21-Aug-2023

ବରଗଡ:-ଭାରତୀୟ ଜନତା ପାର୍ଟି ଓଡିଶା,ରାଜ୍ୟ କାର୍ଯ୍ୟକାରିଣୀ ସଦସ୍ୟ ସନତ ଗଡତୀୟାଙ୍କ ନେତୃତ୍ୱରେ ବରଗଡ ଜିଲ୍ଲା ବିଜେପୁର ଏନ.ଏ.ସିର ମଧ୍ୟପଡା କଲ୍ୟାଣ ମଣ୍ଡପ ଠାରେ ଭୋଟର ସଚେତନତା ମହା ଅଭିଯାନ କାର୍ଯ୍ୟକ୍ରମର ଶୁଭାରମ୍ଭ ହୋଇଯାଇଛି।ଏଠାରେ ଉଲ୍ଲେଖନୀୟ ଯେ,ଯେଉଁ ମାନଙ୍କ ମୃତ୍ୟୁ ହୋଇ ଯାଇଛି ସେମାନଙ୍କ ନାମ ଭୋଟର ଲିଷ୍ଟ ରୁ କାଟିବା,ନୂତନ ଯୁବକ ଯୁବତୀ ଯେଉଁମାନଙ୍କ ବୟସ ୧୮ବର୍ଷରୁ ଉର୍ଦ୍ଧ ହେଲାଣି ସେମାନେ ଭୋଟଦେବାରୁ ବଞ୍ଚିତ,ସେମାନଙ୍କ ନାମ ଭୋଟର ଲିଷ୍ଟ ରେ ଚଢାଇବା,ବାହା ହୋଇ ଯେଉଁମାନେ ଘର ସଂସାର କରିବାକୁ ନୂତନ ବୋହୂ ମାନଙ୍କ ନାମ ଭୋଟର ଲିଷ୍ଟ ରେ ଯୋଡିବା ଏବଂ ଯେଉଁ ଝିଅ ମାନେ ପରଘରକୁ ବୋହୂବେଶରେ ଯାଇ ସାରିଛନ୍ତି ସେମାନଙ୍କ ନାମ ଯଦି ଭୋଟର ଲିଷ୍ଟ ରେ ଅଛି ତାହା କାଟିବା ଇତ୍ୟାଦି ଉପରେ ଆଲୋଚନା କରାଯାଇଥିଲା।ଭାରତୀୟ ଜନତା ପାର୍ଟିର ତୁଙ୍ଗ ନେତା ଶ୍ରୀମାନ ଗଡତୀୟା ଗୋଟିଏ ଭୋଟ କେତେଯେ ମୂଲ୍ୟବାନ ତାହାରି ଉପରେ ବୈଠକରେ ଆଲୋକପାତ କରିଥିଲେ।ସାଂସଦ ପ୍ରତିନିଧି ମହେଶ

ଦେବତାଙ୍କ ସଂଯୋଜନାରେ କାର୍ଯ୍ୟକ୍ରମ ଆଗେଇଥିବା ବେଳେ,ଜିଲ୍ଲା ଉପସଭାପତି ପ୍ରବୀଣ ପାଣିଗ୍ରାହୀ,ଜିଲ୍ଲାପରିଷଦ ସଦସ୍ୟା ଶ୍ରୀମତୀ ଝରଣା ପାଣିଗ୍ରାହୀ,ଜିଲ୍ଲା ପରିଷଦ ସଦସ୍ୟ ସୁଶାନ୍ତ ଗଡତୀଆ,ପୂର୍ବତନ ଜିଲ୍ଲାପରିଷଦ ଅଧ୍ୟକ୍ଷା ସୁନାଫୁଲ ସେଠ ଯୋଗଦେଇଥିବା ବେଳେ,ମଣ୍ଡଳ ସଭାପତି ଯୋଗେନ୍ଦ୍ର ପଧାନ,ଧିରୋଜ ପଧାନ,ଶୁକଦେବ ସାହୁ,ଆନନ୍ଦ ମଟାରୀ,ରଞ୍ଜିତ ମେହେର,ଆନନ୍ଦ ସାହୁ,ଯୁବମୋର୍ଚ୍ଚା ଉପସଭାପତି ବିକ୍ରମ ସେଠ,କାଉନସିଲର ପ୍ରଶାନ୍ତ ପଧାନ,ସମାରୀ ମେହେର ପ୍ରମୁଖ ଯୋଗଦେଇ ନିଜନିଜ ମତବ୍ୟକ୍ତ ପ୍ରଦାନ କରିଥିଲେ।ଶେଷରେ ଯୋଗେନ୍ଦ୍ର ପଧାନ ଧନ୍ୟବାଦ ଅର୍ପଣ କରିଥିଲେ।