17-Jul-2023

ପାଟଣାଗଡ଼/ବେଲପଡ଼ା (ପୂର୍ଣ ଶଶୀ ଶେଖର ରାଓ ): ସ୍ଥାନୀୟ ଆଦିବାସୀ ଭବନ ବ୍ରହ୍ମପୁରା ଠାରେ ଜିଲ୍ଲା ଆଦିବାସୀ କଲ୍ୟାଣ ସଂଘ ପାଟଣାଗଡ଼ ଶାଖା ପକ୍ଷରୁ ଏକ ସମ୍ବର୍ଦ୍ଧନା ସଭା ବ୍ଲକ ସମ୍ପାଦକ ଶ୍ରୀଯୁକ୍ତ ସାରଥୀ ବାଗ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବରେ ରାଜ୍ୟସଭା ସାଂସଦ ଶ୍ରୀଯୁକ୍ତ ନିରଞ୍ଜନ ବିଶି 

ଯୋଗଦେଇଥିଲେ । ସଭା ପ୍ରାରମ୍ଭରେ ନୂତନ ଭାବେ ମନୋନୀତ ହୋଇଥିବା ଜିଲ୍ଲା ଆଦିବାସୀ କଲ୍ୟାଣ ସଂଘର ଜିଲ୍ଲା ସଭାପତି ଶ୍ରୀଯୁକ୍ତ ଶ୍ୟାମ ସୁନ୍ଦର ଭୋଇ ଙ୍କୁ ଫୁଲମାଳ ଓ ଉପଢୌକନ ଦେଇ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା । ଆଗାମୀ ଦିନରେ ସମସ୍ତଙ୍କର ସାହାଯ୍ୟ ସହଯୋଗରେ ତୃଣମୂଳ ସ୍ତରରେ ସଂଘକୁ ଆହୁରି ମଜବୁତ କରିବାକୁ ଆହ୍ୱାନ ଦେଇଥିଲେ । ଆଦିବାସୀ ମାନଙ୍କ ଲୁକ୍କାୟିତ ପ୍ରତିଭା କୁ ଆହୁରି ଉଜ୍ଜୀବିତ କରିବା ସହ କଳା ସଂସ୍କୃତି, ପ୍ରଥା ପରମ୍ପରା, ପୂଜା ପଦ୍ଧତି, ଜାନୀ ଯାତ୍ରା, ରୀତିନୀତି ,ଦେବା ଦେବୀ ଗୁଡ଼ିର ସୁରକ୍ଷା, ଆଦିବାସୀଙ୍କ ସାମ୍ବିଧାନିକ ଅଧିକାର, ସାମାଜିକ ସୁରକ୍ଷା ଅଧିକାର, ନକଲି ଆଦିବାସୀ ହଟାଓ,ଜଙ୍ଗଲ ଜମି ଅଧିକାର ବିଷୟରେ ଆଲୋଚନା ହୋଇଥିଲା । ବର୍ତ୍ତମାନ କେନ୍ଦ୍ର ସରକାର UCC ୟୁନିଫର୍ମ ସିଭିଲ କୋଡ଼କୁ ତୃଣମୂଳ ସ୍ତରରେ ଦୃଢ଼ ବିରୋଧ କରାଯିବାକୁ ନିଷ୍ପତ୍ତି ନିଆଯାଇଛି । ଅଗଷ୍ଟ ୯ ବିଶ୍ୱ ଆଦିବାସୀ ଦିବସକୁ ମହା ସମାରୋହରେ ପାଳନ କରାଯିବାକୁ ନିଷ୍ପତ୍ତି ନେବା ସହ ହଜାର ହଜାର ସଂଖ୍ୟାରେ ସଂଗ୍ରାମୀ ଆଦିବାସୀ ମାନେ ଯୋଗ ଦେବାକୁ ଆହ୍ୱାନ ଦେଇଥିଲେ । ଆଜିର ସମ୍ବର୍ଦ୍ଧନା ସଭାରେ ଅନ୍ୟ ମାନଙ୍କ ମଧ୍ୟରେ ସଇଁତଲା ବ୍ଲକ ସଭାପତି ସନ୍ତୋଷ ପୁଟା, ସମ୍ପାଦକ ଟଂକଧର ଧରୁଆ, ଦେଓଗାଁ ବ୍ଲକ ସଭାପତି ସୁରଥ ଧରୁଆ, ବଲାଙ୍ଗୀର ବ୍ଲକ ଉପଦେଷ୍ଟା ପାଲା ଭୋଇ,ମିର୍ଧା ସମାଜ ଜିଲ୍ଲା ସଭାପତି ଗୋପାଳ ପଧାନ ,ଲେକ୍ରୁ ଧରୁଆ ପ୍ରମୁଖ ଉଦବୋଧନ ଦେଇଥିଲେ । ସଭାକୁ ସହ ସମ୍ପାଦକ ଗିରିରାଜ ଭୋଇ ସଭା ପରିଚାଳନା କରିଥିବା ବେଳେ ଶତାଧିକ ଆଦିବାସୀ ସଂଗ୍ରାମୀ ମାନେ ଯୋଗଦେଇଥିଲେ ।