09-Dec-2020

ବରଗଡ଼(ମୁକୁନ୍ଦ ଦାସ): ବରଗଡ଼ ଟ୍ରାଫିକ ପୋଲିସଠୁ ଖବର ପାଇ ସଂକଳ୍ପ ପରିବାର ସାହାଯ୍ୟରେ ଆଜି ଏକ ଅସହାୟ ବୃଦ୍ଧାଙ୍କୁ ମୁର୍ମୁଶ ଅବସ୍ଥାରେ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ସୂଚନା ମୁତାବକ ବୃଦ୍ଧା ଜଣକ ଗତ ଦୁଇଦିନ ହେଲା ବରଗଡ଼ ଭଟଲି ଛକ ଠାରେ ଥିବା ମୁନସିପାଳିଟି ନାଳ ଉପରେ ଅଚେତ ଅବସ୍ଥାରେ ପଡିରହିଥିଲେ  ହେଲେ କେହି ତାଙ୍କୁ ଦୃଷ୍ଟିଗୋଚର କରିନଥିଲେ । ଆଜି ସେଠାରେ ଡ୍ୟୁଟି କରୁଥିବା ଟ୍ରାଫିକ ପୋଲିସ ନିଜର ମାନବିକତା ଦେଖାଇଥିଲେ । ସେ ସଂକଳ୍ପ ପରିବାର ସହିତ ଯୋଗାଯୋଗ କରିଥିଲେ । ଖବତ ପାଇବାପରେ ସଂକଳ୍ପ ପରିବାର ସଙ୍ଗେ ସଙ୍ଗେ ଘଟଣା

ସ୍ଥଳକୁ ପହଞ୍ଚି ବୃଦ୍ଧା ଜଣକୁ ଦେଖିବା ପରେ ସେ ଅତି ଗୁରୁତର ଥିବାରୁ ତାଙ୍କୁ ଆମ୍ବୁଲାନ୍ସ ସାହାଯ୍ୟରେ ଜିଲ୍ଲା ମୁଖ୍ୟ ଚିକତ୍ସାଲୟରେ ଭର୍ତି କରାଯାଇଛି । ଡାକ୍ତର ଦେଖିବା ପରେ ତାଙ୍କ ଶରୀରରେ ରକ୍ତ ପରିମାଣ ବହୁତ କମ ଥିବା ଜାଣି ପ୍ରଥମେ ତାଙ୍କୁ ରକ୍ତ ଯୋଗାଇ ଦିଆଯାଇଛି । ଅନ୍ୟ ସମସ୍ତ ରକ୍ତ ପରୀକ୍ଷା କରାଯାଇଛି l ରିପୋର୍ଟ୍ଆସିବାପରେ ଅନ୍ୟ ସମସ୍ତ ଚିକିତ୍ସା ଯୋଗାଇଦିଆଯିବ । ପ୍ରକାଶ ଥାଉ କି ତାଙ୍କର ପରିବାରରେ ସମସ୍ତେ ଅଛନ୍ତି ହେଲେ କେହି ମଧ୍ୟ ତାଙ୍କ ସାଙ୍ଗରେ ଆସିବାକୁ ଇଛୁକ ନଥିଲେ ।