20-Jul-2023

କଣ୍ଟାବାଞ୍ଜି (ଆନନ୍ଦ ମୋଟେ ): ରିଜର୍ଭ ବ୍ୟାଙ୍କ୍ ଅଫ୍ ଇଣ୍ଡିଆ, ସାଧନ ଓ  ସମ୍ପର୍କ ଫିନ୍ ସର୍ଭିସେସ୍ ଆନୁକୂଲ୍ୟରେ ଜମାକାରୀଙ୍କ ଶିକ୍ଷା ଓ ସଚେତନତା କର୍ମଶାଳା ତୁରେକେଲା ବ୍ଲକ ର ଚାଉଲସୁଖାଠାରେ ଅନୁଷ୍ଠିତ ହୋଇ ଯାଇଛି। କାର୍ଯ୍ୟକ୍ରମରେ ପ୍ରଶିକ୍ଷକ ଶ୍ରୀଯୁକ୍ତ ବିମଲକାନ୍ତ ପଣ୍ଡା ଯୋଗ ଦେଇ ବ୍ୟାଙ୍କରେ ଖାତା ଖୋଲିବାର ପ୍ରକ୍ରିୟା, ବ୍ୟାଙ୍କ ଅଭିଯୋଗ ସମାଧାନ ପ୍ରକ୍ରିୟା,  ବିଭିନ୍ନ ବ୍ୟାଙ୍କିଙ୍ଗ ସୁବିଧା, ଋଣର ସଦ୍ଉପଯୋଗ, ଋଣ ନେବା ପୂର୍ବରୁ ସୁଧ ପୁଣି ଅନ୍ୟ ବିଷୟରେ ଜାଣିବା ଇତ୍ୟାଦି ଉପରେ ଆଲୋଚନା କରିଥିଲେ। ମୁଖ୍ୟ ଅତିଥି ଭାବରେ ତୁରେକେଲା କ୍ରୁଷକ ଉତ୍ପାଦକ କମ୍ପାନୀର ପରିଚାଳନା ନିର୍ଦ୍ଦେଶିକା ଶ୍ରୀମତୀ ସ୍ନିଗ୍ଧା ମେହେର ଯୋଗଦେଇ ବିଭିନ୍ନ ସରକାରୀ ଯୋଜନା ବିଷୟରେ କହିଥିଲେ। ଅନ୍ୟମାନଙ୍କ ମଧ୍ଯରେ ମହାଶକ୍ତି ଫାଉଣ୍ଡେସନର ପ୍ରକଳ୍ପ ପରିଚାଳକ ଶ୍ରୀ ପ୍ରଣବ ମୋହନ କୁମାର ଯୋଗ ଦେଇ ବିଭିନ୍ନ ସାମାଜିକ ସୁରକ୍ଷା ଯୋଜନା ବିଷୟରେ କହିଥିଲେ।କାର୍ଯ୍ୟକ୍ରମରେ ବିଭିନ୍ନ ସ୍ଵୟଂ ସହାୟକ ଦଳର ସଦସ୍ୟା, ଏମ୍ ବି କେ, ଏଫ୍ ପି ଓ ର ଅଂଶୀଦାର ପ୍ରମୁଖ ଅଂଶ ଗ୍ରହଣ କରିଥିଲେ ।ମହାଶକ୍ତି ଫାଉଣ୍ଡେସନର  ଜୟ କୁମାର ମେହେର,ତୁରେକେଲା ଏଫ୍. ପି. ଓ. ର ଅଲିଭା ମେହେର, ଜଗମୋହନ ଇତ୍ୟାଦି କାର୍ଯ୍ୟକ୍ରମରେ ସାହାଯ୍ୟ କରିଥିଲେ।