01-Aug-2023

ଆଗଲପୁର, (ବିନୋଦ କୁମାର ଦୀପ) ବ୍ଲକ ର ବିଭିନ୍ନ ପଂଚାୟତ ର ସମସ୍ୟା କୁ ନେଇ ବ୍ଲକ ଉପାଧ୍ୟାକ୍ଷା ଶ୍ରୀମତୀ ନିରୁପମା ପଧାନ ଏବଂ ବ୍ଲକ ବିଜେଡି ସଭାପତି ପଞ୍ଚୁ ପଧାନ ଆଜି ବିଡ଼ିଓ ଙ୍କ କାର୍ଯ୍ୟାଳୟ ରେ ଧାରଣା ରେ ବସିଛନ୍ତି l ଆଗଲପୁର ବ୍ଲକ ଭରସୁଜା ପଂଚାୟତ ଶହ ଅନ୍ୟାନ୍ୟ ପଂଚାୟତ ରେ ହେଉଥିବା ବିଭିନ୍ନ ଦୁର୍ନୀତି ତଥା ମନରେଗା, ଆବାସ ଯୋଜନା, ଭତ୍ତା, ଜମି ଉନ୍ନତିକରଣ ତଥା ଆହୁରି ଅନେକ ସମସ୍ୟା କୁ ନେଇ ଧାରଣା ରେ ବସିଛନ୍ତି l 

ଏ ବାବଦରେ ବିଡ଼ିଓ ଶ୍ରୀ ଶଙ୍କର କେରକେଟା ଙ୍କ ପ୍ରତିକ୍ରିୟା ନେଇଛୁ ଓ ସେ କହିଲେ ଯେ ଭରସୁଜା ପଂଚାୟତ ବାବଦରେ ପୁଙ୍ଖାନୁପୁଙ୍ଖ ଭାବରେ ତଦନ୍ତ କରାଯାଇ ୭ ଦିନ ଭିତରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ପ୍ରକଶ କରିଛନ୍ତି l ଆହୁରି ବିଡମ୍ବନା ର ବିଷୟ ଏହା ଯେ ବ୍ଲକ ଉପାଧ୍ୟାକ୍ଷା ଜଣେ ଦଳୀୟ ପଦାଧିକାରୀ ହେବାସହ ଶାସକ ଦଳର ସଭାପତି ହୋଇ ଧାରଣା ରେ ବସିବା ଲୋକଙ୍କୁ ଆଶ୍ଚର୍ଯ୍ୟ କରିଛି l ଏଣୁ ସହଜରେ ଅନୁମେୟ କରାଯାଉଛି ଯେ ପଂଚାୟତ ତଥା ବ୍ଲକ କାର୍ଯ୍ୟାଳୟ ରେ କିପରି କାର୍ଯ୍ୟ ଚାଲିଛି । ହଁ ଆଜ୍ଞା ଏ କଥା ଆମେ କହୁନୁ ଖୋଦ୍ ବିଜେଡ଼ି ସଭାପତି ଏବଂ ବ୍ଲକ୍ ଉପାଧ୍ୟାକ୍ଷା କହୁଛନ୍ତି l