23-Jun-2023

ବରଗଡ଼: ୨ ଏକର ୫୦ ଡିସମିଲ୍ ପରିମିତ ଯାଗାକୁ ନେଇ ବରଗଡ ଜିଲ୍ଲା ବିଜେପୁର ବ୍ଳକ ଅନ୍ତର୍ଗତ ସମଲେଇପଦର ଠାରେ ସୃଷ୍ଟି ହୋଇଥିବା ପାର୍ବତୀ ଗିରୀ ଅନାଥା ବୃଦ୍ଧାଶ୍ରମ ଠାରେ ଦହନୀୟ ଅବସ୍ଥାରେ ପଡିରହିଥିବା ବେସାହାରା ବୃଦ୍ଧ,ବୃଦ୍ଧାଙ୍କ ଥଇଥାନ ପାଇଁ ୨୦୦୭ ମସିହାରେ ବହ୍ନିକନ୍ୟା ପାର୍ବତୀ ଗିରିଙ୍କ  ସ୍ମୃତି ଉଦ୍ଦେଶ୍ୟରେ ସୃଷ୍ଟି ହୋଇ ଅନେକ

ପରିତ୍ରାଣ ହେଉଛନ୍ତି।ବର୍ତ୍ତମାନ ଏହି ଅନାଥାଶ୍ରମରେ ବିଭିନ୍ନ ପ୍ରାନ୍ତରୁ ସମୁଦାୟ ୨୩ ଜଣ ମହିଳା ପୁରୁଷ ମିଶି ଅଛନ୍ତି।ଦୁରଦୂରାନ୍ତରୁ ଲୋକେ ଆସି ସାହାର୍ଯ୍ୟର ହାତ ମଧ୍ୟ ବଢାଉଛନ୍ତି।ଏ କ୍ରମରେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁର ରେ କାର୍ଯ୍ୟରତ ଭାରପ୍ରାପ୍ତ ଚିକିତ୍ସାଧିକାରୀ ଡାକ୍ତର ସୁଶାନ୍ତ ମେହେର ପ୍ରତିମାସରେ କର୍ମଚାରୀଙ୍କ ସହ ଅନାଥାଶ୍ରମ କୁ ଆସି ଅନ୍ତେବାସୀ ମାନଙ୍କ ସ୍ୱାସ୍ଥ୍ୟ ପରୀକ୍ଷା ନିରିକ୍ଷା ସହ ସରକାରୀ ଓୈାଷଧ ମାଗଣାରେ ପ୍ରଦାନ, ସମୟ ପଡ଼ିଲେ ମୂଲ୍ୟବାନ ଔଷଧ ନିଜ ପକେଟ ରୁ କିଣି ଦେବାର ଦୃଷ୍ଟାନ୍ତ ମଧ୍ୟ ରହିଛି।ଆଜି ଅନ୍ତେବାସୀଙ୍କ ମଧ୍ୟରୁ ଜଣକ ଯକ୍ଷ୍ମା ରୋଗ ପରୀକ୍ଷଣରୁ ଜଣାପଡିବାରୁ ସଦଳବଳେ ଡାକ୍ତର ମେହେର ଅନାଥାଶ୍ରମକୁ

ପହଞ୍ଚି ସମସ୍ତଙ୍କ  ସ୍ୱାସ୍ଥ୍ୟପରୀକ୍ଷା ସହ ଔଷଧ ପ୍ରଦାନ କରିବା ସାଙ୍ଗକୁ କଦଳୀ ବିସ୍କୁଟ,ପାଉଁରୁଟି ଇତ୍ୟାଦି ବଣ୍ଟନ କରିଥିଲେ।ଅନ୍ୟମାନଙ୍କ ମଧ୍ୟରେ ଜନସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ସୁଦାମ ଚରଣ ପାଣିଗ୍ରାହୀ,ବରିଷ୍ଠ ଯକ୍ଷ୍ମା ପର୍ଯ୍ୟବେକ୍ଷକ ଦେବାଶିଷ ଦେବତା,କ୍ଷେତ୍ରବାସୀ ସାହୁ,ସାରଥୀ କିଶୋର ମହାନନ୍ଦ ପ୍ରମୁଖ ସ୍ୱାସ୍ଥ୍ୟପରୀକ୍ଷା ନିରିକ୍ଷା ସମୟରେ ସହଯୋଗ କରିଥିଲେ।
(ବରଗଡ଼ରୁ ନିରଞ୍ଜନ ତ୍ରିପାଠୀଙ୍କ ରିପୋର୍ଟ)