10-Aug-2023

ବରଗଡ:-ଆଜି ବରଗଡ ଜିଲ୍ଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁର ଠାରେ ମାନ୍ୟବର ମନ୍ତ୍ରୀ,ହସ୍ତତନ୍ତ ଓ ବୟନ ଶିଳ୍ପ ବିଭାଗ ଓଡ଼ିଶା ସରକାର ଶ୍ରୀମତୀ ରୀତା ସାହୁଙ୍କ କରକମଳରେ ଫାଇଲେରିଆ ନିରାକରଣ ନିମନ୍ତେ ସାମୁହିକ ଔଷଧ ସେବନ କାର୍ଯ୍ୟକ୍ରମର ଶୁଭ ଉଦଘାଟନ ହୋଇ ଯାଇଛି।ଉକ୍ତ କାର୍ଯ୍ୟକ୍ରମରେ ବିଜେପୁର ବ୍ଲକ ଅଧ୍ୟକ୍ଷ ମୋତିରାମ ସାହୁ ଏମଡିଏ କର୍ନର ରେ ନିଜେ ତିନିପ୍ରକାରର ଔଷଧ ଖାଇ ଜନସାଧାରଣଙ୍କୁ ଉତ୍ସାହିତ କରିଥିଲେ।ପରେ ମନ୍ତ୍ରୀ ଶ୍ରୀମତୀ ସାହୁଙ୍କ ସଭାପତିତ୍ୱରେ ଏକ ଉଦଘାଟନୀ ସଭା ଆୟୋଜିତ ହୋଇଥିଲା।ମନ୍ତ୍ରୀ ନିଜେ ଜନସାଧାରଣଙ୍କୁ ସାମୁହିକ ଔଷଧ ସେବନ କାର୍ଯ୍ୟକ୍ରମରେ ବିନା ଦ୍ୱିଧାରେ ଫାଇଲେରିଆ ନିରାକରଣ ଔଷଧ ସେବନ କରି ଫାଇଲେରିଆ ମୁକ୍ତ ସମାଜ ଗଠନ କରିବା ପାଇଁ ଆହ୍ୱାନ ଦେଇଥିଲେ।ଗୋଷ୍ଠୀ ଜନସ୍ୱାସ୍ଥ୍ୟ ଅଧିକାରୀ ଡାକ୍ତର ସୁଶାନ୍ତ ମେହେର ଫାଇଲେରିଆ ରୋଗର

ଲକ୍ଷଣ ତଥା ସମାଜରେ ତା'ର କୁପ୍ରଭାବ ଉପରେ ଆଲୋକପାତ କରବା ସହିତ କାର୍ଯ୍ୟକ୍ରମରେ ଥିବା ତିନି ପ୍ରକାରର ଔଷଧ ଯଥା ଆଲବେଣ୍ଡାଜୋଲ,ଡିଇସି ଓ ଆଇଭର ମେଟିନ ସମ୍ପୁର୍ଣ୍ଣ ନିରାପଦ ଅଟେ।ତେଣୁ ଔଷଧ ସେବନ କରି କାର୍ଯ୍ୟକ୍ରମକୁ ସଫଳ କରିବା ପାଇଁ ଉତ୍ସାହିତ କରିଥିଲେ।ଗୋଷ୍ଠୀ ଜନସ୍ୱାସ୍ଥ୍ୟ ସଂପ୍ରସାରତ ଅଧିକାରୀ ସୁଦାମ ଚରଣ ପାଣିଗ୍ରାହୀ କାର୍ଯ୍ୟକ୍ରମ ବିଷୟରେ ବିଷଦ ଆଲୋଚନା କରିଥିଲେ।ଉଦଘାଟନୀ ସଭାରେ ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ ଡାକ୍ତର ପୂର୍ଣ୍ଣ ଶଙ୍କର ମେହେର, ମହିଳା ପରିଦର୍ଶିକା ଶ୍ରୀମତୀ କବିତାଞ୍ଜଳୀ ଦାଶ,ମହିଳା ସ୍ୱାସ୍ଥ୍ୟକର୍ମୀ ପାରବତୀ ମାଝି,ଫାର୍ମାସିଷ୍ଟ ସୁଶ୍ରୀ ରେଶମୀ ନାଗ,ଏସଟିଏସ ଦେବାଶିଷ ଦେବତା,ବିପିଏମ ବିଜୟ ସରାପ,ନାରାୟଣ ପାଢୀ ପ୍ରମୁଖ ସମସ୍ତ କର୍ମଚାରୀ ଉପସ୍ଥିତ ଥିଲେ।