10-Aug-2023

ସମ୍ବଲପୁର (ସଂଜୀବ ପାଣିଗ୍ରାହୀ )
 ସ୍ଥାନୀୟ କ୍ଷେତରାଜପୁର ସ୍ଥିତ ବାଲାଜୀ କଲୋନୀରେ ଭାରତ ଛାଡ଼ ଆନ୍ଦୋଳନର 81 ବର୍ଷ ପୂର୍ତ୍ତି ଅବସରରେ ଅଗଷ୍ଟ କ୍ରାନ୍ତି ଦିବସ ମହାସମାରୋହରେ ପାଳିତ ହୋଇ ଯାଇଛି |
 ସମାଜସେଵୀ ଓ ସଂସ୍କୃତି ରତ୍ନ ଶ୍ରୀଯୁକ୍ତ କାର୍ତ୍ତିକ ପ୍ରସାଦ ବହିଦାର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମାରୋହରେ ମୁଖ୍ୟ ଅତିଥି ଭାବରେ ଶ୍ରୀଯୁକ୍ତ ଦାମୋଦର କର ଏବଂ ସମ୍ମାନୀତ ଅତିଥି ଭାବରେ ଶ୍ରୀଯୁକ୍ତ ଅନୀଲ କୁମାର ବେହେରା ଯୋଗଦାନ କରିଥିଲେ |ଅତିଥି ମାନଙ୍କ ଦ୍ୱାରା ଭାରତ ମାତା ଙ୍କ ଫଟୋଚିତ୍ରରେ ପୁଷ୍ପମାଲ୍ୟାର୍ପଣ ଓ ଧୂପ ଦୀପ ଦ୍ୱାରା ପୂଜାର୍ଚ୍ଚନା ପରେ ଆବାହିକା ଶ୍ରୀମତୀ ମୁନମୁନ ସୌଦାଗର ପ୍ରାରମ୍ଭିକ ବକ୍ତବ୍ୟ ପ୍ରଦାନ କରିଥିଲେ | ଏହି ଅବସରରେ ବାଲାଜୀ କଲୋନୀ ମହିଳା ସମିତି ପକ୍ଷରୁ ବିଶିଷ୍ଟ ସ୍ବାଧୀନତା ସଂଗ୍ରାମୀ ସ୍ବର୍ଗତ ନାରାୟଣ ମେହେର ଙ୍କ ସୁପୁତ୍ର ଅବସରପ୍ରାପ୍ତ ସେନାଧିକାରୀ ଶ୍ରୀଯୁକ୍ତ ଜନାର୍ଦ୍ଦନ ମେହେର, ଶ୍ରୀଯୁକ୍ତ ବିନୋଦ କୁମାର ସାହୁ, ଶ୍ରୀଯୁକ୍ତ ଶିବ ଶମ୍ଭୁ ଯାଦବ ଏବଂ ଅବସର ପ୍ରାପ୍ତ ବର୍ଷୀୟାନ ଶିକ୍ଷକ ଶ୍ରୀଯୁକ୍ତ ରାମ ନରେଶ ପାଣ୍ଡେ ଓ ଶ୍ରୀଯୁକ୍ତ ଶିବ ଶଙ୍କର ମିଶ୍ର ଙ୍କୁ ପୁଷ୍ପଗୁଚ୍ଛ ଓ ଉପଢୌକନ ପ୍ରଦାନ ପୂର୍ବକ ସମ୍ୱର୍ଦ୍ଧନା ଜ୍ଞାପନ କରା ଯାଇଥିଲା |

ଏହି ସମାରୋହରେ, ଭାରତ ମାତାଙ୍କୁ ବିଦେଶୀ ଶାସନ ଶୃଙ୍ଖଳରୁ ମୁକ୍ତ କରିବା ପାଇଁ ସଶସ୍ତ୍ର ଆନ୍ଦୋଳନ ଓ ସତ୍ୟାଗ୍ରହ ଅହିଂସା ଆନ୍ଦୋଳନ କରିଥିବା ସମସ୍ତ ସ୍ୱାଧୀନତା ସଂଗ୍ରାମୀ, ମୁକ୍ତି ସଂଗ୍ରାମୀ, କ୍ରାନ୍ତିକାରୀ ବଳିଦାନୀ ଅମର ସହିଦ୍ ମାନଙ୍କୁ ସ୍ମରଣ କରାଯାଇ ଭକ୍ତିପୂତ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା | ଏହି ଅବସରରେ ସମଗ୍ର ଦେଶରେ ଚାଲିଥିବା "ମୋର୍ ମାଟି ମୋର୍ ଦେଶ" କାର୍ଯ୍ୟକ୍ରମ ସମ୍ବଲପୁର ଜିଲ୍ଲାରେ ଶୁଭାରମ୍ଭ ହୋଇଥିଲା | ଏହି ସମାରୋହରେ ବାଲାଜୀ କଲୋନୀ ଏବଂ ସହରର ବହୁ ଭଦ୍ରବ୍ୟକ୍ତି ଓ ଭଦ୍ର ମହିଳା ଯୋଗଦାନ କରି ମୁକ୍ତି ସଂଗ୍ରାମୀ ମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ | ସାମୁହିକ ଜାତୀୟ ସଂଗୀତ ଗାନ ପରେ ସମାରୋହ ଉଦଯାପିତ ହୋଇଥିଲା |