01-Aug-2023

ବଲାଙ୍ଗୀର, ଆଜି ବଲାଙ୍ଗୀର ସହର ଉପକଣ୍ଠସ୍ଥ ପୁଇଁନ୍ତଳା ତହସିଲ କାର୍ଯ୍ୟାଳୟ ପ୍ରାଙ୍ଗଣରେ ନାଗରିକ କମିଟି ଓ ବନ ବିଭାଗର ମିଳିତ ଆନୁକୂଲ୍ୟରେ ଦ୍ୱିତୀୟ ପର୍ଯ୍ୟାୟ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଲିମ୍ବ, ଆମ୍ବ, ପାଟୁଳି, ଅଁଳା, ବାହାଡା ଓ କୃଷ୍ଣଚୂଡା ପ୍ରଭୁତି ମୂଲ୍ୟବାନ ବୃକ୍ଷ ଗୁଡିକ ରୋପଣ କରାଯାଇଛି । ଏହି ପରିପ୍ରେକ୍ଷୀରେ ନାଗରିକ କମିଟିର ସାଧାରଣ ସଂପାଦକ ମନୋରଂଜନ ସାହୁଙ୍କ ନେତୃତ୍ୱରେ ଏକ ବୈଠକ ମଧ୍ୟ ଅନୁଷ୍ଠିତ ହୋଇଥିଲା । ମୁଖ୍ୟ ଅତିଥି ରୂପେ ତହସିଲଦାର ରୋହିତ ଭୋଇ ଯୋଗ ଦେଇ ନାଗରିକ କମିଟିର ଉକ୍ତ ପଦକ୍ଷେପକୁ ପ୍ରଶଂସା କରିଥିଲେ ।

ସମ୍ମାନିତ ଅତିଥି ଭାବେ ରେଂଜର କେଶବ କିଶୋର ନାୟକ ଯୋଗ ଦେଇ ନାଗରିକ କମିଟିର ସହଯୋଗରେ ସହର ମଧରେ ଥିବା ଡିଭାଇଡର ମାନଙ୍କରେ ବୃକ୍ଷରୋପଣ କରାଯିବ ବୋଲି କହିଥିଲେ । ନାଗରିିକ କମିଟିର ଉପସଭାପତି ନିତ୍ୟାନନ୍ଦ ମିଶ୍ର, ଗଜେନ୍ଦ୍ର ଭ୍ରମର, ପଙ୍କଜିନୀ ପଣ୍ଡା, ପର୍ଶୁରାମ ନାୟକ, ଦିବାକର ହୋତା, ସରୋଜ ଚୋପଦାର, ପୀତବାସ ପଣ୍ଡା, ପ୍ରଶାନ୍ତ ପଟ୍ଟନାୟକ ଓ ଫରେଷ୍ଟର ଚିନ୍ମୟ କୁମାର ପ୍ରଧାନ ବୃକ୍ଷରୋପଣରେ ସାହାଯ୍ୟ କରିଥିବା ବେଳେ ତହସିଲ ଅଫିସର ଆଶୁତୋଷ ପଟ୍ଟନାୟକ, ପ୍ରଫୁଲ୍ଲ ସା, ଅଭିଳାଷ ବାବୁ, ଶୀଖାରାଣୀ ଭୋଇ, ସଂକର୍ଷଣ ରାଉତ ପ୍ରମୁଖ ଉପସ୍ଥିତ ଥିଲେ । ସହସଂପାଦକ ଚକ୍ରପାଣି ଦାଶ ଧନ୍ୟବାଦ ଅର୍ପଣ କରଥିଲେ ।