20-Jun-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ) ପବିତ୍ର ରଥଯାତ୍ରା  ଉପଲକ୍ଷେ  ମହାପ୍ରଭୁ ଶ୍ରୀ ଜଗନ୍ନାଥଙ୍କ ପହଣ୍ଡି ବିଜେ ପାଇଁ ଆଜି ସୋନପୁର ଠାରେ  ଚୂଡାନ୍ତ ପ୍ରସ୍ତୁତି ସରି ଯାଇଛି l ଶ୍ରୀ ଜଗନ୍ନାଥ ଙ୍କ ମନ୍ଦିର ଠାରୁ  ୪ ଟା ପରେ ମହାପ୍ରଭୁଙ୍କ ପହଣ୍ଡି ଆରମ୍ଭ କରାଯିବା କୁ ଥିବା ବେଳେ ଏଥିପାଇଁ ଯାତ୍ରା ର ଶାନ୍ତି ଶୃଙ୍ଖଳା  କୁ ଦୃଷ୍ଟି ରେ ରଖି ଜ଼ିଲ୍ଲା ପୋଲିସ ପ୍ରଶାସନ ଓ ଦେବୋତ୍ତର ବିଭାଗ ପକ୍ଷରୁ ପୁରା ସଜାଗ ରହିଥିବା ଜଣା ଯାଇଛି l ରଥ ଖଳା ରେ ମହାପ୍ରଭୁଙ୍କ ତିନୋଟି ଯାକ ରଥ ସୁ ସଜ୍ଜିତ ରହିଛି l ଗତ କାଲି ସୁବର୍ଣ୍ଣପୁର ର ନୂତନ ଜ଼ିଲ୍ଲାପାଳ  ଶ୍ରୀ ବିମଳେନ୍ଦୁ ରାୟ ମାଉସୀ ମନ୍ଦିର ଠାରୁ ପ୍ରଭୁଙ୍କ ବଡ଼ ଦାଣ୍ଡ ର  ସ୍ଥିତି ପରଖି ଥିଲେ l ଏବଂ ଉଭୟ ରାସ୍ତାକଡ଼ର  ଅଳିଆ ଆବର୍ଜନା ସବୁ କୁ ଦେଖି  ସକାଳ ସୁଦ୍ଧା ବଡ଼ଦାଣ୍ଡକୁ ସ୍ୱଚ୍ଛ ସୁନ୍ଦର ରଖି ବାକୁ ପୌର ପ୍ରଶାସନ କୁ ତାଗିଦ କରିଥିଲେ l ସେହିପରି ଜ଼ିଲ୍ଲା ର ଶ୍ରୀ ପାତାଳି ଶ୍ରୀକ୍ଷେତ୍ର ଠାରେ ମଧ୍ୟ ରଥ ଯାତ୍ରା ପାଇଁ ବ୍ୟାପକ ପ୍ରସ୍ତୁତି ଚାଲିଥିବା ଜଣାଯାଇଛି l