳେ ସେ ମଧ୍ଯ ରୋଗଗ୍ରସ୍ତ ଥିବାରୁ କିଛି କରିପାରୁ ନଥିବା କହନ୍ତି ଜୟନ୍ତୀ । ଏନେଇ ପଞ୍ଚାୟତ ଠାରୁ ଆରମ୍ଭ କରି ଜିଲ୍ଲାପାଳଙ୍କ ପାଖକୁ ଯାଇଥିଲେ ମଧ୍ଯ କିଛି ସୁଫଳ ମିଳୁ ନଥିବା କହନ୍ତି । ଜମିବାଡି କିଛି ନଥିବା ବେଳେ ସରକାରଙ୍କ ପକ୍ଷରୁ ମାସିକ ୨୫ କେଜି ଚାଉଳ ମିଳୁଛି । ତାଙ୍କର ୩ଝିଅ ଓ ଗୋଟିଏ ପୁଅ ଥିବା ବେଳେ ବଡ ଝିଅକୁ ବିବାହ କରିସାରିଛନ୍ତି । ପୁଅ ସବୁଠୁ ସାନ ହୋଇଥିବା ବେଳେ ତାକୁ ୧୬ବର୍ଷ ହେଉଛି । ଏବେ ଚିକିତ୍ସା ଓ ଘର ଚଳିବା ପାଇଁ ବହୁ ଅସୁବିଧା ହେଉଥିବାରୁ କିଛି ସାହାର୍ଯ୍ଯ ପାଇଁ ପ୍ରଶାସନଙ୍କୁ ପରିବାର ପକ୍ଷରୁ ନିବେଦନ କରିଛନ୍ତି ।