24-Aug-2023

ସମ୍ବଲପୁର .ସଂଜୀବପାଣିଗ୍ରାହୀ   ସମ୍ବଲପୁର ପୋଲିସ ର ଧନୁପାଲି ଥାନା ଦ୍ୱାରା ପେନଶନ ପଡା କଲ୍ୟାଣ ମଣ୍ଡପ ରେ  ମୋ ସରକାର 5T ସେଲ ସମ୍ବଲପୁର ଦ୍ଵାରା ଆରକ୍ଷୀ ଅଧିକ୍ଷକ ଶ୍ରୀ ମୁକେଶ କୁମାର ଭାମୁ ଙ୍କ  ନିର୍ଦ୍ଦେଶକ୍ରମେ ଏକ ରକ୍ତଦାନ ଶିବିର ଆୟୋଜନ କରାଯାଇଥିଲା l ଏହି ଶିବିରକୁ ଆନୁଷ୍ଠାନିକ ଭାବରେ ଅତିରିକ୍ତ ଆରକ୍ଷୀ ଅଧିକ୍ଷକ ଆଲବିନାଶ କେରକେଟଟା  ଉଦଘାଟନ କରିଥିବା ବେଳେ  ଥାନା ଅଧିକାରୀ ରଞ୍ଜନ କୁମାର ବିଶ୍ୱାଳ ଉପସ୍ଥିତ ଥିଲେ l  ଏହି ଶିବିରରେ ସର୍ବମୋଟ 200 ୟୁନିଟ ରକ୍ତ ସଂଗ୍ରହ କରା ଯାଇଛି l ଓଡିଶା ବ୍ଲଡ଼ ସେଣ୍ଟର ସମ୍ବଲପୁର 70 ୟୁନିଟ ରକ୍ତ ସଂଗ୍ରହ କରିଥିବା ବେଳେ ବୁର୍ଲା ରକ୍ତଭଣ୍ଡାର ଦ୍ୱାରା 130 ୟୁନିଟ ରକ୍ତ ସଂଗ୍ରହ କରାଯାଇଥିଲା l ଏହି ଶିବିରକୁ ଜିଲ୍ଲା ମୁଖ୍ୟ ଚିକତ୍ସାଳୟ ରକ୍ତଭଣ୍ଡାରର ଡାକ୍ତର କଳ୍ପେସ କକ୍କଡ଼, ସନ୍ତୋଷ ଗୌଡ଼, କର୍ମଦେବ ପଟେଲ ତାପସ ନାୟକ ଏବଂ ବୁର୍ଲା ରକ୍ତ ଭଣ୍ଡାର ର ଡାକ୍ତର ଅଭିନାଶ ଦାଶ, ଦେବାଶିଷ ମିଶ୍ର, ମଣ୍ଟୁ ପ୍ରଧାନ ଏବଂ ଅନ୍ୟ କର୍ମଚାରୀମାନେ ପରିଚାଳନା କରିଥିଲେ l ଟାଉନ ଥାନା ର ଏସ ଆଇ ଟିବି ପାଟୁଆ,ଏବଂ ସମସ୍ତ କର୍ମଚାରୀ  ଶିବିର ପରିଚାଳନା ରେ ସହଯୋଗ କରିଥିବା ବେଳେ ତୁସାନ୍ତ ସାହୁ, ଅରୁଣ ମାଝୀ, ଏବଂ ପ୍ରଶାନ୍ତ ବେହେରା ମଧ୍ୟ  ସହଯୋଗ କରିଥିଲେ । ଏହି ଶିବିରଟି ହାବିଲଦାର ରାମଦାସ ପଣ୍ଡା ଙ୍କ ସଂଯୋଜନା ରେ ଆୟୋଜନ କରାଯାଇଥିଲା l ରକ୍ତ ଅଭାବ ରେ କାହାରି ଜୀବନ ନ ଯାଉ  ଏବଂ କୌଣସି ଦଲାଲ ଦ୍ଵାରା କେହି ହଇରାଣ ନ  ହୁଅନ୍ତୁ ଏହା ହିଁ ସମ୍ବଲପୁର ପୋଲିସ ର ଉଦେଶ୍ୟ।ଅତିରିକ୍ତ ଆରକ୍ଷୀ ଅଧିକ୍ଷକ ରକ୍ତଦାତା ମାନଙ୍କୁ ମାନପତ୍ର ଦେଇ ଉତ୍ସାହିତ କରିଥିବା ବେଳେ ଥାନା ଅଧିକାରୀ ସମସ୍ତ ରକ୍ତଦାତା ଏବଂ ସହଯୋଗୀ ମାନଙ୍କୁ ଧନ୍ୟବାଦ ଜଣେଇଥିଲେ l ଏହି ଶିବିରକୁ ଏମେଯ଼ିଙ୍ଗ ୱେଲ ଫେୟlର ଫାଉଣ୍ଡେସନ ଇଦ ମିଳାଦୁନ ନବୀ ୱେଲଫେୟାର କମିଟି ଏବଂ ସ୍ଥାନୀୟ ଲୋକେ ସହଯୋଗ କରିଥିଲେ lପୋଲିସ ର ଏହି ଶିବିରକୁ ଜନସାଧାରଣ ତଥା ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଛି l