06-Aug-2023

ବଲାଙ୍ଗୀର(ପ୍ରେରଣା ଖବର ): ଆଜି ରବିବାର ସକାଳ ୯ ଘଣ୍ଟା ସମୟରେ ଖୁଜେନ ପାଲି ନିକଟସ୍ଥ ସତ୍ୟ ନାରାୟଣ ଦର୍ଜି ଙ୍କ ଦର୍ଜି ଗାର୍ଡେନ ଠାରେ ହରଭଙ୍ଗା ବଂଶର ଭାଇ ମାନଙ୍କର ଏକ ପାରିବାରିକ ବୈଠକ ଅନୁଷ୍ଠିତ ହୋଇଯାଇଛି।

ଦର୍ଜି ଜାତି କ୍ଷତ୍ରିୟ ଜାତି ଭାବେ ଭାରତ ବର୍ଷରେ ପରିଗଣିତ।ଦୀର୍ଘ ବର୍ଷ ପରେ ବଂଶ ର ସମସ୍ତ ଭାଇ ମାନେ ଏକତ୍ରିତ ହୋଇ ଥିବାରୁ ସମସ୍ତଙ୍କ ମନରେ ଖୁସିର ଲହରୀ ଖେଳି ଯାଇଥିଲା।ବଂଶ ର ମୁଖ୍ୟ ପିତାମ୍ବର ଦର୍ଜି ଙ୍କ ସଭାପତିତ୍ବ ରେ ବୈଠକ ଅନୁଷ୍ଠିତ ହୋଇ ଆଗାମୀ ଦିନର କାର୍ଯ୍ୟ ଖସଡ଼ା ପ୍ରସ୍ତୁତ କରାଯାଇଥିଲା।ସମସ୍ତ ଭାଇ ମାନେ ନିଜ ପରିବାର ସହ ଯୋଗଦାନ ଦେଇ ନିଜର ମୂଲ୍ୟବାନ ମତାମତ ବ୍ୟକ୍ତ କରିଥିଲେ।ସମସ୍ତଙ୍କ ମତାମତ କ୍ରମେ ଆଗାମୀ ନୂଆଖାଇ କୁ ନିଆରା ଢଙ୍ଗରେ ପାଳନ କରିବା ପାଇଁ ମତ ପ୍ରକାଶ ପାଇଥିଲା।ସମସ୍ତ ଭାଇ ନିଜ ପରିବାର ସହ ଗୋଟିଏ ସ୍ଥାନରେ ନବାର୍ଣ୍ଣ ଭକ୍ଷଣ ପାଇଁ ପ୍ରସ୍ତାବ ଗୃହୀତ ହୋଇଥିଲା।ହରଭଙ୍ଗା ବଂଶ ର ପ୍ରାୟ ୭୦ ରୁ ଉର୍ଦ୍ଧ୍ବ ଦର୍ଜି ଏକତ୍ରିତ ହୋଇ ଗୋଟିଏ ସ୍ଥାନରେ ନବାର୍ଣ ଭକ୍ଷଣ କରିବା ପାଇଁ ସ୍ଥିର କରିଥିଲେ।ଶେଷରେ ହରଭଙ୍ଗା ବଂଶ ମୁଖ୍ୟ ପିତାମ୍ବର ଦର୍ଜି ଙ୍କୁ ଅମିର ଦର୍ଜି ଉପଢୌକନ ଏବଂ ପୁଷ୍ପଗୁଛ ଦେଇ ସମ୍ମାନିତ କରିଥିଲେ।