31-Aug-2023

ବରଗଡ:-ଆଜି ପ୍ରଧାନ ଶିକ୍ଷକ ପ୍ରେମାନନ୍ଦ ବେହେରାଙ୍କ ସଭାପତିତ୍ବରେ ବୁରୋମୁଣ୍ଡା ସରକାରୀ ରାଜକୁମାର ଉନ୍ନୀତ ଉଚ୍ଚ ବିଦ୍ୟାଳୟରେ ବିଶ୍ଵ ସଂସ୍କୃତ ଦିବସ ପାଳିତ ହୋଇଯାଇଛି । ବିଦ୍ୟାଳୟର ଛାତ୍ରୀ ଅର୍ଚ୍ଚନା ବେହେରା, ଆକାଂକ୍ଷା ତାଣ୍ଡୀ, ଲକ୍ଷ୍ମୀପ୍ରିୟା କୁମ୍ଭାର ପ୍ରାରମ୍ଭିକ ସଂଗୀତ ପରିବେଷଣ କରିଥିଲେ । ପ୍ରଧାନ ଶିକ୍ଷକ ଶ୍ରୀଯୁକ୍ତ ବେହେରା ଭାରତୀୟ ସଂସ୍କୃତି, ପରମ୍ପରା, ବେଦ, ବେଦାଙ୍ଗ, ଉପନିଷଦ ଆଦିକୁ ଅବତାରଣା ଦେଇ ବିଶ୍ୱ କୁଟୁମ୍ବ ଉପରେ ବର୍ଣ୍ଣନା କରିଥିଲେ। ଶିକ୍ଷକ ପଞ୍ଚାନନ ମାଝୀ, ସୁବଳ ଠାକୁର ଓ ମନୋଜ କୁମାର ପାଢୀ ସଂସ୍କୃତ ଭାଷାର ମହନୀୟତା ବିଷୟରେ ଛାତ୍ରଛାତ୍ରୀମାନଙ୍କୁ ବୁଝାଇଥିଲେ । ସଂସ୍କୃତ ଶିକ୍ଷକ ଧର୍ମେନ୍ଦ୍ର କୁମାର ରାଉତ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ଶିକ୍ଷକ ରଜତ କୁମାର ଚୌହାନ ଧନ୍ୟବାଦ ଅର୍ପଣ କରିଥିଲେ । ଶିକ୍ଷୟିତ୍ରୀ ନିବେଦିତା ପାଣିଗ୍ରାହୀ, ମୋନାଲିସା ଠାକୁର, ନିହାରୀକା ଯୋଶୀ  ତଥା ଶିକ୍ଷକ ମାଗିଧର ଦାଶ,  ବଳଦେବ ସାହୁ, ପ୍ରଫୁଲ୍ଲ କୁମାର ସାଗର, ବିଶ୍ଵଜିତ ସାହୁ କାର୍ଯ୍ୟକ୍ରମରେ ସହାୟତା କରିଥିଲେ ।