14-Jul-2023

ବଲାଙ୍ଗୀର(ପ୍ରେରଣା ଖବର)- ଓଡିଶା ରାଜ୍ୟ ବ୍ୟାଡମିନ୍ଟନ ସଂଘ ଦ୍ୱାରା ଅନୁମୋଦିତ  ଓସବା ରାଜ୍ୟ ସିନିଅର ବ୍ୟାଡମିନ୍ଟନ ର‌୍ୟାଙ୍କିଂ ପ୍ରତିଯୋଗିତା ଆଜି ସ୍ଥାନୀୟ ପିଆର ହାଇସ୍କୁଲ ବ୍ୟାଡମିନ୍ଟନ ଇନଡୋର ଷ୍ଟାଡିଅମ ଠାରେ ଉଦଘାଟିତ ହୋଇଯାଇଛି । ଏଥିରେ ମୁଖ୍ୟ ଅତିଥି ରୁପେ ବଲାଙ୍ଗିର ବିଧାୟକ ନରସିଂହ ମିଶ୍ର ଯୋଗଦେଇ ବିଧିବଦ୍ଧ ଭାବେ ପ୍ରତିଯୋଗିତାକୁ ଉଦଘାଟନ କରିବା ସହ ଉପସ୍ଥିତ ଖେଳାଳିମାନଙ୍କୁ ଖେବଳ ଖେଳ ନୁହେଁ ସାଧାରଣ ଜୀବନ ମଧ୍ୟ ଖେଳ ଭାବନା ବଜାୟ ରଖିବାକୁ ଅହ୍ୱାନ କରିଥିଲେ । ବ୍ୟାଡମିନ୍ଟନ ଖେଳ ଓ ଖେଳାଳିମାନଙ୍କୁ ନେଇ ଥିବା ସମସ୍ତ ସମସ୍ୟାକୁ ଦୁର କରାଯିବା ପ୍ରୟାସ ସବୁ ଦିଗରୁ ଜାରି ରହିଥିବବାରୁ ସମସ୍ତଙ୍କୁ ଧନ୍ୟବାଦ ଜଣାଇଥିଲେ । ରାଜ୍ୟ ବ୍ୟାଡମିନ୍ଟନ ସଂଘ ଓ ଜିଲ୍ଲା ବ୍ୟାଡମିନ୍ଟନ ସଂଘ ଅନୁକୂଲ୍ୟରେ ଅନୁଷ୍ଠିତ ଏହି ପ୍ରତିଯୋଗିତାର ସଫଳତା ପାଇଁ ଜିଲ୍ଲା ପ୍ରଶାସନ ତରଫରୁ ଦିଆ ଯାଇଥିବା ସହେଯାଗ ପାଇଁ ସାଂଗଠନିକ ସଂପାଦକ

ସୁରୁଲାଲ ମଟାରୀ କୃତଜ୍ଞତା ଜଣାଇଥିଲେ । ଉଦଘାଟନୀ ପରେ ପରେ ପ୍ରସ୍ତୁତ ହୋଇଥିବା ସମସ୍ତ ଚାରୋଟି କୋର୍ଟରେ ଖେଳ ଆରମ୍ଭ ହୋଇଥିଲା । ର‌୍ୟାଙ୍କ ଖେଳାଳିମାନେ ଯଥା ଆର‌୍ୟା, ସୁମନ୍ତ, ଅମ୍ରିତ ଓ ବିକ୍ରାନ୍ତ ନିଜ ନିଜ ମ୍ୟାଚ ଜିତି ପରବର୍ତ୍ତି ରାଉଣ୍ଡକୁ ଉନ୍ନିତ ହୋଇଛନ୍ତି ।
 ଜିଲ୍ଲା ସଂଘ ଉପ ସଭାପତି ଘନଶ୍ୟାମ ମିଶ୍ର , ପିଆର ହାଇ ସ୍କୁଲ ପ୍ରଧାନ ଶିକ୍ଷୟିତ୍ରୀ ସନ୍ତୋଷିନି ସେଠି , ସମାଜ ସେବୀ ନକୁଳ ଅଗ୍ରୱାଲ, ଶିକ୍ଷାବିତ ଦେବେନ୍ଦ୍ରନାଥ ମିଶ୍ର, ମ୍ୟାଚ ପର୍ଯ୍ୟବେକ୍ଷକ ମନୋରଞ୍ଜନ ଦାଶ, ଚିଫ ରେଫରି ବିଜୟ ବାଗ ମଞ୍ଚାସିନ ଥିଲେ । କାର୍ଯ୍ୟକ୍ରମ ପ୍ରାରମ୍ଭରୁ ଅତିଥିମାନଙ୍କୁ ଜିଲ୍ଲା ସଂଘର କାଯ୍ୟକର୍ତ୍ତାମାନେ  ଫୁଲତୋଡା ଦେଇ ସ୍ୱାଗତ କତିବା ସହ ମଞ୍ଚକୁ ପାଛୋଟି ନେଇଥିଲେ । ମଞ୍ଚରେ ସମସ୍ତ ଅତିଥିଙ୍କୁ ସମ୍ବର୍ଦ୍ଧିତ କରାଯାଇଥିଲା । ସମ୍ବର୍ଦ୍ଧନା ପର୍ବ ପରେ ମୁଖ୍ୟ ଅତିଥି ଶ୍ରୀ ମିଶ୍ର ଫିତା କାଟି ଖେଳ ଆରମ୍ଭ ଘୋଷଣା କରିଥିଲେ ।   ଅନନ୍ତ ବେହେରା, ମାନସ ମହାନ୍ତି, ସୁରେନ୍ଦ୍ର ନେପାଲ ମ୍ୟା ଚ ପରିଚାଳନା ପ୍ରମୁଖ ଭୁମିକା ନିଭାଉଥିବା ବେଳେ ସଟଲ କନ୍ଟ୍ରୋଲ ଦାଇତ୍ୱ ଚନ୍ଦନ ମିଶ୍ର ତୁଲାଇ ଥିଲେ । ପ୍ରଥମ ଦିନରେ ପୁରୁଷ ଓ ମହିଳା ଏକକ ବର୍ଗର ସମୁଦାୟ ୮୫ଟି ମ୍ୟାଚ ହେବା ସୁଚନା ରହିଛି । ସହରର ଶହ ଶହ ଛାତ୍ର ଛାତ୍ରୀ, ଖେଳ ପ୍ରେମୀ ପ୍ରତିଯୋଗିତାକୁ ବେଶ ଉପଭୋଗ କରୁଥରବା ଦେଖିବାକୁ ମିଳିଥିଲା ।