27-Jul-2023

ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ'-ମାତୃ ଏବଂ ଶିଶୁ ମୃତ୍ୟୁ ହାର ରୋକିବା ପାଇଁ ସରକାରଙ୍କ ସମସ୍ତ କୋଟି କୋଟି ଟଙ୍କାର ଖର୍ଚ୍ଚ ହେଉଛି । କିନ୍ତୁ ତୃଣମୂଳ ସ୍ତରରେ କେତେ କାର୍ଯ୍ୟକାରୀ ହେଉଛି ତାହା ଏବେ ପ୍ରଶ୍ନବାଚୀ ସୃଷ୍ଟି କରୁଛି । ମହିଳା ଓ ଶିଶୁ ବିକାଶ ସମନ୍ୱିତ ଯୋଜନା ମାଧ୍ୟମରେ ପ୍ରତ୍ୟେକ ଅଙ୍ଗନୱାଡି କେନ୍ଦ୍ର ମାନଙ୍କରେ ଗର୍ଭବତୀ ମହିଳା, ପ୍ରସୁତି ମହିଳା ଏବଂ ୭ମାସରୁ ୩ ବର୍ଷର ଶିଶୁଙ୍କ ସମେତ କିଶୋରୀ ବାଳିକା ସ୍ୱାସ୍ଥ୍ୟର ଉନ୍ନତି ପାଇଁ ଛତୁଆ ପ୍ରଦାନ କରାଯାଉଛି। ଏଥିପାଇଁ ସରକାରଙ୍କ ତରଫରୁ ପ୍ରତି ବ୍ଲକ ପାଇଁ ଖର୍ଚ୍ଚ ହେଉଛି ଲକ୍ଷାଧିକ ଟଙ୍କା। କିନ୍ତୁ ଅନେକ ସ୍ଥଳେ ଛତୁଆ ନିର୍ମାଣ ଅତ୍ୟନ୍ତ ନିମ୍ନମାନର ହେଉଥିବାରୁ ତାହା ଗୋଖାଦ୍ୟ ପାଲଟୁଛି । ଏହାସହ ଛତୁଆ ପ୍ରସ୍ତୁତିରେ ସ୍ୱଚ୍ଛତା ପାଇଁ ମହିଳା ସ୍ୱୟଂ ସହାୟିକା ଗୋଷ୍ଟୀଙ୍କୁ ଦାୟିତ୍ୱ ଦିଆଯାଇଥିଲେ ମଧ୍ୟ ମହିଳା ଗୋଷ୍ଠୀଙ୍କ ପଛରେ ଲାଭଖୋର ବ୍ୟବସାୟୀଙ୍କ ପ୍ରଚ୍ଛନ୍ନ ହାତ ରହୁଛି । ଏଭଳି ସ୍ଥିତିରେ କେତେ ସୁରକ୍ଷିତ ପୃଷ୍ଟିକର ଖାଦ୍ୟ ନାଁ ରେ ଯୋଗାଉଥିବା ଏହି ଛତୁଆ ? କିନ୍ତୁ ଏହି ଛତୁଆ ଯୋଗାଣରେ ମଧ୍ୟ ଅନିୟମିତତା ଦେଖା ଦେଇଛି । ଗତ ତିନି ମାସ ହେବ ଡାବୁଗାଁ ବ୍ଲକର ୧୨ ଗୋଟି ପଞ୍ଚାୟତର ୧୪୨ ଟି ଅଙ୍ଗନୱାଡି କେନ୍ଦ୍ରରେ ଛତୁଆ ଯୋଗାଣ ସମ୍ପୂର୍ଣ୍ଣ ବନ୍ଦ । ଛତୁଆ ପ୍ରସ୍ତୁତି ପାଇଁ ପ୍ରତି ମାସରେ ପ₹ ୧୨୮ କୁଇଣ୍ଟେଲ ଗହମ ଦରକାର ଏହାସହ ଚିନି ,ଚଣା ଏବଂ ବାଦାମ  ଆବଶ୍ୟକ ହେଉଥିବା ବେଳେ ତିନି ମାସ ଧରି ଗହମ ଯୋଗାଣ କାରୀ ସଂସ୍ଥା ଗହମ ଯୋଗାଇବାରେ ଅନିୟମିତତା କରୁଥିବାରୁ ବର୍ତ୍ତମାନ ଛତୁଆ ପ୍ରସ୍ତୁତି ବନ୍ଦ ହେଇଯାଇଛି । ହିତାଧିକାରୀ ସେମାନଙ୍କ ଖାଦ୍ୟ ପାଇବାରୁ ବଂଚିତ ହେଇଛନ୍ତି । କେବଳ ଛତୁଆ ନୁହେଁ ଅଙ୍ଗନୱାଡି କେନ୍ଦ୍ର ମାଧ୍ୟମରେ ରନ୍ଧା ଖାଦ୍ୟ ଖାଉଥିବା ଶିଶୁମାନେ ମଧ୍ୟ ଚାଉଳ ଯୋଗାଣ ହେଉନଥିବାରୁ ସେମାନଙ୍କ ଖାଦ୍ୟ ଖାଇବାରୁ ବଂଚିତ ହେଉଛନ୍ତି । ଏପରିକି କିଶୋରୀ ବାଳିକା ଏବଂ ଶିଶୁଙ୍କୁ ଦିଆଯାଉଥିବା ବାଦାମ ଲଡୁ ଯୋଗାଣ ମଧ୍ୟ ଠପ୍ ହେଇଯାଇଛି । କେଉଁ କାରଣ ପାଇଁ ଏହା ସବୁ ବନ୍ଦ ହେଇଛି ତାହା ଜାଣିବା ପାଇଁ ମହିଳା ଓ ଶିଶୁ ବିକାଶ ଦାଇତ୍ୱରେ ଥିବା ଡାବୁଗାଁ  ବିଡ଼ିଓ ଶରତ ମାଝୀଙ୍କ ସହ ଯୋଗାଯୋଗ କରାଯାଇଥିଲା । ତିନି ମାସ ଧରି ଛତୁଆ ବଣ୍ଟନ ବନ୍ଦ ହେଇଥିବା ବିଷୟରେ ସେ ଜାଣିନ ଥିବା କହିଲେ । ଡାବୁଗାଁ ସିଡିପିଓଙ୍କ ଅକସ୍ମାତ ବଦଳି ପରେ ହଟାତ ଦାଇତ୍ୱ ନେଇ ଥୁବାରୁ ତାଙ୍କ ନିକଟରେ ସବିଶେଷ ସୁଚନା ନଥିବା ଦର୍ଶାଇଛନ୍ତି ଏବଂ ସେ କେବଳ ଫାଇନାନସିଆଲ ଦାଇତ୍ୱରେ ଅଛନ୍ତି ବାକି ସମସ୍ତ ଦାଇତ୍ୱ ଜଣେ ସୁପ୍ରବାଇଜର ସାଇରା ବନୁ ବୁଝୁଥିବା କହିଲେ କିନ୍ତୁ ସାଇରା ବନୁମୈଡ଼ମ କୁ ସୂଚନାପାଇଁ ଫୋନ କଲେ ତାଙ୍କ ସ୍ୱାମୀ ଫୋନ ଟେକୁଛନ୍ତି। ଏନେଇ ଜିଲ୍ଲା ସାମାଜ କଲ୍ୟାଣ ଅଧିକାରୀଙ୍କ ସହ ଯୋଗାଯୋଗ ହୋଇ ପରି ନାଇଁ କାରଣ କିଛିଦିନ ପୂର୍ବେ ଜିଲ୍ଲା ସାମାଜ କଲ୍ୟାଣ ଅଧିକାରୀଙ୍କ ହଟାତ ହୃଦଘାତରେ ମୃତ୍ୟୁ ଘଟିବା ପରେ ତାଙ୍କ ଦାଇତ୍ୱ କିଏ ତୁଲାଉ ଛନ୍ତି ତାହା ସଠିକ ଭାବରେ ଜଣାପଡି ନାଇଁ।ବର୍ତ୍ତମାନ ଆର୍ଥିକ ବର୍ଷ ଆରମ୍ଭ ହେଇ ସାରିଛି ତେଣୁ ଜିଲ୍ଲା ପ୍ରଶାସନ ତୁରନ୍ତ ଏହାର ବ୍ୟବସ୍ତା କରାଇ ଯଥାଶୀଘ୍ର ଗହମ ଯୋଗାଣ କରି ଛତୁଆ ପ୍ରଦାନର ବ୍ୟବସ୍ଥା​​‌ କଲେ ଗର୍ଭବତୀ ମହିଳା,ପ୍ରସ୍ତୁତି ମହିଳା ଏବଂ ଛୋଟ ଛୋଟ ଛୁଆ ଠାରୁ କିସରି ବାଳିକା ମାନେ  ସମସ୍ତଙ୍କ ସ୍ୱାସ୍ଥ୍ୟର ଉନ୍ନତି ହଇଥାନ୍ତା।କାରଣ ନବରଙ୍ଗପୁର ଜିଲ୍ଲାରେ ଆପପୃଷ୍ଠିର ଶିକାର ହାଇଥିବା କମଳ ମତି ଶିଶୁଙ୍କ ସଂଖ୍ୟା ଡାବୁଗାଁ ବ୍ଲକରେ ସର୍ବାଧିକ।

ରିପୋର୍ଟ : ମିହିର ସଙ୍କର ପାତ୍ର,ନବରଙ୍ଗପୁର