23-Aug-2023

ବଲାଙ୍ଗିର(ପ୍ରେରଣା ଖବର), - ରାଣୀବନ୍ଧ ବନ୍ଧ ଆଜି ସହରର ଅଳିଆଗଦା ପାଲଟିଛି । ଲୋକେ ନିତ୍ୟ ବ୍ୟବହାର୍ଯ୍ୟ ପାଣି ପାଇ ହଇରାଣ ହେବା ସହ  ଏଠାରେ ଗାଧୋଉଥିବା ଲୋକେ ବିଭିନ୍ନ ଚର୍ମରୋଗରେ ପିଡିତ ହେଉଛନ୍ତି । ଅଂଚଳବାସୀଙ୍କ ନ୍ୟାୟୋଚିତ ଦାବୀକୁ ବାରମ୍ବାର ଅଣଦେଖା କରୁଥିବା ଜିଲ୍ଲାପାଳ ଓ ପୌରାଧକ୍ଷା ଥରୁ ଟିଏ ଆସି ଏଠାରେ ଗାଧୋଇ ଦେଖାନ୍ତୁ ।  
    ବଲାଙ୍ଗିର ୱାର୍ଡ ନଂ.୧୩,୧୪,୧୫ ଓ ୧୬ ସ୍ଥିତ ରାଣୀବନ୍ଧ ବନ୍ଧର ପଙ୍କୋଦ୍ଧାର ଓ ସଫେଇ ଦାବୀରେ କିଛି ଦିନ ପୁର୍ବରୁ  କ୍ରୀୟାନୁଷ୍ଠାନ କମିଟିର ଡାକରାରେ ଅଂଚଳବାସୀ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଜିଲ୍ଲାପାଳ ଓ ପୌରାଧକ୍ଷାଙ୍କୁ ଲିଖିତ ଭାବେ ଜଣାଇ ଥିଲେ । ରାଜ୍ୟ ସରକାର ମଧ୍ୟ ସହରରେ ବନ୍ଧ କନ୍ଟାର ଉନ୍ନତିକରଣ ପାଇଁ କୋଟି କୋଟି ଟଙ୍କାର ଅନୁଦାନ ଦେଇଛନ୍ତି । କିନ୍ତୁ ଅଂଚଳବାସୀଙ୍କ ଦାବୀକୁ

ଦୁଇ ମାସ ବିତି ଜାଇଥିଲେ ସୁଦ୍ଧା ବନ୍ଧର ପଙ୍କ ଉଦ୍ଧାର, ସଫେଇ ଓ ପୁନଃଉଦ୍ଧାର ଦିଗରେ ପ୍ରଶାସନ ପକ୍ଷରୁ କେଉଁ କାରଣରୁ କୌଣସି କାର୍ଯ୍ୟାନୁଷ୍ଠାନ ନିଆ ଯାଇ ନାହିଁ ତାହ ଜଣା ପଡୁ ନାହିଁ । ସମାନ ଦାବୀରେ ଆଜି କ୍ରୀୟାନୁଷ୍ଠାନ କମିଟି ଓ ଅଂଚଳବାସୀଙ୍କ ପକ୍ଷରୁ ରାଣୀବନ୍ଧରେ ଜଳ ସତ୍ୟାଗ୍ରହ କରାଯାଇଛି । ଯଥା ଶିଘ୍ର ରାଣୀବନ୍ଧ ବନ୍ଧର ପୁନଃ ଉଦ୍ଧାର କରା ନଗଲେ ଆଗାମୀ ଦିନରେ କ୍ରୀୟାନୁଷ୍ଠାନ କମିଟି ଓ ଅଂଚଳବାସୀ ଦୁର୍ବାର ଆନ୍ଦୋଳନକୁ ଓହ୍ଲାଇବା ପାଇଁ ବାଧ୍ୟ ହେବେ ବୋଲି କ୍ରୀୟ।।ନୁଷ୍ଠାନ କମିଟି ପକ୍ଷରୁ କୁହା ଯାଇଛି  ଏବଂ ନିର୍ମାଣ ହୋଇଥିବା ଗାଡୱାଲ ନିମ୍ନ ମାନର ଏବଂ ଦୁର୍ନିତିମୂଳକ କାର୍ଯ୍ୟ ହୋଇଛି ବୋଲି କ୍ରିୟାନୁଷ୍ଠାନ କମିଟି ଅଭିଯୋଗ କରିଛି ଏବଂ ଏହାର ତଦନ୍ତ ପାଇଁ ଦାବି ରଖିଛି । ଆଜିର ଏହି କାର୍ଯ୍ୟକ୍ରମରେ  ୱାର୍ଡ ନଂ ୧୩,୧୪,୧୫ ଓ ୧୬ କ୍ରୀୟାନୁଷ୍ଠାନ କମିଟି ଙ୍କ ଉପସ୍ଥିତିରେ  ସନ୍ତକ ବହିଦାର, ଝୁଲୁ ମିଶର, ରଜନୀ ସେଠ, ଯଶୋଦା ବାଗ, ସୌଦାମିନୀ ବାଗ, ସଂଗୀତା ସୁନା, ସେବତୀ ମହାନନ୍ଦ, ସୁଜାତା କୁଅଁର,  ନଗର କଂଗ୍ରେସ ସଭାପତି ବୁଲୁ ଦାନୀ, ଜିଲ୍ଲା ସେବାଦଳ ମୁଖ୍ୟ ଅସିତ ମିଶ୍ର, ଜିଲ୍ଲା କିଶାନ କଂଗ୍ରେସ ସଭାପତି ସାନନ୍ଦ ମିଶ୍ର, ସଂଜୟ ମିଶ୍ର, ଅବଦୁଲ ରଜାକ, ଜୁଲୁ ପଟ୍ଟନାୟକ, କୈଳାସ ମିଶ୍ର, ଘୁଣ୍ଡୁ ଦାସ, ଟୁନା ହୋତା, ଅଜୟ ବାଲି, ଲୋପନ ମିଶ୍ର, ଅଙ୍କିତ ସାହୁ, ପବିତ୍ର ବେହେରା, ଅମରଜିତ ବେହେରା  ପ୍ରମୁଖ ଉପସ୍ଥିତ ଥିଲେ ।