22-Aug-2023

ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ୍ ଠାରେ ବ୍ଲକ୍ ସ୍ତରୀୟ ଜନ ଶୁଣାଣି ଅଭିଯୋଗ କାର୍ଯକ୍ରମ ଅନୁଷ୍ଠିତ ହୋଇ ଯାଇଛି। ଏହି ଅଭିଯୋଗ କାର୍ଯକ୍ରମ ରେ ମୁଖ୍ୟ ଭାବରେ ଅତିରିକ୍ତ ଜିଲ୍ଲାପାଳ ଶ୍ରୀ ଲମ୍ବୋଦର ଧରୁଆ ଯୋଗ ଦେଇଥିଲେ। ଗୋଷ୍ଠି ଉନ୍ନୟନ ଅଧିକାରୀ ଶ୍ରୀ ଶଙ୍କର କେରକେଟା, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ରୁଦ୍ର ପ୍ରତାପ ସୁନା, ବ୍ଲକ୍ ଅଧକ୍ଷା ଶ୍ରୀମତି ଗୀତାଞ୍ଜଳି ଦାସ, ଅତିରିକ୍ତ ଜିଲ୍ଳା ପ୍ରକଳ୍ପ ଅଧିକାରୀ ଶ୍ରୀ ସନ୍ତୋଷ କୁମାର ରଥ, ଏପିଓ ମେଡମ ସୁଶ୍ରି ଜଗତ ଜିତା ସେଠୀ ଉପସ୍ଥିତ ରହି ଶୁଣାଣି ଉପରେ ଲୋକଙ୍କ ସମସ୍ୟା ଉପରେ ଆଲୋଚନା କରିଥିଲେ। ବିଶେଷ କରି ମନରେଗା ଯୋଜନା ଓ ଆବାସ ଯୋଜନା ଉପରେ ଅଭିଯୋଗ ଆସିଥିଲା।ମୋଟ 22 ଜନ ହିତାଧିକାରୀ ଘର ତିଆରି ପାଇଁ ଟଙ୍କା ପାଇଛନ୍ତି,ହେଲେ ଗୃହ ନିର୍ମାଣ ହୋଇନାହିଁ।ଏହି ଅନିୟମିତତା ହୋଇଥିବା ଅଭିଯୋଗ ହୋଇଥିଲା।ଅଭିଯୋଗ ର ତଦନ୍ତ କରାଯାଇ ପ୍ରକୃତ କାର୍ଯ୍ୟାନୁଷ୍ଠାନ ନିଆଯିବ ବୋଲି ଅତିରିକ୍ତ ଜିଲ୍ଲାପାଳ ଶ୍ରୀ ଧରୁଆ କହିଛନ୍ତି। ପରେ ପରେ ଜଙ୍ଗଲ ବିଭାଗ ଉପରେ ଆଲୋଚନା କରା ଯାଇଥିଲା।ଅଭିଯୋଗ ଶୁଣାଣୀ ଶେଷରେ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ରୁଦ୍ର ପ୍ରତାପ ସୁନା ଧନ୍ୟବାଦ୍ ଅର୍ପଣ କରିଥିଲେ l