29-Jun-2023

ବରଗଡ଼:-ଗତକାଲି ବିଜେପୁର ବ୍ଲକ ଅନ୍ତର୍ଗତ ପଡ଼ା ଗ୍ରାମରେ ବାହୁଡା଼ ଯାତ୍ରା ଧୁମଧାମ ରେ ପାଳିତ ହୋଇଯାଇଛି। ,ଜଗତର ନାଥ ଜଗନ୍ନାଥ ଭାଇ ଭଳଭଦ୍ର ଭଉଣୀ ସୁଭଦ୍ରା ଙ୍କ ସହିତ ମାଉସୀ ଘର ଶ୍ରୀଗୁଣ୍ଡିଚା ମନ୍ଦିରରୁ ଆଜି ଶ୍ରୀ ମନ୍ଦିରକୁ ବାହୁଡା଼ କରିଥିବା ବେଳେ ଏହି ଅବସରରେ ପଡ଼ା ରଥଯାତ୍ରା କମିଟି ତରଫରୁ "ସଙ୍କୀର୍ତ୍ତନ ଧାରା କାର୍ଯକ୍ରମ" ର ଆୟୋଜନ ହେଇଥିଲା । ପଶ୍ଚିମ ଓଡ଼ିଶାର ପ୍ରସିଦ୍ଧି ଲାଭ କରିଥିବା ଅନେକ ଅଗ୍ରଣୀ ସଂକୀର୍ତ୍ତନ ଗାୟକ ଏହି "ସଙ୍କୀର୍ତ୍ତନ ଧାରା " କାର୍ଯକ୍ରମ ରେ ଯୋଗ ଦେଇଥିଲେ । ସଂକୀର୍ତ୍ତନ ଗୁରୁ ପ୍ରଦୀପ ସାହୁ , ଗଣ୍ଠିଆ ପାଲି,କିଶୋର ଗଡତିୟା, ଗୁଡ଼ିମୁଣ୍ଡା,ପ୍ରଭାତ ସାହୁ ,ଭୁଲିଆ ଡିହି,ତିଳକ ଦାସ,ପଞ୍ଚଧାର,(ଛ. ଗ)ସୁନୀତା ସାହୁ, ଚନ୍ଦନଭାଟି,ଲିପ୍ସା ଖମାରୀ, ଗଣ୍ଠିଆପାଲି ,ଚନ୍ଦନ ମାହାର ,ବହାକ ବିଶ୍ଵାମିତ୍ର ଏବଂ ପ୍ରଦୀପ ଆଦି ଚମତ୍କାର ପ୍ରଦର୍ଶନ କରିଥିଲେ । ସଙ୍କୀର୍ତ୍ତନ ଗୁରୁ ପ୍ରଦୀପ ସାହୁ କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ ପଡ଼ା ଗ୍ରାମର ସୁରେଶ ଚନ୍ଦ୍ର ଭୋଇ ସହଯୋଗ କରିଥିଲେ ।ସନ୍ଧ୍ୟା ୬ ଟାରୁ ଆରମ୍ଭ ହେଇ ରାତି ୧୨ ଟା ପର୍ଯ୍ୟନ୍ତ କାର୍ଯ୍ୟକ୍ରମ ଚାଲିଥିବାବେଳେ ପଡ଼ା ଗ୍ରାମ ସମେତ ଆଖ ପାଖ ଗ୍ରାମ ମାନଙ୍କରୁ ହଜାର ହଜାର ଭକ୍ତ ଆସି କାର୍ଯ୍ୟକ୍ରମ କୁ ଉପଭୋଗ କରିଥିଲେ ।ସୁନୀତା ସାହୁ ଏବଂ ତିଳକ ଦାସଙ୍କ ଚମତ୍କାର ପ୍ରଦର୍ଶନରେ ଦର୍ଶକ ବିଭୋର ହୋଇ ଉଠୁଥିଲେ। ରଥଯାତ୍ରା କମିଟି ସଭାପତି ବାଳକୃଷ୍ଣ ପ୍ରଧାନ ସମ୍ପାଦକ ଉମେଶ ମେହେର , ଉପସଭାପତି ଆନନ୍ଦ ବାରିକ, କୋଷାଧ୍ୟକ୍ଷ ସାଗର ବେହେରା, ସନ୍ତୋଷ ମେହେର ,ଲୋକନାଥ ମେହେର,ମିତ୍ରଭାନୁ ମେହେର,ସୁଶାନ୍ତ ମେହେର,ଘନଶ୍ୟାମ ମେହେର, ବୀରକିଶୋର ମେହେର,ବାବୁଲ ପଧାନ,ସୁମନ୍ତ ପଧାନ ଆଦି ସଭ୍ୟମାନେ କାର୍ଯ୍ୟକ୍ରମର ସୁପରିଚାଳନା କରିଥିଲେ । ଉପସ୍ଥିତ ସମସ୍ତ ଭକ୍ତ ମାନଙ୍କ ପାଇଁ ଅନ୍ନ ପ୍ରସାଦର ବ୍ୟବସ୍ଥା ମଧ୍ୟ ହୋଇଥିଲା ।