25-Aug-2023

ବେଲପଡା (ପୁର୍ଣ୍ଣ ଶଶୀ ଶେଖର ରାଓ) ରାଜ୍ୟ ସରକାରଙ୍କ ଖାଦ୍ୟ ଓ ଯୋଗାଣ ବିଭାଗ ପକ୍ଷରୁ ପ୍ରତ୍ୟେକ ପଞ୍ଚାୟତ ରେ ଗରିବ ହିତାଧିକାରୀ ମାନଙ୍କୁ ଚାଉଳ ଯୋଗାଇ ଦେଉଥିବା ବେଳେ ଯୋଗାଣ ସହାୟକ ମାନେ ଠିକ୍ ସମୟରେ ଲୋକ ଙ୍କ ପାଖକୁ ଚାଉଳ,ଗହମ ଯୋଗାଇ ଦେଉଛନ୍ତି। ବିକଳାଙ୍ଗ ଓ ବୃଦ୍ଧ ବୃଦ୍ଧା ଙ୍କୁ ଘର ଘର ଯାଇ ଚାଉଳ ବଣ୍ଟନ କରୁଛନ୍ତି। ୨୦୧୩ ମସିହା ରୁ ଯୋଗାଣ ସହାୟକ ମାନେ କାର୍ଯ୍ୟ କରି ଆସୁଥିଲେ ହେଁ ସରକାର ତାଙ୍କୁ ଅଣଦେଖା କରୁଥିବା ସହ ଅଳ୍ପ ମୂଲ୍ୟରେ କାମ କରାଉଛନ୍ତି। ଯାହାକି ଯୋଗାଣ ସହାୟକ ମାନଙ୍କ ପରିବାର ଚଲାଇବା କଷ୍ଟକର ହେଉଛି ବୋଲି ସେମାନେ କହିଛନ୍ତି। ସେଥିପାଇଁ ସେମାନେ ବିଭିନ୍ନ ଦାବି ନେଇ ପ୍ରତ୍ୟେକ ବ୍ଳକ ରେ ବିଡ଼ିଓ ଙ୍କ ଜରିଆରେ ଖାଦ୍ୟ ଓ ଯୋଗାଣ ବିଭାଗକୁ ଦାବିପତ୍ର ପ୍ରଦାନ କରିଛନ୍ତି।ସେହି ପରିପ୍ରେକ୍ଷୀରେ ଆଜି ବେଲପଡା ବ୍ଳକ ର ସମସ୍ତ ପଞ୍ଚାୟତ ର ଯୋଗାଣ ସହାୟକ ମାନେ ଗୋଷ୍ଠୀ ଉନ୍ନୟନ ଅଧିକାରୀ ଭିକ୍ଟୋର ସୋରେଙ୍ଗ ଙ୍କ ଜରିଆରେ ଏକ ଦାବିପତ୍ର ପ୍ରଦାନ କରିଛନ୍ତି। ତାଙ୍କର ଦାବି ହେଉଛି ଯୋଗାଣ ସହାୟକ ଚାକିରି ସ୍ଥାୟୀ କରିବା ସହ ୨୫୦୦୦ ଟଙ୍କା ଦରମା ଦିଆଯାଉ, ଯୋଗାଣ ସହାୟକ ଙ୍କ ନାଁ ରେ ପି,ଡି,ଏସ ଲାଇସେନ୍ସ ଦିଆଯାଉ, ଯୋଗାଣ ସହାୟକ ଙ୍କୁ ମୃତ୍ୟୁ କାଳୀନ ସହାୟତା ଦେଇ ତାଙ୍କ

ପରିବାର ରୁ ଜଣକୁ ଚାକିରୀ ଦିଆଯାଉ, ଯୋଗାଣ ସହାୟକ କୁ ପଞ୍ଚାୟତ ରାଜ ବିଭାଗ ରୁ ବିବୃତ କରି ଯୋଗାଣ ବିଭାଗ ରେ ଅନ୍ତର୍ଭୁକ୍ତ କରାଯାଉ ଓ ଏସିଷ୍ଟାଣ୍ଡ ସପ୍ଳଆଏ ଇନ୍ସପେକ୍ଟର ରେ ନାମିତ କରାଯାଉ, ଇ ପୋ ଏସ୍ ଡିଭାଇସ୍ ପରିଚାଳନା ର ପ୍ରତ୍ସୋହନ ରାଶି ଯୋଗାଣ ସହାୟକ କୁ ପ୍ରଦାନ କରାଯାଉ, ମାସିକ ପି, ଡ଼ି, ଏସ୍ ବଣ୍ଟନ ରେ ୨% ନିଅଣ୍ଟ ଭରଣା ଦିଆଯାଉ। ଉକ୍ତ ଦାବିପତ୍ର ପ୍ରଦାନ ସମୟରେ ସଂଘ ର ସମ୍ପାଦକ ଡୋଲାମଣୀ ସାହୁ, ସଭାପତି ତନ୍ମୟ ଦାସ, ନାରାୟଣ ଯୁଏଡ ଙ୍କ ସମସ୍ତ ଯୋଗାଣ ସହାୟକ ଉପସ୍ଥିତ ଥିଲେ।