04-May-2023

ବରଗଡ (ପ୍ରେରଣା ଖବର/)
ଏମିତି ଏକ ସମୟ ଥିଲା ଲୋକେ ଯେତେବେଳେ ପଦାକୁ ବାହାରିବାକୁ ଭୟ କରୁଥିଲେ ।ଠିକ ସେତିକିବେଳେ ମହାମାରୀ କରୋନା ଠାରୁ କିଭଳି ଭାବେ ମୁକାବିଲା କରି ବରଗଡ ଜିଲ୍ଲାର ସର୍ବସାଧାରଣଙ୍କୁ ଏହି ମହାମାରୀ ବଞ୍ଚାଯାଇପାରିବ ସେଥିପାଇଁ ବରଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ କାର୍ଯ୍ୟରତ କର୍ମଚାରୀ ମାନେ ବେଶ ସଜାଗ ରହିଥିଲେ।କୋଭିଡ ଟୀକାକରଣରେ ଦିବାରାତ୍ର କୁ ଏକାକାର କରି ଏପରିକି ଛୁଟିଦିନ ମାନଙ୍କୁ ଭୁଲି ସ୍ୱାସ୍ଥ୍ୟବିଭାଗ ବରଗଡ ଲୋକଙ୍କ ପାଖରେ କିଭଳି ସୁଚାରୁରୂପେ କୋଭିଡ ଟୀକା ପହଞ୍ଚି ଲୋକଙ୍କୁ ଟିକାକରଣ କରାଯିବ ସେଥିନେଇ ବେଶ ତତ୍ପର ଥିଲା।ରାଜ୍ୟସ୍ତରରୁ ରାତାରାତି ବରଗଡ ଜିଲ୍ଲାକୁ କୋଭିଡ ଟୀକା ଆସିବାପରେ ରାତି ଅଧିଆ ଜିଲ୍ଲାର ସମସ୍ତ ୧୨ ଗୋଟି ବ୍ଲକ ମାନଙ୍କୁ ଟୀକା ପହଞ୍ଚାଇବାରେ ବେଶ ପାରିଦର୍ଶିତା ଲାଭ କରିଥିଲା।ଅକ୍ଲାନ୍ତ ପରିଶ୍ରମ ପରିଶ୍ରମ ଫଳରେ ଜିଲ୍ଲା ତମାମ ଲୋକେ ସୁଚାରୁରୂପେ ଟୀକା ନେଇ ପାରିଥିଲେ।କେଉଁଭଳି ଭାବେ କେଉଁସ୍ଥାନ ମାନଙ୍କରେ କେତେଜଣଙ୍କୁ ନେଇ ଟୀକାକରଣ କରାଯିବ ସେଥିପାଇଁ ରାତିଅଧିଆ ଯୋଜନା ପ୍ରସ୍ତୁତ କରାଯାଉଥିଲା।ଏଥିରେ ପ୍ଲାନ ଇଣ୍ଡିଆ ସଂସ୍ଥା ସମ୍ପୂର୍ଣ୍ଣ ରୂପେ ସାହାର୍ଯ୍ୟ କରିଥିଲା।ଯାହାକି ଏମ୍-ରାଇଟ୍ ପ୍ରୋଜେକ୍ଟରେ ଅନ୍ତର୍ଭୁକ୍ତ।ପ୍ଲାନ ଇଣ୍ଡିଆର ସାହାର୍ଯ୍ୟ ଓ ଜିଲ୍ଲା ସ୍ୱାସ୍ଥ୍ୟବିଭାଗ ବରଗଡର ସୁପରିଚାଳନା ହେତୁ ଏହା ସମ୍ଭବ ହୋଇପାରିଥିଲା।ଏପରିପ୍ରେକ୍ଷୀରେ ଭୁବନେଶ୍ୱର ସ୍ଥିତ ମେଫେୟାର ଠାରେ ଆୟୋଜିତ କୋଭିଡ ଟୀକାକରଣ ଅନୁଭୂତି ଆବଣ୍ଟନ କର୍ମଶାଳାରେ ସ୍ୱାସ୍ଥ୍ୟ ପରିବାର କଲ୍ୟାଣ ବିଭାଗ ଓଡ଼ିଶା ସରକାରଙ୍କ ପକ୍ଷରୁ ବରଗଡ ଜିଲ୍ଲା କୁ ସମ୍ମାନୀତ କରାଯାଇଥିଲା।ଏ ପ୍ରଶଂସା ପତ୍ରକୁ ଜିଲ୍ଲା ଟୀକା ପରିଚାଳକ ଶ୍ରୀମାନ ବିଧୁ ଭୂଷଣ ମିଶ୍ର ଏବଂ ଡିଏମ ଆର.ସି.ଏଚ ଶ୍ରୀମାନ ଅଶୋକ ସାହୁ ଗ୍ରହଣ କରିଥିଲେ।ଆମ ପ୍ରତିନିଧି ଙ୍କ ପ୍ରଶ୍ନରେ ଏହାର ଶ୍ରେୟ ଟୀକାକରଣ ଅଭିଯାନରେ ସାମିଲ ଥିବା ସମସ୍ତ କର୍ମଚାରୀ ଙ୍କୁ ଦେବାକୁ ମୁଁ ଚାହେଁ ବୋଲି ଜିଲ୍ଲା ଟୀକା ପରିଚାଳକ ଶ୍ରୀ ମିଶ୍ର ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି।ଏ ଅବସରରେ  ବରଗଡ ଜିଲ୍ଲା ମୁଖ୍ୟ ଚିକିତ୍ସାଧିକାରୀଣୀ ଡ. ଚାରୁବାଳା ରଥ ଏବଂ ଅତିରିକ୍ତ ଜିଲ୍ଲା ଜନସ୍ୱାସ୍ଥ୍ୟ ଅଧିକାରୀ(ପରିବାର କଲ୍ୟାଣ ଡ. ସୁଶାନ୍ତ କର  ଖୁସିବ୍ୟକ୍ତ କରିବା ସଙ୍ଗେସଙ୍ଗେ ଆଗକୁ ଉତ୍ତମ ସ୍ୱାସ୍ଥ୍ୟସେବା କ୍ଷେତ୍ରରେ ଆଗକୁ ଉତ୍ତମ କାର୍ଯ୍ୟ କରିବାକୁ ଦିଗଦର୍ଶନ ପ୍ରଦାନ କରିଛନ୍ତି ।