03-Sep-2023

ବରଗଡ: ବରଗଡ଼ ଜିଲ୍ଲା ବିଜେପୁର ସ୍ଥିତ ଏକମାତ୍ର ଘରୋଇ ନର୍ସିଂ ହୋମ ଅମୃତଧାର ଏବଂ ଦିପ୍ତିପୁର ସ୍ଥିତ ଖ୍ରୀଷ୍ଟିଆନ ହସ୍ପିଟାଲ ର ମିଳିତ ଆନୁକୂଲ୍ୟରେ ବିଜେପୁର ବ୍ଲକ ଅନ୍ତର୍ଗତ ସରକାରୀ ଉଚ୍ଚ ବିଦ୍ୟାଳୟ ବୁଡାପାଲି ପରିସରରେ ମାଗଣା ସ୍ୱାସ୍ଥ୍ୟ ଶିବିର ଅନୁଷ୍ଠିତ ହୋଇ ଯାଇଛି।ଏହି ଶିବିରକୁ ଅମୃତଧାରା ନର୍ସିଂ ହୋମ ର ମୁଖ୍ୟ ଅସ୍ତ୍ରୋପଚାର ବିଶେଷଜ୍ଞ  ଡା.ରୋଜାଲିନ ମେହେର ଆନୁଷ୍ଠାନିକ ଭାବେ ଉଦଘାଟନ କରି ଗ୍ରାମ ତଥା ବିଭିନ୍ନ ଅଞ୍ଚଳରୁ ଆସିଥିବା ରୋଗୀ ମାନଙ୍କ ରୋଗ ନିରୂପଣ ସକାଶେ ନାମ ପଞ୍ଜିକୃତ ପରେ ଡା.ରୋଜାଲିନ ମେହେର ପରୀକ୍ଷା ନିରିକ୍ଷା,ପରାମର୍ଶ ଦେବା ସହ ମାଗଣାରେ ଔଷଧ ପ୍ରଦାନ କରିଥିଲେ।ଗୋଟିଏ ପଟରେ ସର୍ବସାଧାରଣଙ୍କ ପାଇଁ ଉଦ୍ଧିଷ୍ଠ ରୋଗ ନିରୁପଣ ସହ ଔଷଧ ପ୍ରଦାନ କରୁଥିବା ସମୟରେ ଆଉ ଗୋଟିଏ ପଟରେ ଦିପ୍ତିପୁର ର ଆଖି ବିଭାଗର ଡା.ପ୍ରତ୍ୟୁଷ ରଞ୍ଜନ ସୁନାଙ୍କ ସହ ତାଙ୍କ କର୍ମଚାରୀଙ୍କ ସହଯୋଗରେ ରୋଗୀମାନଙ୍କ ମୋତିଆ ବିନ୍ଦୁ,ବିଭିନ୍ନ ଚକ୍ଷୁ ରୋଗ ସମସ୍ୟା ଉପରେ ପରୀକ୍ଷା ନିରିକ୍ଷା କରାଯାଇଥିଲା।ଏଠାରେ ଉଲ୍ଲେଖନୀୟ ଏହିଯେ,ଓଡ଼ିଶା ସରକାରଙ୍କ ପ୍ରଚଳିତ ବିଜୁ ସ୍ୱାସ୍ଥ୍ୟ ସେବା ଯୋଜନା ଉପରେ ଜନସଚେତନତା ସୃଷ୍ଟି ଏହାର ମୂଳଲକ୍ଷ୍ୟ ବୋଲି ଅମୃତଧାରା ନର୍ସିଂ ହୋମର ଅଧ୍ୟକ୍ଷ

ଯଶୋବନ୍ତ ମେହେର ମତବ୍ୟକ୍ତ କରିଛନ୍ତି।ଏହି ମାଗଣା ସ୍ୱାସ୍ଥ୍ୟ ଶିବିର ବୁଡାପାଲି ହାଇସ୍କୁଲର ଅଧ୍ୟକ୍ଷ ତୁଳା କାନ୍ତ ସାହୁ, ନର୍ସିଂ ହୋମର କର୍ମଚାରୀ ଆଲୋକ ପାଇକ,କାବ୍ୟାକାନ୍ତୀ ଗିରି,ତପସ୍ୱିନୀ ବୁଦ୍ଧିଆ,ସଞ୍ଜୁକ୍ତା ସାହୁ,ରବିନାରାୟଣ ମେହେର,ଦିବ୍ୟ ମେହେରଙ୍କ ଅକ୍ଲାନ୍ତ ପରିଶ୍ରମରେ ସଫଳ ହୋଇଥିବା ବେଳେ,ଦିପ୍ତିପୁର ଖ୍ରୀଷ୍ଟିଆନ ହସ୍ପିଟାଲର କର୍ମଚାରୀ ଦୀପିକାରାଣୀ ସୁନା,ଦିନେଶ ନନ୍ଦ,ମନୋଜ ସାଗର,ଭାରତୀ ବିଶି,ବେଦମତୀ ନାଏକଙ୍କ ସହଯୋଗରେ ସମାପନ ହୋଇଥିଲା।ଶିବିରରେ ଅଞ୍ଚଳର ଶତାଧିକ ରୋଗୀଙ୍କ ସମାଗମ ଦେଖିବାକୁ ମିଳିଥିଲା।