25-Jun-2023

ପାଟଣାଗଡ (ଦିଲୀପ ପଣ୍ଡା ): ଗତକାଲି ପାଟଣାଗଡ ବିଧାୟକ ତଥା ବିଧାନସଭା ଉପମୁଖ୍ୟ ସଚେତକ ସରୋଜ କୁମାର ମେହେର ପାଟଣାଗଡ଼ ନିର୍ବାଚନମଣ୍ଡଳୀର ବିଭିନ୍ନ ଅଞ୍ଚଳ ଗସ୍ତ କରି ବିଭିନ୍ନ ପ୍ରକଳ୍ପ ଉଦଘାଟନ କରିବା ସହ ବିଜେଡି ର ସକ୍ରିୟ କର୍ମୀଙ୍କ ସହ ଆଲୋଚନା କରିଥିଲେ l  ପାଟଣାଗଡ଼ ବିଧାୟକ ଶ୍ରୀ ମେହେର ବେନ୍ଦେର ପଞ୍ଚାୟତର ବିଜେଡି ସକ୍ରିୟ କାର୍ଯ୍ୟକର୍ତ୍ତା ମାନଙ୍କ ସହିତ ବୈଠକ କରିଥିଲେ l ଏଥିରେ ବିଜେଡ଼ି ର ସଂଗଠନ ଓ ଆାଗାମୀ ନିର୍ବାଚନ କୁ ଦୃଷ୍ଟିରେ ରଖି କିପରି ତୃଣମୂଳସ୍ତରରେ ସଂଗଠନ କୁ ମଜବୁତ୍ କରାଯାଇ ପାରିବ ସେ ନେଇ ଆଲୋଚନା ହୋଇଥିଲା l ବିଜେଡି ସରକାରର ଲୋକାଭିମୁଖୀ ଯୋଜନାର ସୁଫଳ ଯେପରି ସାଧାରଣ ଲୋକ ପାଇପାରିବେ ସେ ନେଇ  କର୍ମୀ ମାନଙ୍କ ସହ ଆଲୋଚନା କରିଥିଲେ ବିଧାୟକ ଶ୍ରୀ ମେହେର l ଏହି ଅବସରରେ ବିଜେପି ର ବହୁ ପୁରୁଣା ଓ ସକ୍ରିୟ କାର୍ଯ୍ୟକର୍ତ୍ତା ବିଜେଡି ରେ ସାମିଲ ହୋଇଥିଲେ l ପାଟଣାଗଡ ଏନ୍ଏ ସି  ର ପାଞ୍ଚ ଗୋଟି ପ୍ରକଳ୍ପର ଶୁଭ ଉଦ୍ଘାଟନ  କରି ବିଧାୟକ ଶ୍ରୀ ମେହେର ପାଟଣାଗଡ ଏନ୍ଏ ସି କୁ ଏକ ବିକଶିତ ଏନ୍ ଏ ସି ଭାବରେ ଗଢି ତୋଳିବା ପାଇଁ ସମସ୍ତଙ୍କ ସହଯୋଗ କାମନା କରିଥିଲେ l  ଏହାପରେ ଶ୍ରୀ ମେହେର ଝାଙ୍କରପାଲି ଓ ଲରମ୍ଭା ଠାରେ  ଶୁଦ୍ଧିକ୍ରିୟା ଏବଂ ମହରାପଦର ସ୍କୁଲ ପରିଦର୍ଶନ କରିଥିଲେ l ଏହି ସମସ୍ତ କାର୍ଯ୍ୟକ୍ରମରେ ବିଜେଡି ର ଶତାଧିକ କର୍ମୀ ଓ କର୍ମକର୍ତ୍ତା ମାନେ ଯୋଗ ଦେଇଥିଲେ l