06-Aug-2023

ପାଟଣାଗଡ(ଦିଲୀପ ପଣ୍ଡା ): ବଲାଙ୍ଗୀର ଜିଲ୍ଲା ପାଟଣାଗଡ ବ୍ଲକ ଜଳଯୋଗାଣ ବିଭାଗର ମୁଖିଆ ଏସଡିଓ ବାବୁଙ୍କ ଠିକାଦାର ପ୍ରୀତିକୁ ନେଇ ଏବେ ଅଞ୍ଚଳରେ ଜୋର୍ ଚର୍ଚା ଧରିଛି। ଚର୍ଚାନୁସାରେ ବାବୁ ଜଳଯୋଗାଣ ପ୍ରକଳ୍ପ କାର୍ଯ୍ୟରେ ନିୟୋଜିତ ଥିବା କେତେକ ଠିକାଦାରଙ୍କ ସହ ନିବିଡ଼ ସମ୍ପର୍କ ରଖିଛନ୍ତି ସେମାନଙ୍କ ନାମରେ ଅଭିଯୋଗ ଆସିଲେ କାର୍ଯ୍ୟାନୁଷ୍ଠାନ ପରିବର୍ତ୍ତେ ସହଯୋଗ କରନ୍ତି ଓ ଠିକାଦାରକୁ ସୁହାଇଲା ଭଳି ଉତ୍ତର ଦିଅନ୍ତି।ବାବୁ ନିଜକୁ ଏତେ ସଚ୍ଚୋଟ ଭାବନ୍ତି ଯେ ସତେ ଯେମିତି କିଛି ଜାଣିନାହାନ୍ତି କିନ୍ତୁ ବାବୁ ଲୁଚି ଲୁଚି କ୍ଷୀର ପିଉଛନ୍ତି ସମସ୍ତଙ୍କୁ ଜଣା ଭାବୁଛନ୍ତି କେହି ଜାଣିନାହାନ୍ତି।ବାବୁ  ଜଣେ ଅଧିକାରୀ କିନ୍ତୁ ସାଧାରଣ ଲୋକଙ୍କୁ ନିଚ୍ଚ ସ୍ତରରେ ଦେଖନ୍ତି ଅଫିସ ଟାଇମ୍ ବାହାରେ ଯଦି ଵାବୁଙ୍କୁ କୌଣସି ସମସ୍ୟା ତଥା ଅଭିଯୋଗ ନେଇ ଫୋନ କଲେ ଧମକାଇବାକୁ ଚେଷ୍ଟା କରନ୍ତି କିନ୍ତୁ ବାବୁଙ୍କୁ କହି ରଖିବାକୁ ଚାହୁଁ ଯେ ବାବୁ ଜଣେ ଅଧିକାରୀ ଆପଣଙ୍କୁ ଜଣେ ସାଧାରଣ ଜନତା ଯେ କୌଣସି ସମୟରେ ଫୋନ କରି ଅଭିଯୋଗ କରିପାରିବ କିନ୍ତୁ ବାବୁ ଭାବୁଥିବେ ତାଙ୍କୁ ଖାଲି ଆଇନ ଜଣା।ରାଜ୍ୟ ସରକାର ସମସ୍ତ ଅଧିକାରୀଙ୍କୁ କଡା ନିର୍ଦ୍ଦେଶ ଦେଇଛନ୍ତି ଯେ ଗ୍ରାଉଣ୍ଡ ଜିରୋକୁ ଯାଇ ସମସ୍ୟାର ସମାଧାନ କରନ୍ତୁ କିନ୍ତୁ ଏ ବାବୁ ଲୋକଙ୍କ ନିକଟକୁ ଯିବେ କଣ ଓଲଟା ମୁଁ ଘରେ ଅଛି ଅଫିସ ଟାଇମ୍ ରେ ଫୋନ କରନ୍ତୁ କହି ସାଧାରଣ ଲୋକଙ୍କୁ ଖରାପ ବ୍ୟବହାର କରୁଛନ୍ତି l ବାବୁଙ୍କ ଏତାଦୃଶ ଆଚରଣ କୁ ନେଇ ପାଟଣାଗଡ ବିଧାୟକଙ୍କୁ ମଧ୍ୟ କିଛି ବ୍ୟକ୍ତି ଅଭିଯୋଗ ଆଣିଛନ୍ତି ଏ ଘଟଣାରେ ବିଭାଗୀୟ ଉଚ୍ଚ କତୃପକ୍ଷଙ୍କୁ ଜଣାଇ ଆଲୋଚନା କରିବା ପାଇଁ ପ୍ରତିଶ୍ରୁତି ଦେଇଛନ୍ତି ।ବାବୁଙ୍କ ଏଠାରେ ଯୋଗ ଦେଲାପରେ ଜଳଯୋଗାଣ ପ୍ରକଳ୍ପ କାର୍ଯ୍ୟରେ ଘୋର ଦୁର୍ନୀତି ବଢ଼ିଛି,ବାବୁଙ୍କ ପି.ସି କେତେ ପ୍ରତିଶତ ରହିଛି,ବାବୁ କେଉଁ କେଉଁ ଠିକାଦାରଙ୍କୁ ନିଜ ଟଙ୍କା ଦେଇ ଠିକାକାମରେ ସହଯୋଗ କରୁଛନ୍ତି ଓ ଘଣ୍ଟ ଘୋଡାଇ ରଖିଛନ୍ତି,ବାବୁଙ୍କ ବିଶ୍ଵସ୍ତ ଠିକାଦାର ନନ୍ଦ ବାବୁଙ୍କ କାର୍ଯ୍ୟକଲାପ କିଭଳି ରହିଛି ସମସ୍ତ ଗୁମର ଲୋକଲୋଚନକୁ ଅଣାଯିବ ।