29-Aug-2023

ବଲାଙ୍ଗୀର//ଆସନ୍ତା ଅକ୍ଟୋବର ୨ ତାରିଖ ପବିତ୍ର ଗାନ୍ଧୀ ଜୟନ୍ତୀ ଓ ଶାସ୍ତ୍ରୀ ଜୟନ୍ତୀ ଅବସରରେ ପ୍ରେରଣା ନ୍ୟୁଜ୍ ପୋର୍ଟାଲ ଓ ୟୁ ଟ୍ୟୁବ୍ ନ୍ୟୁଜ୍ ର ଚତୁର୍ଥ ବାର୍ଷିକୋତ୍ସବ ମହାସମାରୋହରେ ପାଳନ ହେବାକୁ ଯାଉଛି । ଏହି ଅବସରରେ ଗତକାଲି ବଲାଙ୍ଗୀର ସହରାଞ୍ଚଳ ସ୍ୱାସ୍ଥ୍ୟ କେନ୍ଦ୍ର ପରିସରରେ ପ୍ରେରଣା ପକ୍ଷରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ନେସନାଲ ପିସ୍ ୟୁନିସନର ସଂପାଦକ ସତ୍ୟ ରଂଜନ ମିଶ୍ରଙ୍କ ଆବାହକତ୍ୱରେ ଅନୁଷ୍ଠିତ ଏହି ବୈଠକରେ  ପ୍ରେରଣା ନ୍ୟୁଜ୍ ପୋର୍ଟାଲ ଓ ୟୁ ଟ୍ୟୁବ୍ ନ୍ୟୁଜ୍ ର ଚତୁର୍ଥ ବାର୍ଷିକୋତ୍ସବକୁ କିପରି ସରସ ସୁନ୍ଦର ଓ ସଫଳତାର ସହ ସମାପନ ହୋଇ ପାରିବ ସେ ନେଇ ଆଲୋଚନା ହୋଇଥିଲା । କାର୍ଯ୍ୟକ୍ରମ ପୂର୍ବରୁ ସ୍କୁଲ ଓ କଲେଜ ଛାତ୍ରଛାତ୍ରୀ ମାନଙ୍କୁ ନେଇ ବିଭିନ୍ନ ପ୍ରତିଯୋଗିତା ଆଦି ଆୟୋଜିତ ହେବା ସଂପର୍କରେ ଅlଲୋଚନା ହେବା ସହ ଦାୟିତ୍ୱ ହସ୍ତାନ୍ତର କରାଯାଇଥିଲା । ଏଥିସହ କବିତା ପାଠୋତ୍ସବ, ସମ୍ବର୍ଦ୍ଧନା ପର୍ବ ଓ ଆଲୋଚନାଚକ୍ର ଆୟୋଜନର ବିଭିନ୍ନ ଦିଗ ଉପରେ ବିଭିନ୍ନ ପ୍ରସ୍ତାବ ଆଗତ ହୋଇଥିଲା । ପ୍ରେରଣାର ସଂପାଦକ ରଘୁ ନନ୍ଦନ ସିଂହଙ୍କ ସଭାପତିତ୍ୱରେ ଅନୁଷ୍ଠିତ ଏହି ପ୍ରସ୍ତୁତି ବୈଠକରେ ଅନ୍ୟ ମାନଙ୍କ ମଧ୍ୟରେ ପ୍ରେରଣା ପରିବାରର ଶିକ୍ଷlବିତ୍ ମନୋରଂଜନ ସାହୁ, ମହେନ୍ଦ୍ର ଦର୍ଜି,ରତ୍ନମୟ ତ୍ରିପାଠୀ, ସନ୍ଦୀପ କୁମାର କୁଅଁର, ଚିତ୍ରସେନ ବେହେରା, ସତ୍ୟ ନାରାୟଣ ପାଣିଗ୍ରାହୀ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।