07-Aug-2023

ବରଗଡ଼:- ନିଖିଳ ଉତ୍କଳ ପ୍ରାଥମିକ ଶିକ୍ଷକ ଫେଡେରେସନ ର ଆହ୍ୱାନ ରେ ପାଇକମାଲ ବ୍ଳକ ପ୍ରାଥମିକ ଶିକ୍ଷକ ସଂଘ ସଭାପତି ନିରାକାର ପ୍ରଧାନ ଙ୍କ ନେତୃତ୍ୱ ରେ ସମସ୍ତ ବର୍ଗ ର ପ୍ରାଥମିକ ଶିକ୍ଷକ ସଂଘ ମିଳିତ ଭାବେ ଗୋଷ୍ଠୀ ଶିକ୍ଷା ଅଧିକାରୀ ପାଇକମାଲ ଚୂଡ଼ାମଣି ବାରିକ ଙ୍କ ଜରିଆରେ ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟ ରେ ତିନି ଦଫା ସମ୍ମିଳିତ ଦାବିପତ୍ର ପ୍ରଦାନ କରିଛନ୍ତି l  ପ୍ରମୁଖ ଦାବୀ ମଧ୍ୟରୁ 1-ସମସ୍ତ କନିଷ୍ଠ ଶିକ୍ଷକ, କଳା,କ୍ରୀଡା ଶିକ୍ଷକ ଙ୍କୁ ନିୟମିତ କରିବା,ଏକ୍ସକ୍ୟାଡର ଉଚ୍ଛେଦ,ଶିକ୍ଷାକର୍ମୀ, ଶିକ୍ଷା ସହାୟକ   କାର୍ଯ୍ୟକାଳ ଗଣନା କରି ନୋସନାଲ ଇନକ୍ରିମେଣ୍ଟ ପ୍ରଦାନ ଦାବୀ l 2- ପ୍ରାଥମିକ ଶିକ୍ଷକ ଙ୍କୁ ଅବିକଳ କେନ୍ଦ୍ରୀୟ ହାରରେ ଦରମା(4200 ଗ୍ରେଡ଼ପେ )ପ୍ରଦାନ ଦାବୀ l 3- ନୂତନ ପେନସନ ଉଚ୍ଛେଦ କରି ପୁରୁଣା ପେନସନ ପ୍ରଦାନ ଦାବୀ ରହିଛି l ଆଗାମୀ ଅଗଷ୍ଟ 15 ପୂର୍ବରୁ ସରକାର ଶିକ୍ଷକ ଙ୍କ ସମସ୍ତ ଦାବୀ ପୂରଣ ନକଲେ ସମୂହ ଛୁଟି ରେ ଯିବେ ବୋଲି ଚରମ ଚେତାବନୀ ଦେଇଛନ୍ତି l ଦାବୀପତ୍ର ପ୍ରଦାନ ସମୟରେ ବରଗଡ ଜିଲ୍ଲା ଶିକ୍ଷକ ସଂଘ ସଭାପତି ଡୋଳାମଣି ମାହାର, ନିଖିଳ ଭାରତ ପ୍ରାଥମିକ ଶିକ୍ଷକ ଫେଡେରେସନ ବରଗଡ ଜିଲ୍ଲା ସମ୍ପାଦକ ମହାଦେବ ବେହେରା,ବ୍ଳକ ଶିକ୍ଷକ ସଂଘ ଉପ ସଭାପତି ବୈଷ୍ଣବ ପଣ୍ଡା,ସମ୍ପାଦକ ଚକ୍ରଧର ଅଜଗର, କୋଷାଧ୍ୟକ୍ଷ ରଞ୍ଜନବାଗ  କନିଷ୍ଠ ଶିକ୍ଷକ ସଂଘ ସଭାପତି ରାଜେଶ ଚାନ୍ଦ, ଏକ୍ସକ୍ୟାଡ଼ର ଶିକ୍ଷକ ସଂଘ ରୁ ଜୟପ୍ରକାଶ ରଣା, ଡୋଲାମଣି ଦୀପ ସମେତ ସମସ୍ତ ବର୍ଗ ର ପ୍ରାଥମିକ ଶିକ୍ଷକ ସଂଘ ର ଶତାଧିକ ଶିକ୍ଷକ ଶିକ୍ଷୟତ୍ରୀ ଉପସ୍ଥିତ ରହିଥିଲେ l