23-Aug-2023

ଭୁବନେଶ୍ୱର:  ଅନୁସୂଚିତ ଜାତି ଏବଂ ଅନୁସୂଚିତ ଜନଜାତି ସଂସଦୀୟ ସ୍ଥାୟୀ କମିଟି  ୨୩ ଅଗଷ୍ଟ ରୁ ୩0 ଅଗଷ୍ଟ ୭ ଦିନିଆ ଗସ୍ତ ରେ ଆଣ୍ଡାମାନ ନିକୋବର, ତାମିଲନାଡୁ, ମହାରାଷ୍ଟ୍ର ରାଜ୍ୟ ଗସ୍ତ କରିବ ବୋଲି ଜଣା ପଡିଛି l ଏହି କମିଟି ଅନୁସୂଚିତ ଜାତି ଓ ଅନୁସୂଚିତ ଜନଜାତି  ଗ୍ରାମ ଗୁଡିକୁ ପରିଦର୍ଶନ କରିବ l ଅନୁସୂଚିତ ଜାତି, ଜନଜାତି ସମ୍ପ୍ରଦାୟ ର ସାମାଜିକ ଅର୍ଥନୈତିକ ସ୍ଥିତି ଅନୁଧ୍ୟାନ କରିବ l ଏହି ସମ୍ପ୍ରଦାୟ ପାଇଁ ରାଜ୍ୟରେ କାର୍ଯ୍ୟ କରୁଥିବା  ବିଭିନ୍ନ ସାମାଜିକ ସଙ୍ଗଠନ, ଅନୁସୂଚିତ ଜାତି, ଜନଜାତି କର୍ମଚାରୀ ସଙ୍ଗଠନ ଗୁଡିକ ସହିତ ଆଲୋଚନା କରିବ l ଅନୁସୂଚିତ ଜାତି ଅନୁସୂଚିତ ଜନଜାତି ସମୁଦାୟ ଙ୍କ କଲ୍ୟାଣ ପାଇଁ କେନ୍ଦ୍ର ଶାସିତ ଅଞ୍ଚଳ କତ୍ତୃପକ୍ଷ ଏବଂ ଆଣ୍ଡାମାନ, ତାମିଲନାଡୁ, ମହାରାଷ୍ଟ୍ର ରାଜ୍ୟ ସରକାର ଙ୍କ ବିଭାଗୀୟ କତ୍ତୃପକ୍ଷ ଙ୍କ ସହିତ ଆଲୋଚନା କରିବେ  l ବିଭିନ୍ନ ବ୍ୟାଙ୍କ, ହିନ୍ଦୁସ୍ତାନ ପେଟ୍ରୋଲିୟମ ନିଗମ, ଭାରତ ପେଟ୍ରୋଲିୟମ ନିଗମ,ୟୁଜିସି କର୍ତ୍ତୃପକ୍ଷ ଙ୍କ ସହିତ ମଧ୍ୟ ପାର୍ଲିଆମେଣ୍ଟରୀ କମିଟି ଆଲୋଚନା କରିବl କାର୍ଯ୍ୟକ୍ରମ ରହିଛି l ଦାଦର ସ୍ଥିତ ଡ଼.ବାବା ସାହେବ ଆମ୍ବେଦକର ଙ୍କ ମ୍ୟୁଜିୟମ, ପ୍ରତିମୂର୍ତ୍ତି ଏବଂ ମହାପରୀନିର୍ବାଣ ସ୍ମୃତି ପୀଠ ଚୈତ୍ୟ ଭୂମି ପରିଦର୍ଶନ, ସମ୍ବିଧାନ ପ୍ରଣେତା ବାବାସାହେବ  ଆମ୍ବେଦକର ଙ୍କ ଦ୍ୱାରା ପ୍ରତିଷ୍ଠିତ ମହାବିଦ୍ୟାଳୟ,ଲାଇବ୍ରେରୀ ପରିଦର୍ଶନ କାର୍ଯ୍ୟକ୍ରମ ରହିଛି ବୋଲି କମିଟି ର ସଦସ୍ୟ ରାଜ୍ୟସଭା ସାଂସଦ ନିରଞ୍ଜନ ବିଶି ସୂଚନା ଦେଇଛନ୍ତି l