31-Aug-2023

ଲୋଇସିଂହା, (ବିନୋଦ କୁମାର ଦୀପ) ଆଜି ଲୋଇସିଂହା  ଜଡାମୁଣ୍ଡା ଖେଳପଡିଆ ର ମରାମତି ନିମନ୍ତେ ଖେଳାଳୀ ପହଂଚିଥିଲେ ବିଡ଼ିଓ ଙ୍କ ପାଖକୁ l ସୂଚନାରୁ ପ୍ରକାଶ ଯେ ଗତ ଅଗଷ୍ଟ ୭ ତାରିଖ ରେ  ବିଭିନ୍ନ କାର୍ଯ୍ୟକ୍ରମ ସାରି ଅଭିଯୋଗ ଶୁଣାଣି କାର୍ଯ୍ୟକ୍ରମ ରେ ଯୋଗ ଦେଇଥିଲେ 5 ଟି ସଚିବ ଭି. କେ ପାଣ୍ଡିଆନ ଜଡାମୁଣ୍ଡା  ଖେଳପଡିଆ ରେ l ଅଭିଯୋଗ ଶୁଣାଣି କାର୍ଯ୍ୟକ୍ରମ ରେ ଅନେକ ଲୋକଙ୍କ ସମାଗମ ହୋଇଥିଲା ହେଲେ ଉକ୍ତ କାର୍ଯ୍ୟକ୍ରମ ଶେଷ ପରେ ଗୋଡି ମାଟି ହେବାସହ କଦର୍ଯ୍ୟ ହୋଇ ପଡ଼ିରହିଛି ଖେଳ ପଡ଼ିଆଟି l ଜଡାମୁଣ୍ଡା ସହ ଆଖପାଖ ଗ୍ରାମର ର ଅନେକ ଯୁବ ଖେଳାଳୀ ଖେଳିବା ପାଇଁ ନିର୍ଭର କରନ୍ତି ଏହି ଖେଳପଡିଆ ଉପରେ ହେଲେ ବର୍ତମାନ ପଡିଆ ର ଅବସ୍ଥା ଶୋଚନୀୟ l ଏଣୁ ଖେଳପଡିଆର ମରାମତି ନିମନ୍ତେ ଲୋଇସିଂହା ବିଡ଼ିଓ ଶ୍ରୀ ଆକାଶରଞ୍ଜନ ସାହୁ ଙ୍କୁ ଲିଖିତ ଅଭିଯୋଗ ଜଣାଇବା ସହ ଖୁବଶୀଘ୍ର ମରାମତି ନ ହେଲେ ଆଗାମୀ ଦିନରେ ରାଜରାସ୍ତା କୁ ଓଲ୍ଲାଇବୁ ବୋଲି ଜଡ଼ାମୁଣ୍ଡା ଗ୍ରାମ ର ସରୋଜ ପଧାନ, ପ୍ରେମରାଜ ପଧାନ, ଦେବାରଚନ ବାଗ, ଗିରଧାରୀ ପଧାନ ସହ ଅନେକ ଯୁବ ଖେଲାଳୀ ଚେତାବନୀ ଦେଇଛନ୍ତି l ଏହାର ଜବାବରେ ବିଡ଼ିଓ ଶ୍ରୀ ସାହୁ ଉକ୍ତ ଖେଳପଡିଆ ଖୁଵଶୀଘ୍ର ମରାମତି କରାଯିବ ବୋଲି ପ୍ରତିଶୃତି ଦେଇଛନ୍ତି l