23-Jun-2023

ବୀରମହାରାଜପୁର, (ବିନୋଦ ପାଣ୍ଡେ )ସୁବର୍ଣ୍ଣପୁର ଜ଼ିଲ୍ଲା ବୀରମହାରାଜପୁର ଉପଖଣ୍ଡ ଡାକ୍ତର ଖାନାରେ ଥିବା ରକ୍ତ ସଂରକ୍ଷଣ କେନ୍ଦ୍ର ଆଜକୁ ଦୀର୍ଘ ବର୍ଷ ହେଲା ନିର୍ମାଣ କାର୍ଯ୍ୟ ଶେଷ ହୋଇ ଥିଲେହେଁ ଲୋକଙ୍କ କାର୍ଯ୍ୟରେ ଲାଗିପାରୁ ନାହିଁ। ଫଲରେ ଜନସାଧାରଣରେ  ଅସନ୍ତୋଷ ପ୍ରକାଶ ପାଇଛି l  ସରକାରଙ୍କ ରାଜସ୍ବରୁ ଲକ୍ଷାଧିକ ଟଙ୍କା ବ୍ୟୟରେ ଦୀର୍ଘ ବର୍ଷ ହେବ ଉକ୍ତ ବ୍ଳଡ଼ ବ୍ୟାଙ୍କ ନିର୍ମାଣ ହୋଇଥିଲା । ଏଥିପାଇଁ ଆବଶ୍ୟକୀୟ ମେସିନ ଓ ଯନ୍ତ୍ରପାତି ମଧ୍ୟ ଯୋଗାଇ ଦିଆଯାଇଛି l ଫଳରେ ଏହି ଡାକ୍ତରଖାନା ଉପରେ ନିର୍ଭର କରୁଥିବା ରୋଗୀମାନେ ସୋନପୁର, ବୁର୍ଲା, କଟକ, ଭୁବନେଶ୍ୱର ଯାଇ ଅଯଥା ଖର୍ଚ୍ଚାନ୍ତ ହେଉଥିବା ଦେଖିବାକୁ ମିଳିଛି l ଏନେଇ ଅନେକ ଥର ବିଭିନ୍ନ ପତ୍ର ପତ୍ରିକା ରେ ପ୍ରକାଶିତ ହୋଇ ଆସୁଥିଲେ ହେଁ କିଛି ସୁଫଳ ହୋଇ ନ ଥିଲା l ଏବେ ନୂତନ ଭାବେ ସୁବର୍ଣ୍ଣପୁର ଜ଼ିଲ୍ଲାପାଳ ଭାବେ ବିମଳେନ୍ଦୁ ରାୟ ଦାୟିତ୍ୱ ନେଲା ପରେ ଗତକାଲି ବୀରମହାରାଜପୁର ଡାକ୍ତର ଖାନା କୁ ପରିଦର୍ଶନ ରେ ଆସିଥିବା ସମୟରେ ଜ଼ିଲ୍ଲା ରକ୍ତଦାତା ସେବାସଂଘ ନେତୃତ୍ୱ ରେ ପଶ୍ଚିମ ଓଡିଶା ଯୁବା ମଞ୍ଚ, ମାହେଶ୍ୱରୀ ସେନା, ସ୍ଥାନୀୟ କୃଷକ ସଂଘଠନ ସହ ବିଭିନ୍ନ ଅନୁଷ୍ଠାନ ତରଫରୁ ଜ଼ିଲ୍ଲାପାଳ ଙ୍କ ଦୃଷ୍ଟି ଆକର୍ଷଣ କରି ଥିଲେ l ଫଳରେ ଜ଼ିଲ୍ଲାପାଳ ଆସନ୍ତା ସପ୍ତାହକ ଭିତରେ ବ୍ଲଡ଼ ବ୍ୟାଙ୍କ ର ଲାଇସେନ୍ସ ନବୀକରଣ କରାଯାଇ କରାଯିବ ବୋଲି ପ୍ରତିଶ୍ରୁତି ଦେଇଥିଲେ l ପ୍ରାପ୍ତ ସୂଚନା ଅନୁସାରେ ବୀରମହାରାଜପୁର ଡାକ୍ତର ଖାନା ରକ୍ତ ସଂରକ୍ଷଣ କେନ୍ଦ୍ର ଦାୟିତ୍ୱ ରେ ଥିବା ଡାକ୍ତର ଙ୍କୁ ସୋନପୁର କୁ ଡେପୁଟେସନ ରେ ନିଆ ଯାଇଥିବା ବେଳେ ଉକ୍ତ କେନ୍ଦ୍ର ର ଲାଇସେନ୍ସ ବାତିଲ ହେବାପରେ ଆଉ ନବୀକରଣ ହୋଇ ପାରିନଥିବା ଜଣାପଡିଛି l ଏହି ଅବସରରେ ସୁବର୍ଣ୍ଣପୁର ଜ଼ିଲ୍ଲା ରକ୍ତଦାତା ସେବାସଂଘ ର ସଭାପତି ମନୋଜ ପଣ୍ଡା, ଜ଼ିଲ୍ଲା କୃଷକ ସଙ୍ଘ ର ସଭାପତି ବୈକୁଣ୍ଠନାଥ ଶତପଥି, ମାହେଶ୍ୱରୀ ସେନା ର ରକ୍ତ ସଂଯୋଜକ ସୁଧାଂଶୁ କର୍ଣ୍ଣ, ବ୍ଲକ ଉପାଧ୍ୟକ୍ଷ ନାରାୟଣ ଲୁହା, ଚମ୍ପାମାଲ ସମିତି ସଭ୍ୟ ଲକ୍ଷ୍ମୀ ନାରାୟଣ ପୁରୋହିତ, ଜିତେନ୍ଦ୍ର ମେଣ୍ଡିଲି, ବିକାଶ ମହାକୁର, ଚୈତନ  ।