31-Jul-2023

ନୂଆଁପଡ଼ା (ବିଶି ଚନ୍ଦନ ମାଝୀ ): ଖଡ଼ିଆଳ ୟୁନିଟ ୧ ର ଚାଷୀ ମାନେ ଆଜି ଖଡିଆଳ ବିଧାୟକ ଅଧିରାଜ ମୋହନ ପାଣିଗ୍ରାହୀ ଏବଂ ତହସିଲଦାର ସିନ୍ଦୁସୂତା ପାତ୍ରଙ୍କୁ ଦାବିପତ୍ର ପ୍ରଦାନ କରିଛନ୍ତି । ଦାବିପତ୍ରରେ ଖଡିଆଳ ୟୁନିଟ ୧ ର ଚାଷୀ ମାନେ ସେମାନଙ୍କ ଜମିରେ ଫସଲ ବୀମା କରି ଆସୁଥିଲେ । ହେଲେ ଚଳିତ ବର୍ଷ ସେମାନଙ୍କ ଜମିର ତଥ୍ୟ ଇ ନେଟରେ ବନ୍ଦ କରି ଦିଆଯାଇଛି । ଯାହାଫଳରେ ଖଡିଆଳ ୟୁନିଟ ୧ ରେ ଥିବା ସମସ୍ତ ଜମି ଫସଲ ବୀମାରୁ ବଂଚିତ ହୋଇଯିବ । ଏଦିଗରେ ଆବଶ୍ୟକ ପଦକ୍ଷେପ ଗ୍ରହଣ କରି ଜମିର ସମସ୍ତ ତଥ୍ୟ ଇ ରନେଟରେ ଛଡାଯିବାକୁ ଚାଷୀ ମାନେ ଦାବି କରି ବିଧାୟକ ଏବଂ ତହସିଲଦାରଙ୍କୁ ଦାବିପତ୍ର ପ୍ରଦାନ କରାଯାଇଛି । ଆଜିର ଦାବିପତ୍ର ପ୍ରଦାନ ବେଳେ ଜିତେନ୍ଦ୍ରନାଥ ପଟ୍ଟନାୟକ, ରଞ୍ଜିତ କୈବର୍ତ୍ତ, ସୁରଜ ଠାକୁର, ଗିରିଧାରୀ ବିଭାର, ଶ୍ୟାମ ନାଗ, ମନୋଜ ପଟ୍ଟନାୟକଙ୍କ ସହ ଅନ୍ୟାନ୍ୟ ଚାଷୀ ଉପସ୍ଥିତ ଥିଲେ ।