09-Dec-2020

ଖଣ୍ଡପଡା, ନୟାଗଡ଼(ପ୍ରଦୀପ କୁମାର ପଣ୍ଡା) - ବାବା ସାହେବ ଡ଼ଃ ଆମ୍ବେଦକର ଥିଲେ ଦ୍ୱିତୀୟ ବୁଦ୍ଧ | ବାବା ସାହେବ ଚାରିଟେବୁଲ ଟ୍ରଷ୍ଟ, କୁମ୍ଭାରପଡ଼ା ର ପ୍ରତିଷ୍ଠାତା ତଥା ବାବାସାହେବ ବୁଦ୍ଧିଷ୍ଠ ୱେଲଫେୟାର ସୋସାଇଟି ର ପ୍ରତିଷ୍ଠାତା ଏବଂ ଭାରତୀୟ ବିଦ୍ୟାର୍ଥୀ ମୋର୍ଚ୍ଚା, ନୟାଗଡ଼ ର ସଂଯୋଜକ ଶ୍ରୀଯୁକ୍ତ ବିଜୟ କୁମାର ସେଠି ଙ୍କ ଦ୍ୱାରା ଅଷ୍ଟମ ରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ବିଦ୍ୟାର୍ଥୀ ମାନଙ୍କ ମଧ୍ୟରେ ଏକ କୁଇଜ  ପ୍ରତିଯୋଗିତା ଅନୁଷ୍ଠିତ ହୋଇଥିଲା | ଏହି କାର୍ଯ୍ୟକ୍ରମର ପୁରସ୍କାର ବିତରଣ ଉତ୍ସବ ରେ ଅଜୟ କୁମାର ସେଠି ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ | ସେ ତାଙ୍କ ବକ୍ତବ୍ୟ ରେ ଉପସ୍ଥିତ ବିଦ୍ୟାର୍ଥୀ ମାନଙ୍କ ପାଇଁ ବାବାସାହେବ ଡ଼ଃ ଆମ୍ବେଦକର କିପରି ଏକ ସମତାଭିତ୍ତିକ ସମାଜ ଗଠନ ର ଉଦେଶ୍ୟ ରଖି ଆମ ସମ୍ବିଧାନ ପ୍ରଣୟନ କରିଥିଲେ ଏହାର ଅନେକ ଉଦାହରଣ ଦେଇଥିଲେ ଏବଂ ବାବାସାହେବ ଜଣେ ମନବବାଦର ପ୍ରତୀକ, ବିଶିଷ୍ଟ ଅର୍ଥନୀତିଜ୍ଞ ଏବଂ ଜଣେ ଦୂରଦ୍ରଷ୍ଟା ବୋଲି କହିଥିଲେ | ଏହିସଭାରେ ମୁଖ୍ୟ ଅତିଥି କୁମ୍ଭାରପଡ଼ା ଗ୍ରାମପଞ୍ଚାୟତ ର ସରପଞ୍ଚ ଶ୍ରୀମତୀ ରଙ୍ଗବତୀ ମୁଦୁଲି ଯୋଗଦେଇଥିବା ବେଳେ ସଭା  ପରିଚାଳନା କରିଥିଲେ ଦିନେଶ କୁମାର ଲେଙ୍କା | ସମ୍ମାନୀତ ଅତିଥି ଭାବେ ବୁଦ୍ଧିଷ୍ଠ ଲେବର ୟୁନିଅନ ର ସମ୍ପାଦିକା ଶ୍ରୀମତୀ କବିତା ସାହୁ, ଆର. କେ. ହାଇସ୍କୁଲ ଦୁଖାପଲୀ ର ଶିକ୍ଷକ ପ୍ରଭାତ ସାହୁ ଏବଂ ପ୍ରମୋଦ କୁମାର ପରିଡା, ବାବା ସାହେବ ଚାରିଟେବୁଲ ଟ୍ରଷ୍ଟ, କୁମ୍ଭାରପଡ଼ା ର ସଭାପତି ପ୍ରଭାତ କୁମାର ଖୁଣ୍ଟିଆ, ଗଣେଶ ନାହାକ ଏବଂ ସୁଦର୍ଶନ ନାଏକ ପ୍ରମୁଖ ଯୋଗ ଦେଇଥିଲେ | କୁଇଜ ପ୍ରତିଯୋଗିତା ରେ ପ୍ରଥମ ସ୍ଥାନ ରେ ଅଷ୍ଟମ ଶ୍ରେଣୀ ରୁ ଶୁଭଶ୍ରୀ ଭାଗ୍ୟଲକ୍ଷ୍ମୀ,( କୁମ୍ଭାରପଡା ହାଇସ୍କୁଲ), ନବମ ଶ୍ରେଣୀ ରୁ ସୋନିଆ ପ୍ରିୟଦର୍ଶିନୀ ଦାସ, (କୁମ୍ଭାରପଡ଼ା ହାଇସ୍କୁଲ ) ଦଶମ ଶ୍ରେଣୀ ରୁ ଦୀପ୍ତିଶିଖା ଦାସ, (କୁମ୍ଭାରପଡ଼ା ହାଇସ୍କୁଲ ) ଏବଂ ଯୁକ୍ତ ୨ ରୁ ଜ୍ୟୋତିର୍ମୟୀ ସାହୁ (ଆଡକଟା କଲେଜ )  ମାନପତ୍ର ସହିତ ପୁରସ୍କୃତ ହୋଇଥିଲେ |