21-Aug-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ଆଜି ମହାନଦୀ ଯୋଗ ବିହାର ସ୍ଥିତ ଶ୍ରୀ ଗୋପାଳଜୀ ତମଶ୍ଵା ଯୋଗାଳୟ ପରିସର ରେ ସୋନପୁର ବରିଷ୍ଠ ନାଗରିକ ମହାସଂଘ ଦ୍ଵାରା ଆନ୍ତର୍ଜାତିକ ବରିଷ୍ଠ ନାଗରିକ ଦିବସ ଅଗଷ୍ଟ 21 ମହାସମାରୋହରେ ପାଳିତ ହୋଇଯାଇଛି I ସଂଘ ର ସଭାପତି ଡକ୍ଟର ଜ୍ୟୋତି ରଞ୍ଜନ ବହିଦାର ଙ୍କ ସଭାପତିତ୍ବରେ ସଭା ଅନୁଷ୍ଠିତ ହୋଇଥିଵା ବେଳେ ପରିବର୍ତ୍ତନ ଶୀଳ ଦୁନିଆଁ ରେ ବରିଷ୍ଠ ନାଗରିକ ଙ୍କ ସ୍ଥିରତା ଉପରେ ସେ ଆଲୋକପାତ କରିଥିଲେ l ଏବଂ

ଯେତେ ଦିନ ଯାଏ ଆମ ସ୍ୱର ଶାଣିତ ନ ହେବ ସେତେ ଦିନ ଯାଏ ଆମେ ଅବହେଳା ର ଶିକାର ହେଉଥିବା ବୋଲି କହିଥିଲେ l ଉପସଭାପତି କବି ଆର୍ତ୍ତତ୍ରାଣ ବାବୁ ସ୍ଵାଗତ ଭାଷଣ ପ୍ରଦାନ କରିଥିଲେ l ସମ୍ପାଦକ ଜ୍ୟୋତି ରଞ୍ଜନ ପଟ୍ଟନାୟକ ସମ୍ପାଦକୀୟ ବିବରଣୀ ପଠନ କରିଥିବା ବେଳେ ମୁଖ୍ଯବକ୍ତା ଗୋରେଖନାଥ ସାହୁ ନାଗରିକ ଙ୍କ ସୁରକ୍ଷା ଓ ଅଧିକାର ଉପରେ ବକ୍ତବ୍ୟ ପ୍ରଦାନ କରିଥିଲେ l ସଭ୍ଯ ସର୍ବଶ୍ରୀ କଇଁରୁ ସ୍ୱାଇଁ, ବ୍ୟୋମ କେଶ ଦାଶ, ଉମେଶ ଚନ୍ଦ୍ର ପଣ୍ଡା, ଦିଲ୍ଲୀପ ରଥ, ମଦନ ମୋହନ ଦାନୀ , ଦେବ କିଶୋର ଦାନୀ ,ପ୍ରମୋଦ ଚାନ୍ଦ ,ହରିହର ଶତପଥୀ ,ମୃତ୍ୟୁଞ୍ଜୟ ଦାସ ଆଦି ବକ୍ତବ୍ୟ ପ୍ରଦାନ କରିଥିବା ବେଳେ ଶିକ୍ଷାବିତ୍ ପ୍ରଦୀପ କୁମାର ପୁରୋହିତ ସଭା ସଂଯୋଜନା କରି ବରିଷ୍ଠ ନାଗରିକ ସମାଜ ଲାଗି ଦୃଷ୍ଟାନ୍ତ ମୂଳକ କାର୍ଯ୍ୟ କରିବା ଉଚିତ ଓ ଜ଼ିଲ୍ଲା ର ବିକାଶ ଲାଗି ସାମୁହିକ ଭାବେ ସ୍ୱର ଉତ୍ତୋଳନ କରିବାକୁ ମତ ରଖିବା ସହ ଶେଷ ରେ ଧନ୍ୟବାଦ ଅର୍ପଣ କରିଥିଲେ l