19-Jun-2023

ଲୋଇସିଂହା, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଲୋଇସିଂହା ରେ ଗତ କିଛି ଦିନହେଲା ପାଣି ପାଇଁ ଡହଳବିକଳ ହେଉଛନ୍ତି ଲୋଇସିଂହା ଅଂଚଳବାସୀ l ବର୍ତମାନ ଗ୍ରୀଷ୍ମ ର ପ୍ରଭାବ ଲାଗି ରହିଥିବା ବେଳେ ପାଣି ସମସ୍ୟା ଯୋଗୁଁ ଜୀବନ ଅସ୍ତବ୍ୟସ୍ତ ହୋଇପଡିଛି l ଏଣୁ ଲୋଇସିଂହା ବାସିନ୍ଦା ପାଣି ସମସ୍ୟା ର ସମାଧାନ ପାଇଁ ଆଜି 26 ନମ୍ବର ଜାତୀୟ ରାଜପଥ ଲୋଇସିଂହା ବସଷ୍ଟାଣ୍ଡ ନିକଟରେ ଗରିଆ ଓ ଡେ଼କଚି ରାସ୍ତା ମଝିରେ ରଖି ଶତାଧିକ ମହିଳା ଓ ପୁରୁଷ ନିଜ ହକ ପାଇଁ ରାସ୍ତା ଅବରୋଧ କରିଥିଲେ l ସୂଚନା ରୁ ପ୍ରକାଶ ଯେ ଲୋଇସିଂହା ଓ ବୁର୍ଡl ବାସିନ୍ଦା ପାଣି ପାଇଁ ନିର୍ଭର କରନ୍ତି ନିକଟ ସୁକ୍ତେଲ ନଦୀ ଉପରେ l ବର୍ତମାନ ପିଇବା ପାଣି ଲୋଇସିଂହା ଅଂଚଳ ରେ ଠିକ ସେ ପହଂଚି ପାରୁ ନାହିଁ l 

ଯେଉଁ କିଛି ସମୟ ପାଣି ସପ୍ଲାଇ ହେଉଛି ତାହା ଜନସଂଖ୍ୟା ମାତ୍ରାରେ ସ୍ୱଳ୍ପ l ଏଣୁ ଆଜି ଶତାଧିକ ମହିଳା ଓ ପୁରୁଷ ଲୋଇସିଂହା ଅଂଚଳରେ ପାଣି ସପ୍ଲାଇ ପାଇଁ ଦାବୀ ରଖିଥିଲେ ପ୍ରଶାସନ ଉପରେ ଏଣୁ ରାସ୍ତାରୋକ କରିଥିଲେ l ରାସ୍ତାରୋକ ଫଳରେ ଅନେକ ଜାନବାହାନ ଜାମ ହୋଇ ରହିଥିଲା l ପରେ ପରେ ଉକ୍ତ ସ୍ଥାନକୁ ଲୋଇସିଂହା ସରପଞ୍ଚ ନବକିଶୋର ନାଏକ, କଂଗ୍ରେସ ଜିଲ୍ଲା ସଭାପତି ଦିଲୀପ ବେହେରା, ଲୋଇସିଂହା ବିଡ଼ିଓ ଆକାଶରଞ୍ଜନ ସାହୁ, ତହସିଲ୍ଦାର ସୁଶ୍ରୀ ସଂଘମିତ୍ରା କାଲୋ, ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ, ଆରଡବ୍ଲୁଏସଏସ ଏ. ଇ. ଶ୍ରୀ ସାମନ୍ତରାୟ, ଲୋଇସିଂହା ଆଇଆଇସି ଯାଜ୍ଞସେନୀ ନାୟକ, ଏସଡିପିଓ ଶ୍ରୀ ତୋଫାନ ବାଗ ପହଂଚି ଲୋକଙ୍କୁ ବୁଝାସୁଝା କରିବା ସହ ଲୋକଙ୍କୁ ପ୍ରତିଶୃତି ଦେଲେ ଯେ ୨ ଦିନ ରେ ଥରେ ପାଣି ସପ୍ଲାଇ ହେବ ଓ ୨ ଟି ପାଣି ଟେଂକ ଯୋଗାଇ ଦିଆଯିବ l ଏହାପରେ ଅପରାହ୍ନ 11 ଟାରୁ ଚାଲିଥିବା ରାସ୍ତାରୋକ 1.30 ପରେ ରାସ୍ତା ରୁ ଓହରିଥିଲେ ଲୋକେ l ଏହାପରେ ଯାନବାହାନ ଚଳାଚଳ ବଲବତର ରହିଥିଲା l