09-Aug-2023

କୁରସୁଡ(ମନୋଜ ଜୈନ)- ବଲାଙ୍ଗିର ଜିଲ୍ଲା ଟିଟିଲାଗଡ ବ୍ଳକ ଅନ୍ତର୍ଗତ କୁରସୁଡ ଗ୍ରାମର ଶିଶୁବିଦ୍ୟାମନ୍ଦିର ପରିସରରେ ଜ୍ଞାନବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି। ପ୍ରଧାନ ଆଚାର୍ଯ୍ଯ ତ୍ରିନାଥ ନାଗଙ୍କ ସଭାପତିତ୍ବ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଦ୍ୟାଳୟର ପରିଚାଳନା ସମିତିର ଯୁଗ୍ମସମ୍ପାଦକ  ମନୋଜ କୁମାର ଜୈନ ଅନୁଷ୍ଠିନ ଭାବେ ଉଦଘାଟନ କରିଥିଲେ । ଗୁରୁମାଁ ପ୍ରମିଳା ନାୟକ ସଂଯୋଜନା କରିଥିବା ବେଳେ ବିଚାରକ ଭାବେ ସ୍ଥାନୀୟ ଶ୍ରୀଜଗନ୍ନାଥ ନୋଡାଲ ଉଚ୍ଚ ବିଦ୍ୟାଳୟର ବିଜ୍ଞାନ ଶିକ୍ଷକ ଶଙ୍କର୍ଷଣ ସ୍ବାଇଁ ଓ ଶିକ୍ଷୟିତ୍ରୀ ନମିତା ନାଥ କାର୍ଯ୍ୟ ତୁଲାଇ ଥିଲେ । ବିଦ୍ୟାଳୟର ବିଜ୍ଞାନ ଗୁରୁଜୀ ଗଣେଶ ରାମ ସୁନା ସହଯୋଗ କରିଥିବା ବେଳେ ଶିଶୁବାଟିକା ବିଭାଗରୁ ୩୨ଟି ପ୍ରକଳ୍ପ ଓ ପ୍ରାଥମିକ ବିଭାଗରୁ ୮୦ଟି ପ୍ରକଳ୍ପ ପ୍ରଦର୍ଶିତ ହୋଇଥିଲା । ଶିଶୁ ମନ୍ଦିରର ବିଜ୍ଞାନ ଗୁରୁଜୀ ରାଜୀବ ନାଥଙ୍କ ତତ୍ତ୍ବାବଧାନରେ  ଭକ୍ତ ଚରଣ ବେହେରା,ହରି ଶଙ୍କର ସିଂଦେଓ,  ପ୍ରଶାନ୍ତ ଦାଶ, ଅନୀଲ କୁମାର ଭୋଇ, ଗୁରୁମା କମଳିନୀ ନାଗ,ନୀଳିମା ରଣା,ଲିଲି ମହାକୁର,ବନ୍ଦିତା ପାଣିଗ୍ରାହୀ ଆଦି  ସହଯୋଗ କରିଥିଲେ ।