31-Jul-2023

ବରଗଡ଼:-ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ଖରମୁଣ୍ଡା ଗ୍ରାମରୁ କୈାଣସି କାମରେ ବିଜେପୁର ବସଷ୍ଟାଣ୍ଡ ପଟକୁ ଆସୁଥିବା ସମୟରେ ବିଜେପୁର ଥାନା ଦେଇ ରାସ୍ତାକଡ଼ରେ ଥିବା ବିରାଟ ପିପଳ ବୃକ୍ଷରୁ ଏକ ଶୁଖିଲା ଡାହି ଖରମୁଣ୍ଡା ନିବାସୀ ମନୋଜ ବିଶ୍ୱାଳ ବୟସ-୩୫ଙ୍କ ଉପରେ ପଡିଯିବାରୁ ସେ ଗଭୀର ଆହତ ହୋଇ ପଡ଼ିଥିଲେ।ସ୍ଥାନୀୟ ଅଟୋ ଡ୍ରାଇଭର ସଂଘର ସଦସ୍ୟ ମାନେ ଘଟଣା ସ୍ଥଳରୁ ପ୍ରଥମେ ବିଜେପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ନେଇଥିଲେ।ସେଠାରେ ଅବସ୍ଥା ସଙ୍କଟାପନ୍ନ ହେବାରୁ ବରଗଡ ମୁଖ୍ୟ ଚିକିତ୍ସାଳୟ କୁ ଡାକ୍ତର ସ୍ଥାନାନ୍ତରିତ କରାଯାଇଥିଲା।ସେଠାରେ ଡାକ୍ତର ମୃତ ଘୋଷଣା କରିଥିଲେ। ସେ ବାଇକରେ ଘରକୁ ଫେରିବା ସମୟରେ ଏହି ଦୁର୍ଘଟଣା ଘଟିଥିଲା।ବାଇକରେ ଦୁଇଜଣ ଯାଉଥିଲେ।ଦୁର୍ଭାଗ୍ୟ ବଶତଃ ବାଇକ ଆରୋହିଙ୍କ ମୃତ୍ୟୁ ଘଟିଥିବା ବେଳେ ପଛରେ ବସିଥିବା ଆରୋହୀ ଅଳ୍ପକେ ବର୍ତ୍ତି ଯାଇଥିଲେ।ଏନେଇ ସାଧାରଣରେ ଚର୍ଚ୍ଚା ହେଉଛି ଯେ,ଏଥିପାଇଁ ଦାୟୀ କିଏ ? ଏଥିପାଇଁ ବିଜେପୁର ବିଜ୍ଞାପିତ ଅଞ୍ଚଳ ପରିଷଦ ନାଁ ଆର.ଡି ଡିପାର୍ଟମେଣ୍ଟ ଦାୟୀ ବୋଲି ବେଶ ଚର୍ଚ୍ଚାର ବିଷୟ ପାଲଟିଛି।ବାରମ୍ବାର ବିଜେପୁର ଏନ.ଏ.ସି କତ୍ତୃପକ୍ଷଙ୍କୁ ବିଭିନ୍ନ ସମସ୍ୟା ର ଅଭିଯୋଗ କଲା ସ୍ୱତ୍ୱେ ମଧ୍ୟ ତାଙ୍କର ଅପାରଗତା ପାଇଁ ଆଜି ଏକ ନିରିହ ବାଇକ ଆରୋହିଙ୍କ ଅକାଳ ମୃତ୍ୟୁ ହୋଇଯାଇଛି ବୋଲି ସାଧାରଣରେ ଚର୍ଚ୍ଚାର ବିଷୟ ପାଲଟିଛି।ପ୍ରଶାସନିକ ଚରମ ଅବହେଳା ପାଇଁ ଆଜି ଏକ ଅଭାବନୀୟ ଘଟଣା ଘଟିଥିବାରୁ ତାଙ୍କ ପରିବାରଙ୍କୁ ସରକାରୀ ପ୍ରହୋସନ ରାଶି ମିଳିବ ନା ନମିଳିବ ତାହା ଦେଖିବାକୁ ବାକି ରହିଲା।