10-Dec-2020

କଳାହାଣ୍ଡି, କୋକସରା(ତ୍ରିନାଥ ବେଶ୍ରା)- ବିଶ୍ବ ମାନବିକ ଅଧିକାର ଦିବସ ଉପଲକ୍ଷେ ନାଗରିକ ବିକାଶ ସଂଗଠନ  ତଥା ମହିଳା ଶ୍ରମଜୀବୀ ମଞ୍ଚ ଓଡ଼ିଶା ଓ ଓଡ଼ିଶା ଶ୍ରମଜୀବୀ ମଞ୍ଚ ର ମିଳିତ ଆନୁକୂଲ୍ୟରେ ଆଜି କଳାହାଣ୍ଡି ଜିଲ୍ଲା କୋକସରା ବ୍ଲକର ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ  ପୁରୁଷୋତ୍ତମ ଧରୁଆଙ୍କୁ ମହିଳା ହିଂସା ରୋକିବା ନିମନ୍ତେ ଏକ ଦାବିପତ୍ର ପ୍ରଦାନ କରାଯାଇଥିଲା। ଦାବିପତ୍ରରେ  ପ୍ରମୁଖ ୮ ଗୋଟି ଦାବି ଉଲ୍ଲେଖ କରାଯାଇଛି। ଏହି କାର୍ଯ୍ୟକ୍ରମରେ ନାଗରିକ ବିକାଶ ସଂଗଠନର ସଭାନେତ୍ରୀ ଶ୍ରୀମତୀ ରଜନୀକାନ୍ତୀ ପାଣିଗ୍ରାହୀ ସଂପାଦିକା ତ୍ରିପୁରା ଭକ୍ତ ଏବଂ ସଂଗଠନର କର୍ମକର୍ତ୍ତା ଉପେନ୍ଦ୍ର ସୁନାନୀ, ତ୍ରିନାଥ ବେଶ୍ରା, ବିନୋଦ ଦିଗାଳ ଓ ହେମାମାଳିନୀ ନାଏକ, ମୁକ୍ତା ଠାକୁର, ପୁଷ୍ପାଞ୍ଜଳୀ ମହାନନ୍ଦ ପ୍ରମୁଖ ଉପସ୍ଥିତ ରହି ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ଧରୁଆଙ୍କୁ ଦାବିପତ୍ର ପ୍ରଦାନ କରିଥିଲେ ।