11-Dec-2020

ନବରଙ୍ଗପୁର, (ପ୍ରେରଣା ଖବର), ସ୍ୱଛ ଭାରତ ମିଶନ ନାମରେ ନବରଙ୍ଗପୁର ଜିଲ୍ଲା ଝରିଗାଁ ବ୍ଲକରେ ମହାଦୁର୍ନୀତି ହୋଇଥିବା ଅଭିଯୋଗ ଆଣିଛି କଂଗ୍ରେସ। ଏହା ପରେ ସ୍ୱଚ୍ଛ ଭାରତ ମିଶନ ନାମରେ ଟଙ୍କା ହଡ଼ପ ଅଭିଯୋଗର ଜିଲ୍ଲା ସ୍ତରୀୟ ତଦନ୍ତ ଆରମ୍ଭ  ହୋଇଛି ଝରିଗାଁ ବ୍ଲକରେ। କେବଳ ଝରିଗାଁ ବ୍ଲକ୍ରେ ଲେଟରିନ ଯୋଗାଣ ରେ 5 କୋଟି ରୁ ଅଧିକ ହରିଲୁଟ୍ ହୋଇଥିବା ଜଣାପଡିଛି । କିଛିଦିନ ପୁର୍ବେ ନବରଙ୍ଗପୁର ଠାରେ ଏକ ସାମ୍ବାଦିକ ସମ୍ମିଳନୀରେ ପୂର୍ବତନ ସାଂସଦ ପ୍ରଦୀପ ମାଝୀ ଅଭିଯୋଗ ଆଣିଥିବା ବେଳେ ଗତ 25 ତାରିଖ ଦିନ ବିଡିଓ ଙ୍କ ବିରୋଧରେ ଝରିଗାଁ ଥାନାରେ ଶତାଧିକ ହିତାଧିକାରୀ ଏକ ରାଲି ମାଧ୍ୟମରେ ଆସି ଏତଲା ଦେଇଛନ୍ତି ହିତାଧିକାରୀ ପ୍ରଦୀପ ମାଝୀଙ୍କ ନେତୃତ୍ୱରେ ଗତ 5.12.2020 ରେ ପୁଣି ଝରିଗାଁ ଥାନାରେ ବିଡ଼ିଓ ଙ୍କ ବିରୋଧରେ ବ୍ଲକର ଶତାଧିକ ଗ୍ରାମବାସୀଙ୍କ ତରଫରୁ ଆଉ 131 ଟି ଏତଲା ଦିଆଯାଇଛି । ଝରିଗାଁ ତହସିଲ କାର୍ଯ୍ୟାଳୟ ଠାରୁ ଶତାଧିକ ହିତାଧିକାରୀ ଏକ ଶୋଭାଯାତ୍ରାରେ ବାହାରି ଝରିଗାଁ ଥାନାରେ ପହଞ୍ଚିଥିଲେ । ଏହି ଶୋଭାଯାତ୍ରାରେ ନବରଙ୍ଗପୁର ଜିଲ୍ଲା କଂଗ୍ରେସ ସଭାପତି ମୁନ୍ନା ତ୍ରିପାଠୀ ସାମିଲ ହୋଇ ହିତାଧିକାରୀ ଙ୍କୁ ନ୍ୟାୟ ଦେବା ଦାବିରେ ସେମାନଙ୍କୁ ସହଯୋଗ କରିଥିଲେ । ବିଡ଼ିଓ ଙ୍କୁ ତୁରନ୍ତ ଗିରଫ ନକଲେ ନବରଙ୍ଗପୁରର ଏହି ନିଆଁ ସାରା ଓଡ଼ିଶାକୁ ବ୍ୟାପିବା ବୋଲି ଚେତାବନୀ ଦେଇଛନ୍ତି ମୁନ୍ନା ତ୍ରିପାଠୀ । ବର୍ତ୍ତମାନ ଧୀରେଧୀରେ ଲେଟରିନ ଦୁର୍ନୀତିର ଗୁମର ଖୋଲିବାରେ ଲାଗିଛି । ବର୍ତ୍ତମାନ ଦେଖିବାକୁ ବକି ରହିଲା ଝରିଗାଁ ସ୍ୱଚ୍ଛ ଭାରତ ମିଶନ ଦାୟୀତ୍ୱରେ ଥିବା ଜେଇ ଏବଂ ବିଡ଼ିଓ ଙ୍କ ବିରୋଧରେ ପ୍ରଶାସନ କିଭଳି ପଦକ୍ଷେପ ନେଉଛି?