14-Aug-2023

ବଲାଙ୍ଗୀର// ସରକାର ଯୋଜନା ଉପରେ ଯୋଜନା କରୁଛନ୍ତି କିନ୍ତୁ ପ୍ରକୃତ ହିତାଧିକାରୀ ସରକାରୀ ଯୋଜନାର ସୁଫଳ ପାଇ ପାରୁ ନାହାନ୍ତି । ଏପରି କିଛି ଘଟଣା ଘଟିଛି ବଲାଙ୍ଗୀର ଜିଲ୍ଲା ସଇଁନ୍ତଳା ବ୍ଲକ କୁଡାବାହାଲ ପଂଚାୟତ ଅନ୍ତର୍ଗତ ଧୁମାପାଲି ଗାଁ ରେ । ଏହି ଗାଁ ର ଅନେକ ପରିବାରକୁ ଆଜି ପର୍ଯ୍ୟନ୍ତ ସରକାରଙ୍କ ରାସନ କାର୍ଡ ଟି ମିଳି ନାହିଁ । ଏପରିକି ଏହି ଗାଁ ର ପ୍ରାୟ ୮/୯ଟି ପରିବାରକୁ ପ୍ରଧାନମନ୍ତ୍ରୀ ଆବାସ ଯେ।।ଜନାରେ ସାମିଲ କରାଯାଇ ନ ଥିବା ଯୋଗୁଁ ସେମାନେ ଝାଟିମାଟି ଘରେ ଅତି ଦୟନୀୟ ଭାବରେ ଜୀବନ ବିତାଉଛନ୍ତି । ରାଜ୍ୟ ସରକାର ଙ୍କ ବିଭିନ୍ନ ସରକାରୀ ଯୋଜନାରୁ ବଂଚିତ ଧୁମାପାଲି ଗାଁ ର ୮/ ୯ ଟି ପରିବାର ଜିଲ୍ଲାପାଳଙ୍କ କାର୍ଯ୍ୟାଳୁୟର ଦ୍ୱାରସ୍ଥ ହୋଇଛନ୍ତି ।  ରାସନ କାର୍ଡ ପ୍ରଦାନ ଓ ଆବାସ ଯୋଜନାରେ ସାମିକଲ କରିବା ପାଇଁ ଏହି ପରିବାର ସମୂହ ଜିଲ୍ଲାପାଳଙ୍କ ନିକଟରେ ଦାବି କରିଛନ୍ତି । ଆଜି ଜିଲ୍ଲାପାଳଙ୍କ ଅନୁପସ୍ଥିତିରେ ଅତିରିକ୍ତ ଜିଲ୍ଲାପାଳ ଲମ୍ବୋଦର ଧରୁଆଙ୍କୁ ଗ୍ରାମବାସୀ ଏକ ଦାବିପତ୍ର ପ୍ରଦାନ କରିଛନ୍ତି ।