23-Aug-2023

ବେଲପଡା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିରରୁ କଣ୍ଟାବାଞ୍ଜି ମୁଖ୍ୟ ରାସ୍ତାରେ ପଡ଼େ ବେଲପଡା ସହର ବ୍ଳକ ଏରିଆରେ ମଧ୍ୟ ଗୋଟିଏ ଜଣାଶୁଣା ସହର। କିନ୍ତୁ ଗୋଟିଏ ଦୁଃଖ ଥିଲା ଯେ ଏଠାରେ ଗୋଟିଏ ବସ୍ ଷ୍ଟାଣ୍ଡ ନିର୍ମାଣ ହୋଇନଥିବା ରୁ ଲୋକେ ହନ୍ତସନ୍ତ ହେଉଥିବା ବେଳେ ଏ ବିଷୟରେ ଅନେକ ଦିନରୁ ଲୋକ ଦାବି କରିଆସିଛନ୍ତି ଯେ ଏଠାରେ ଗୋଟିଏ ବସ୍ ଷ୍ଟାଣ୍ଡ ନିର୍ମାଣ ହେଉ । ଯାହା ଫଳରେ

ଅଞ୍ଚଳର ଛାତ୍ରଛାତ୍ରୀ ଓ ଜନସାଧାରଣ ବସ ଷ୍ଟାଣ୍ଡରେ ବିଶ୍ରାମ ନେଇ ବସ୍ ଯାତ୍ରା କରିପାରିବେ।ଏ ବିଷୟରେ ଅନେକ ଥର ଲୋକ ନେତା ମନ୍ତ୍ରୀ ଙ୍କୁ ଜଣାଇଥିବା ବେଳେ କିଛି ସୁଫଳ ମିଳୁନଥିଲା ।ଏ ବିଷୟରେ ପାଟଣାଗଡ଼ ବିଧାୟକ ସରୋଜ କୁମାର ମେହେର ଙ୍କ ଅବଗତ କରାଇବା ପରେ ସେ ଗୁରୁତ୍ବ ଦେଇ ବସ ଷ୍ଟାଣ୍ଡ ନିର୍ମାଣ ପାଇଁ ରାଜ୍ୟ ସରକାରଙ୍କୁ ପ୍ରସ୍ତାବ ଦେଇଥିଲେ। ଆଜି ବିଧାୟକ ଙ୍କ ପ୍ରଚେଷ୍ଟାରେ ବସ ଷ୍ଟାଣ୍ଡ ନିର୍ମାଣ ହେବାକୁ ଯାଉଥିବା ବେଳେ ନବୀନ ପଟ୍ଟନାୟକଙ୍କ

ନିର୍ଦ୍ଦେଶନାରେ ବିଧାୟକ ସରୋଜ କୁମାର ମେହେର ଯୋଗଦେଇ ବସ ଷ୍ଟାଣ୍ଡ ପାଇଁ ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଏହି କାର୍ଯ୍ୟକ୍ରମ ରେ ବେଲପଡା ବ୍ଳକ ଅଧ୍ୟକ୍ଷା କୁମାରୀ ଟିନା କୁମ୍ଭାର,ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, ବିଧାୟକ ଙ୍କ ପ୍ରତିନିଧି କୁମୁଦ ମହାଖୁଡ (ବାପି)ଙ୍କ ସହ ବହୁ ଗୁଡ଼ିଏ ବିଜେଡି କର୍ମୀ ଯୋଗ ଦେଇଥିଲେ। ବିଧାୟକ ଙ୍କ ଏଭଳି କାର୍ଯ୍ୟ ପ୍ରତି ଅଞ୍ଚଳବାସୀଙ୍କ ମନରେ ଖୁସି ର ଲହରୀ ଖେଳିଯାଇଛି।