11-Aug-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଅନ୍ତର୍ଗତ ବାଉଁଶୁଣି ଶ୍ରୀଜଗନ୍ନାଥ କନିଷ୍ଠ ଉଚ୍ଚ ମାଧ୍ୟମିକ ବିଦ୍ୟାଳୟରେ ଯୁକ୍ତଦୁଇରେ ପ୍ରଥମ କରି ପାଦ ପକାଇଥିବା ଛାତ୍ରଛାତ୍ରୀ ମାନଙ୍କୁ ବୁଧବାର ଯୁକ୍ତଦୁଇ ଦ୍ଵିତୀୟ ବର୍ଷର ଛାତ୍ରଛାତ୍ରୀ ମାନଙ୍କ ତରଫରୁ ଫୁଳଚନ୍ଦନ ଓ ଉପହାର ଦେଇ ସ୍ଵାଗତ କରାଯାଇଥିଲା ।ଏହି ଅବସରରେ ଅନୁଷ୍ଟିତ ସ୍ଵାଗତ ସମ୍ବର୍ଦ୍ଧନା ଉତ୍ସବରେ ଅଧ୍ୟକ୍ଷ ବନ ବିହାରୀ ମିଶ୍ର ନୂତନ ଛାତ୍ରଛାତ୍ରୀଙ୍କ ଉଜ୍ଜଳ ଭବିଷ୍ୟତ କାମନା କରିବା ସହିତ ପାଠପଡ଼ାରେ ଦୃଢ ମନୋବଳ ରଖିବା ନେଇ ଏହି ବିଦ୍ୟାଳୟର ଅଧ୍ୟୟନ ରତ ଛାତ୍ରଛାତ୍ରୀ ଯଦି ରାଜ୍ୟସ୍ତରରେ ପ୍ରଥମ ସ୍ଥାନ ହାସଲ କରିବେ ତାହାକୁ ବ୍ୟକ୍ତିଗତ ଭାବେ ବିଦ୍ୟାଳୟ ତରଫରୁ ୧୦ହଜାର ଟଙ୍କା ପୁରସ୍କାର,ଜିଲ୍ଲା ସ୍ତରରେ ୫ହଜାର ଓ ବ୍ଲକ ସ୍ତରରେ ୩ହଜାର ଟଙ୍କା ଦିଆଯିବ ବୋଲି ଘୋଷଣା କରିଥିଲେ। ଓଡ଼ିଆ ଅଧ୍ୟାପକ ବିଶେଶ୍ୱର ଗୁରୁଙ୍କ ପରିଚାଳନାରେ ଅନୁଷ୍ଟିତ ଉତ୍ସବରେ ଅଧ୍ୟାପକ ରାଜେଶ ପଟ୍ଟନାୟକ,ଶିବଦତ୍ତ ପଣ୍ଡା, ଡିଇଓ ଲିଲି ମାହାର,ଖେଳଶିକ୍ଷକ ଶାନ୍ତନୁ ସାହୁ,କମିଟି ସଦସ୍ୟ କାର୍ତ୍ତିକ ସା,କଏରା ମଲ୍ଲିକ ପ୍ରମୁଖ ଯୋଗଦେଇ ଛାତ୍ରଛାତ୍ରୀଙ୍କୁ ଶିକ୍ଷାର ଅଗ୍ରଗତି ପାଇଁ ଶୃଙ୍ଖଳିତ ଜୀବନ ଉପରେ ମାର୍ଗଦର୍ଶନ ଦେଇଥିଲେ।