04-Aug-2023

ତୁଷୁରା (ପଞ୍ଚାନନ ନାଏକ)- ତୁଷୁରା ସହରରେ ବେଆଇନ ଭାବେ ଜବରଦଖଲ କରିଥିବା ଜମିକୁ ଉଚ୍ଛେଦ ନକରିବାରୁ ଟ୍ରାଫିକ ସମସ୍ୟା ଲାଗିରହିଛି ।  ଶୁକ୍ରବାର ତୁଷୁରା ଥାନା ଛକରୁ ମହାପାତ୍ର କମ୍ପ୍ଲେକ୍ସ ମଝିରେ ଆମ୍ବୁଲାନ୍ସ ଭିଡରେ ଫସିଯାଇଥିଲା । ଉକ୍ତ ଆମ୍ବୁଲାନ୍ସକୁ ତୁଷୁରା ତହସିଲଦାର ରବିନ୍ଦ୍ର କୁମାର ପଟେଲ ଟ୍ରାଫିକରୁ ବାହାର କରିଥିବା ବେଲେ ନାକେଦମ ହୋବାକୁ ପଡିଥିଲା । ଏହି ରାସ୍ତା ଅଣଓସାରିଆ ଥିବା ସହ ଦୋକାନ ବଜାର ରହିଥିବାରୁ ଟ୍ରାଫିକ ସମସ୍ୟା ରହିଥାଏ। ଏପରି ରାସ୍ତାଗୁଡ଼ିକରୁ ଜବରଦଖଲ ଉଚ୍ଛେଦ କରିବା ପାଇଁ ତୁଷୁରା ଏନଏସି ପ୍ରଶାସନ ଚେଷ୍ଟା କରୁନଥିବା ବେଳେ ଏଥି ଯୋଗୁଁ ବିଭିନ୍ନ ସମୟରେ ଟ୍ରାଫିକ ସମସ୍ୟା ଦେଖା ଦେବା ସହ ଟ୍ରାଫିକ ନିୟନ୍ତ୍ରଣ କରିବା ପୋଲିସର ନାକେଦମ ପାଳଟିଥାଏ। ଏପରିକି ବିଭିନ୍ନ ରାସ୍ତାରେ ହମ୍ସ ଥିବାରୁ ତାକୁ ହଟାଇବାକୁ ଉଦ୍ୟମ କରୁ ନଥିବା ବେଳେ ଏନଏସି ପ୍ରଶାସନ ଜଣେ କାର୍ଯ୍ୟରତ ସାମ୍ବାଦିକଙ୍କୁ ଟାର୍ଗେଟ କରି ହଇରାଣ କରୁଛନ୍ତି।  ସେ ସବୁ ସମୟରେ ଏନଏସି ପ୍ରଶାସନର ଦୋଷ ଦୁର୍ବଳତା ପଦାରେ ପକାଉଥିବାରୁ ତାଙ୍କୁ ମାତ୍ର ଜବରଦଖଲ ଉଚ୍ଛେଦ ପାଇଁ ନୋଟିସ କରାଯାଇଛି। ଏପରିକି ଏକ ଗଳିରେ ସାମ୍ବାଦିକଙ୍କ ଘର ରହିଥିବା ବେଳେ ଉକ୍ତ ଗଳିର କାହାରିକୁ ନୋଟିସ ଦିଆଯାଇ ନାହିଁ ।  ଏଣୁ ତୁରନ୍ତ ସହରର ସମସ୍ତ ଜବରଦଖଲକାରୀଙ୍କୁ ନୋଟିସ କରିବା ସହ ଜବରଦଖଲ ଉଚ୍ଛେଦ ପାଇଁ ଯୁବ ସାମ୍ବାଦିକ ମନୋଜ କୁମାର ଜୈନ ଏକ ଦାବୀପତ୍ର ତୁଷୁରା ଏନଏସି କାର୍ଯ୍ୟନିର୍ବାହୀ ଅଧିକାରୀ ବିପିନ ଦୀପଙ୍କୁ ପ୍ରଦାନ କରିଛନ୍ତି ।