08-Aug-2023

ବିନିକା(ହିମାଂଶୁ ଶେଖର ପୁଟେଲ) ବିନିକା ସହର କୁଳଦେଇ ପ୍ରବାହିତ ଚିରସ୍ରୋତା ମହାନଦୀ ମଧ୍ୟମ ସ୍ଥଳରେ ଶୋଭା ପାଉଥିବା ବାଇକାନୀ ମନ୍ଦିରର ମୁଣ୍ଡିରେ ଲାଗିଥିବା ବାନା ଖୁଣ୍ଟ ସହ ଖସି ପଡିଥିବା ଦେଖିବାକୁ ମିଳିଛି।ସୂଚନା ଯୋଗ୍ୟ ଯେ ବର୍ତମାନ ମହାନଦୀରେ ବନ୍ୟା ପ୍ରଭାବିତ ହେଉଥିବାରୁ ବନ୍ୟା ପାଣି ଦେଖିବା ପାଇଁ ମହାନଦୀ ବ୍ରିଜ କୁ ଅପରାହ୍ନ ସମୟରେ ସହରବାସୀ ଏବଂ ଆଖ ପାଖ ଅଞ୍ଚଳର ବହୁ ଲୋକଙ୍କ ଭିଡ଼ ଜମୁଛି।ଲୋକେ ମହାନଦୀର ମନୋରମ ଦୃଶ୍ୟ ଉପଭୋଗ କରିବା ସାଙ୍ଗକୁ ବ୍ରିଜ ଉପରୁ ବାଇକାନୀ ଦେବୀଙ୍କ ଦର୍ଶନ କରିବାର ସୁଯୋଗ ନେଉଛନ୍ତି ।ଅନ୍ୟପକ୍ଷରେ ମନ୍ଦିର ମଣ୍ଡିରୁ ବାନା ଖସିବା ଭଳ ଲକ୍ଷଣ ନୁହେଁ ବୋଲି ସୋସିଆଲ ମିଡିଆରେ କେତେକ ସାମାଜିକ କର୍ମୀ ଭାଇରାଲ କରି ଲୋକଙ୍କୁ ସଚେତନ କରାଇବା ଉପଯୁକ୍ତ ପଦକ୍ଷେପ ବୋଲି ସାଧାରଣରେ ଆଲୋଚନା ହେଉଛି। କୈବର୍ତ୍ତ ସମାଜର ଆରାଧ୍ୟ ଦେବତା ହୋଇଥିବାରୁ ପୌଷ ପୂର୍ଣ୍ଣିମାରେ ଏହି ପୀଠରେ ଜାକଜମକରେ ପୂଜାର୍ଚ୍ଚନା ହୁଏ।ଦର୍ଶନ ପାଇଁ ଶତାଧିକ ଭକ୍ତଙ୍କ ସମାଗମ  ହୋଇଥାଏ।ଅନ୍ୟ ପକ୍ଷରେ କୁଆଡେ ମନ୍ଦିର ବନ୍ୟା ପାଣିରେ ବୁଡ଼ିଗଲେ ବିନିକା ସହର ଜଳାର୍ଣ୍ଣବ ଏବଂ ଆଖପାଖ ତଥା ନଦୀ କୁଳିଆ ଅଞ୍ଚଳ ମାନଙ୍କରେ ବନ୍ୟା ପରିସ୍ଥିତି ସୃଷ୍ଟି ହୋଇଥାଏ ବୋଲି ଲୋକଙ୍କ ବିଶ୍ୱାସ ।କାରଣ ବିଗତ ୧୯୮୨,୧୯୯୪,୨୦୧୧ ବର୍ଷ ମାନଙ୍କରେ ଭୟଙ୍କର ବନ୍ୟା ପରିସ୍ଥିତି ସୃଷ୍ଟି ହୋଇଥିବା ବେଳେ ଅନ୍ୟ ବର୍ଷ ମାନଙ୍କରେ ମଧ୍ୟ ଛୋଟ ବଡ଼ ବନ୍ୟା ପରିସ୍ଥିତି ସୃଷ୍ଟି କରିଛି।ତେଣୁ ଲକ୍ଷଣ କୁପ୍ରଭାବ ପଡିବା ପୂର୍ବରୁ ବାଇକାନୀ ମନ୍ଦିର ମୂଣ୍ଡିରୁ ଖସି ପଡିଥିବା ବାନାକୁ ସଜାଡିବାକୁ ଭକ୍ତ ମହଲରେ ଦାବୀ ହେଉଛି ।