14-Aug-2023

ଡୁଙ୍ଗୁରିପାଲ(ଅରବିନ୍ଦ ମିଶ୍ର)- ଡୁଙ୍ଗୁରିପାଲି ଭାରତୀୟ ଖାଦ୍ୟ ନିଗମ ସମ୍ମୁଖ ଏକ ଗୋଦାମ ଘରୁ ଆଜି ୩୩କ୍ୟୁଣ୍ଟାଲ ୪୫କେଜି  ବେଆଇନ ଚାଉଳ ଡୁଙ୍ଗୁରିପାଲି ପୋଲିସ ଜବତ କରିଥିବା ଜଣାଯାଏ । ପ୍ରାପ୍ତ ସୂଚନା ଅନୁସାରେ ଭାରତୀୟ ଖାଦ୍ୟ ନିଗମ ସମ୍ମୁଖରେ ଡୁଙ୍ଗୁରିପାଲି ପୋଲିସ ଏବଂ ଯୋଗାଣ ଅଧିକାରୀ ସୁବତ୍ର କୁମାର ପାଣି ମିଳିତ ଭାବରେ ରଞ୍ଜନ ସ୍ୱାଇଁଙ୍କ ଗୋଦାମ ଉପରେ ଅତର୍କୀତ ଚଢାଉ କରିଥିଲେ ।  ଚଢାଉ ସମୟରେ ସେଠାରୁ ସରକାରୀ ଲଗୋଥିବା ଚାଉଳ ବସ୍ତାରେ ଚାଉଳ ବାହାରି ଥିଲା ।  ଉକ୍ତ ଚାଉଳ ସେ ଗାଡି ଚାଳକମାନଙ୍କଠାରୁ କିଣିଥିବା ପ୍ରକାଶ କରିଥିଲେ ।  ସବୁଠାରୁ ଆଶ୍ଚର୍ଯ୍ୟର କଥା ସେଠାରେ ସରକାରୀ ଲଗୋ ଲାଗିଥିବା ବସ୍ତା ବଣ୍ଡଲ ରହିଥିଲା । ଉକ୍ତ ବସ୍ତା ଗୁଡିକ ବ୍ୟବହାର ମଧ୍ୟ ହୋଇନଥିଲା । ଏହି ବସ୍ତା ଗୁଡିକ ମିଲ ଏବଂ ଏଫସିଆକୁ ସରକାର ଯୋଗାଇଥାନ୍ତି ।

ଥରେ ବ୍ୟବହାର ହେଲେ ଉକ୍ତ ବସ୍ତା ଗୁଡିକ ସର୍ବସାଧାରଣ ବଜାରରେ ମିଳି ଥାଏ । କିନ୍ତୁ ବ୍ୟବହାର ନ ହୋଇ ନୂତନ ବସ୍ତା କେଉଁଠାରୁ ଆସିଥିଲା । ଉକ୍ତ ବସ୍ତା ଗୁଡିକ କୌଣସି ମିଲର୍ସଠାରୁ କିମ୍ବା ଏଫସିଆଇଠାରୁ ଆଣିଥାଇପାରନ୍ତି । ଯାହାକି ଚାଉଳ ଯୋଗାଣ ଉକ୍ତ ବସ୍ତାରେ ହୋଇ ପାରିବ ।  ଏଣୁ  ଏବିଷୟରେ ତାଙ୍କୁ ପଚାରିଲେ ମଧ୍ୟ ସେ କୌଣସି ଉତ୍ତର ଦେଇ ନଥିଲେ ।  ଏଫସିଆଠାରେ ମିଲର୍ସ ମାନଙ୍କ ଚାଉଳ ଗାଡି ରହିଥାଏ । ବହୁ ସଂଖ୍ୟାରେ ଗାଡି ଗୁଡିକ ଏଠାରେ ଅଟକୁ ଥିବା ବେଳେ ଚାଳକମାନେ ଚାଉଳ ବିକ୍ରୀ କରିଥିବା ସେ ପ୍ରକାଶ କରନ୍ତି । କିନ୍ତୁ ଉକ୍ତ ଚାଉଳ ଯାଉଛି କୁଆଡେ ଏହାର ତଦନ୍ତ ଜରୁରୀ ଅଟେ । ଚାଉଳ ଗୁଡିକ ସାଧାରଣ ଲୋକେ କିଣି ଥାନ୍ତି ବୋଲି ସେ ପ୍ରକାଶ କରିଥିଲେ ମଧ୍ୟ ଏତେ ପରିମାଣର ଚାଉଳ ସାଧାରଣରେ ବିକ୍ରୀ ହେବା ସନ୍ଦେହ ଜନକ । ଏହା କୌଣସି ମିଲର୍ସ କିଣିଥାଇ ପାରନ୍ତି ବା ତାଙ୍କର ହାତ ଥାଇପାରେ ବୋଲି ସାଧାରଣରେ ଚର୍ଚ୍ଚା ହେଉଛି ।ଖବର ଲେଖା ହେବା ପର୍ଯ୍ୟନ୍ତ ପୋଲିସ ତଦନ୍ତ ଜାରି ରଖିଛି ।ଗୋଦାମରୁ ବେଆଇନ ୩୩.୪୫କୁଇଣ୍ଟାଲ ଚାଉଳ ଜବତ