23-Jun-2023

କଳାହାଣ୍ଡି,ଭବାନୀ ପାଟଣା (ତ୍ରିନାଥ ବେଶ୍ରା )

,ଜିଲ୍ଲା ସ୍ତରୀୟ ଲୋକ ସଂଗଠନ ନାଗରିକ ବିକାଶ ସଂଗଠନ , କଳାହାଣ୍ଡି, ଓଡିଶା ଶ୍ରମଜୀବୀ ମଞ୍ଚ ଓ ମହିଳା ଶ୍ରମଜୀବୀ ମଞ୍ଚ ଓଡିଶା ପକ୍ଷରୁ ନିକଟରେ  କରାଯାଇଥିବା ସର୍ବେକ୍ଷଣ ଅନୁଯାୟୀ ଜଳବାୟୁ ପରିବର୍ତ୍ତନ  ସହିତ ବର୍ଦ୍ଧିତ ଗ୍ରୀଷ୍ମପ୍ରବାହ ହେତୁ, ଆଦିବାସୀ, ଦଳିତ ଏବଂ ଅନ୍ୟାନ୍ୟ  ପଛୁଆବର୍ଗର ଲୋକ ମାନେ  ସ୍ଵଛ ପାନୀୟ ଜଳ ଏବଂ ପୁଷ୍ଟି ଯୁକ୍ତ ଖାଦ୍ୟ  ପାଇବାରୁ ବଞ୍ଚିତ ହେଉଛନ୍ତି |। ଯାହାକି ସେମାନଙ୍କର ଆତ୍ମସମ୍ମାନ ସହ ବଞ୍ଚିବାର ଅଧିକାରକୁ ସୀମିତ କରୁଛି | ତେଣୁ, ସ୍ଥାନୀୟ ସଂଗଠନ ପଛୁଆବର୍ଗମାନଙ୍କ ପାଇଁ ଅଧିକାର ସହିତ ସମସ୍ତ ସରକାରୀ ଯୋଜନାର ସଫଳ ରୂପାୟନ ନିମନ୍ତେ  ସଚେତନ ମୂଳକ କାର୍ଯ୍ୟକ୍ରମମାନ କରିଆସୁଅଛି | ଏଥିସହିତ, ସ୍ଥାନୀୟ ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ଦାବୀପତ୍ର ପଠାଇବା ସହିତ ଜିଲ୍ଲାର ସମସ୍ତ ବଞ୍ଚିତ ବର୍ଗର  ଜନସାଧାରଣମାନଙ୍କ ପାଇଁ ନିମ୍ନଲିଖିତ ଦାବୀ ଗୁଡିକ ଶୀଘ୍ର ପୂରଣ କରାଯାଉ ବୋଲି  ସଂଗଠନ ପକ୍ଷରୁ ନିବେଦନ କରାଯାଇଛି | 

ସଂଗଠନ ଦାବୀ ସମୂହ: 

1. ସମସ୍ତ ପରିବାରକୁ ଶୁଦ୍ଧ  ପିଇବାପାଣି ଯୋଗାଇ ଦେବା ଓ ସମସ୍ତ ପିଇବା ପାଣିର ଉତ୍ସଗୁଡିକୁ ମରାମତି କରାଯାଉ ଓ ସୋକପିଟ ନିର୍ମାଣ  କରାଯାଉ। 

2. ସମସ୍ତ ଯୋଗ୍ୟ  ଗରିବ ପରିବାରକୁ ପ୍ରଧାନମନ୍ତ୍ରୀ ଆବାସ ଯୋଜନା କିମ୍ବା ବିଜୁ ପକ୍କା ଘର ଯୋଗାଇ ଦିଆଯାଉ । 

3. ବାଦ ପଡିଥିବା ସମସ୍ତ ପରିବାରକୁ ତୁରନ୍ତ ବିଦ୍ୟୁତ ସଂଯୋଗ ଯୋଗାଇ ଦିଆଯାଉ । 

4. ସମସ୍ତ ଗରିବ  ବୃଦ୍ଧ/ ବୃଦ୍ଧା / ବିଧବା ଏବଂ ଦିବ୍ୟାଙ୍ଗ  ମାନଙ୍କୁ ତୁରନ୍ତ ଭତ୍ତା ଯୋଗାଇଦେବା  ଓ ଭତ୍ତା ର ପରିମାଣ 2000 ଟଙ୍କାକୁ ବୃର୍ଦ୍ଧି କରାଯାଉ ଓ ହାତରେ  ନଗଦ ଟଙ୍କା ଆକାରରେ ଘରେ ପ୍ରଦାନ କରାଯାଉ। 

5. ସମସ୍ତ ଯୋଗ୍ୟ ପରିବାରକୁ ବ୍ୟକ୍ତିଗତ  ଜଙ୍ଗଲ  ଜମି ପଟ୍ଟା ପ୍ରଦାନ  ଓ ଗ୍ରାମ ଗୁଡିକୁ ସାମୁହିକ ଜଙ୍ଗଲ  ଜମି ପଟ୍ଟା ପ୍ରଦାନ  କରିବାର ବ୍ୟବସ୍ଥା କରାଯାଉ । 

6. ସମସ୍ତ ଯୋଗ୍ୟ  ପରିବାରକୁ ଘରଡିହ ପଟ୍ଟା ପ୍ରଦାନ  କରାଯାଉ | 

7. ସମସ୍ତ ଚାଷଜମିକୁ ଜଳସେଚନ ଯୋଗାଇଦେବା  ଓ ସମସ୍ତ ଚେକଡ୍ୟାମ, କେନାଲ  , ଉଠାଜଳସେଚନ  ପଏଣ୍ଟ ଗୁଡିକୁ ତୁରନ୍ତ ମରାମତି କରାଯାଉ | 

8. ସମସ୍ତ ଚାଷୀ ପରିବାରକୁ ରବି ଋତୁରେ  ଚାଷ ନିମନ୍ତେ  ସେପ୍ଟେମ୍ବର ସୁଦ୍ଧା ଡାଲି  ଜାତୀୟ ବିହନ ଯଥା- ମୁଗ, ବିରି, ଚଣା, ଓ କୋଳଥ  ଆଦି ମାଗଣାରେ  ଯୋଗାଇ ଦିଆଯାଉ | 

9. ପାକଶାଳା ବଗିଚା ପାଇଁ ସମସ୍ତ ପରିବାରକୁ ପନିପରିବା ବିହନ କିଟ ତୁରନ୍ତ ପ୍ରଦାନ  କରାଯାଉ । 

10. ପରିବାର ର ବାଦ ପଡିଥିବା ସଦସ୍ୟ/ସଦସ୍ୟା  ମାନଙ୍କୁ ତୁରନ୍ତ ରାସନ କାର୍ଡରେ  ନାମ ପଞ୍ଜୀକୃତ କରାଯାଉ | 11. ସମସ୍ତ ବିଦ୍ୟାଳୟ ଗୁଡିକର ଭିତ୍ତିଭୂମି ଯଥା- ଶ୍ରେଣୀ ଗୃହ, ରୋଷେଇ  ଘର, ଶୁଦ୍ଧ  ପିଇବା ପାଣି, ଖେଳପଡିଆ,ଶୌଚାଳୟ, ଓ ପାଚେରୀ ଆଦି ମରାମତି ଓ ନିର୍ମାଣ  କରାଯାଉ ଏବଂ ଆବଶ୍ୟକ  ସଂଖ୍ୟକ  ଶିକ୍ଷକ ନିଯୁକ୍ତ କରାଯାଉ। 

12. ୧୫୦ ରୁ ଉର୍ଦ୍ଧ୍ଵ  ଜନସଂଖ୍ୟା  ଥିବା ପଡା ଗ୍ରାମଗୁଡିକରେ  ତୁରନ୍ତ ମିନି ଅଙ୍ଗନବାଡି କେନ୍ଦ୍ର ନିର୍ମାଣ , ସମସ୍ତ ଅଙ୍ଗନବାଡି କେନ୍ଦ୍ରର ଭିତ୍ତିଭୂମି ଯଥା- ପକ୍କାଗୃହ ନିର୍ମାଣ , ପିଇବା ପାଣି, ଶୌଚାଳୟ, ରୋଷେଇ  ଗୃହ ଓ ପାଚେରୀ ନିର୍ମାଣ  କରାଯାଉ । 

ଉପରୋକ୍ତ ଦାବୀଗୁଡିକ ଉପରେ ବିଚାର କରି ଆବଶୟକୀୟ ପଦକ୍ଷେପ  ପାଇଁ ରାଜ୍ୟ  ସରକାର ଓ ଜିଲ୍ଲା ପ୍ରଶାସନ କାର୍ଯ୍ୟ  କରିବା ଉଦ୍ଧେଶ୍ୟରେ କଳାହାଣ୍ଡି  ଜିଲ୍ଲାର ଉମେନ୍ ଫେଡରେସନ ଜିଲ୍ଲା ମ୍ୟାନେଜର କଲ୍ୟାଣୀ ଦାସ, ଜିଲ୍ଲା କାର୍ଯ୍ୟ କାରିଣୀ କମିଟିର ସଦସ୍ୟ ଉପେନ୍ଦ୍ର ସୁନାନୀ, ସଂଯୋଜକ ଜଗନ୍ନାଥ ଶଗଡ଼ିଆ, ବାବୁଲାଲ ତାଣ୍ଡି, ଜନସାଥୀ ତ୍ରିନାଥ ବେଶ୍ରା,ମୁକ୍ତା ଠାକୁର, ଗୋକୁଳ ଛତ୍ରିଆ, ନବୀନ ସୁନାନୀ, ପର୍ଶୁରାମ ଠାକୁର, ସୁଦର୍ଶନ ନାଏକ, ଟଙ୍କେଶ୍ୱର କୁମାର, ଉମେଶ ବାଗ, ପବିତ୍ର ନାଏକ, ଧନଞ୍ଜୟ ହରପାଲ, ଅହଲ୍ୟା ସାହୁ, ଅନିଲ ନାଗ, ସୀମନ୍ତିନୀ ବାରିକ, ଜ୍ୟୋତି ସେନାପତି, ପଣ୍ଡିତ ସୁନାନୀ, ସୀମାଦ୍ରୀ ବାରିକ, ଯୋଗେଶ୍ୱର ନାଏକ, ପବିତ୍ର ବେଶ୍ରା, ଝାସକେତନ ହରିଜନ ସମେତ ଉର୍ମି ଲିଡର ପ୍ରେମଶିଳା ପାଣିଗ୍ରାହୀ, ତରୁଲତା ନାଗ, ଜନତା ମାଝୀ, ମଥୁରା ମାଝୀ, କୁନି ନାଏକ, ପୁରନ୍ଦର ନାଏକ, କୌସଲ୍ୟା ମାଝୀ, କମଳୀ ମାଝୀ, କୂଳଦେଇ ମାଝୀ ,ତାରା ମାଝୀ, ସାଇବନି ମାଝି ,ପ୍ରତିମା ମାଝୀ, ରଞ୍ଜିତା ମାଝୀ, ତରୁଣୀ ମାଝୀ, ଲିଲି ମାଝୀ, ନମିତା ଗୌଡ, ସୌଭାଗିନୀ ମାଝୀ, ଲିଲିମା ଛତ୍ରିଆ, ପୁଷ୍ପଲତା ଠାକୁର, ହେମରାଜ ଭଇସାଲ, ଦେବସ୍ମୀତା ମାଝୀ ତଥା ଜିଲ୍ଲାର 12 ଗୋଟି ବ୍ଲକରୁ ଶତାଧିକ ପୁରୁଷ ଓ ମହିଳା ଶୋଭାଯାତ୍ରାରେ  ସହର ପରିକ୍ରମା କରି ଜିଲ୍ଲାପାଳଙ୍କ କାର୍ଯ୍ୟ।ଳୟରେ  ଜିଲ୍ଲାପାଳଙ୍କ ଜରିଆରେ  ମାନ୍ୟବର  ମୁଖ୍ୟମନ୍ତ୍ରୀଙ୍କୁ  ଦାବୀପତ୍ର ପ୍ରଦାନ  କରାଯାଇଛି ବୋଲି  ସଂଗଠନ ପକ୍ଷରୁ ଏକ ପ୍ରେସ ବାର୍ତ୍ତାରେ  ସୂଚନା ଦିଆଯାଇଛି |