23-Aug-2023

ସାଲେଭଟା(ବିନୋଦ ଦୀପ)- ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ହରଭଙ୍ଗା ଉଚ୍ଚ ପ୍ରାଥମିକ ସ୍କୁଲରେ ଚନ୍ଦ୍ରୟାନ-୩ ର ସଫଳ ଅବଚରଣ କାର୍ଯ୍ୟକ୍ରମର ପ୍ରଦର୍ଶନ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନଶିକ୍ଷକ ଦୂର୍ଯ୍ୟୋଧନ ପଶାୟତ ଆୟୋଜିତ କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ । ସର୍ବପ୍ରଥମେ ବିଦ୍ୟାଳୟର ଛାତ୍ରଛାତ୍ରୀମାନେ ଆଜି ହେବାକୁ ଥିବା ଚନ୍ଦ୍ରୟାନ ୩ର ସଫଳ ଅବଚରଣ ନିମେନ୍ତେ ସମୂହ ପ୍ରାର୍ଥନା କରିଥିଲେ । ତତପରେ ବିଜ୍ଞାନ ଶିକ୍ଷକ ଗୋବିନ୍ଦ ସାହୁ ଚନ୍ଦ୍ରୟାନ-୩ର  ମିସନ ମୁନର ଦକ୍ଷିଣ ମେରୁରେ ଅବତରଣ କାର୍ଯ୍ୟକ୍ରମ ବିଷୟରେ ପିଲାମାନଙ୍କୁ ବିଝାଇଥିଲେ । ଏହି କାର୍ଯ୍ୟକ୍ରମରେ ଛାତ୍ରଛାତ୍ରୀ ଙ୍କ ମଧ୍ୟରେ ପ୍ରବଳ ଉତ୍ସାହ ଦେଖାଯାଇଥିଲା । ଶିକ୍ଷକ ଦିଲ୍ଲୀପ କୁମାର ଥନାପତି, ମଂଟେଶ କୁମାର ସାହୁ , ପିଙ୍କି କର୍ଣ୍ଣ  ପ୍ରମୁଖ ସହଯୋଗ କରିଥିଲେ ।