23-Aug-2023

ଧମା,ତା୨୩/୦୮, ମା ଝାଡେଶ୍ବରୀ ସ୍ନାତକ  ମହାବିଦ୍ୟାଳୟର ପୂର୍ବତନ ସଭାପତି ସୁରଂଜନ ମହାପାତ୍ରଙ୍କ ବିୟୋଗରେ ଆଜି ମହାବିଦ୍ୟାଳୟ ପରିସରରେ ଏକ ଶୋକସଭା ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟ +୨ ସ୍ରୋତର ଅଧ୍ୟକ୍ଷ ଅଶୋକ କୁମାର ପୁରୋହିତଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ ଅନୁଷ୍ଠାନର ସମସ୍ତ ଶିକ୍ଷକ ଓ ଅଣଶିକ୍ଷକ କର୍ମଚାରୀଙ୍କ ସମେତ ଛାତ୍ରଛାତ୍ରୀମାନେ ୰ ମହାପାତ୍ରଙ୍କ ଆତ୍ମାର ସଦ୍‌ଗତି କାମନା କରି ନିରବ ପ୍ରାର୍ଥନା କରିଥିଲେ। ସ୍ୱର୍ଗତ ମହାପାତ୍ର ଜଣେ ମିଷ୍ଟଭାଷି ଓ ଅତ୍ୟନ୍ତ ସହଯୋଗୀ ମନୋବୃତ୍ତି ସମ୍ପନ୍ନ ବ୍ୟକ୍ତିଥିଲେ। ମହାବିଦ୍ୟାଳୟର ସ୍ଥାପନ କାଳରେ ଅନେକ ଘଡିସନ୍ଧି ମୁହୂର୍ତ୍ତରେ ସେ ଯେଉଁଭଳି ସକ୍ରିୟ ଭାବରେ ପରିଚାଳନା ସମିତିର ଅନ୍ୟାନ୍ୟ ସଦସ୍ଯ ତଥା ମହାବିଦ୍ୟାଳୟର କର୍ମଚାରୀଙ୍କ ସହ ମିଶି ସହଯୋଗ କରିଥିଲେ ତାହା ଅବିସ୍ମରଣୀୟ ହୋଇ ରହିବ ବୋଲି ସଭାରେ ମତପ୍ରକାଶ ପାଇଥିଲା। ପ୍ରକାଶ ଥାଉକି ସେ ମହାବିଦ୍ୟାଳୟର  ସମସ୍ତ କାର୍ଯ୍ୟକ୍ରମ ତଥା ଉତ୍ସବାଦିରେ ଉପସ୍ଥିତ ରହି ଉତ୍ସାହିତ କରିଆସୁଥିଲେ। ସଭାରେ ପର୍ବତନ ପରିଚାଳନା ପରିଷଦର ଦିଲୀପ କୁମାର ମହାପାତ୍ର,ପରମାନନ୍ଦ ସିଟ,ରବିନ୍ଦ୍ର ପୃଷ୍ଟି ପ୍ରମୁଖଙ୍କ ସମେତ ଯୁକ୍ତ ତିନ ଅଧ୍ୟକ୍ଷ ଅନିଲ ପ୍ରଧାନ,ରବିନ୍ଦ୍ରନାରାୟଣ ଠାକୁର,ରବଶଙ୍କର ହୋତା,ସତ୍ୟନାରାୟଣ ଦାଶ,ବ୍ୟାସଦେବ ପଣ୍ଡା,ମିନତି ଦାଶ,ଦୀପ୍ତିରେଖା ପଣ୍ଡା,ବଳଦେବ ମହାକୁର,ସଂସାର ପଧାନ,ପ୍ରମୋଦ ଦେହେରି,ସୁଦୀପ୍ତା ଦାଶ,ଅମୃତା ପଟ୍ଟନାୟକ,ସୁଶ୍ରୀ ପାଢୀ,ସଂଗ୍ରାମ କେଶରୀ ମିଶ୍ର,ଦିଲୀପ କୁମାର ମିଶ୍ର,ଏକାଦଶିଆ ଦଳେଇ ପ୍ରମୁଖ ଅଧ୍ୟାପକ ଅଧ୍ୟାପିକା କର୍ମଚାରୀ ଓ ଛାତ୍ରଛାତ୍ରୀ     ଉପସ୍ଥିତ          ରହି ୰ ମହାପାତ୍ରଙ୍କ ସ୍ମୃତିଚାରଣ କରିଥିଲେ।