04-May-2023

ବଲାଙ୍ଗୀର, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଠାରେ ଥିବା ଐତିହାସିକ ପର୍ଯ୍ୟଟନ ସ୍ଥଳୀ ହରିଶଙ୍କର ଓ ବରଗଡ଼ ଜିଲ୍ଲା ପାଇକମାଲ ବ୍ଲକର ନୃସିଂହନାଥ ପୀଠରେ ବୈଶାଖ ମେଳା ବଡ଼ ଧୂମଧାମରେ ଚାଲିଛି l ଏହି ମେଳାଟି ଚଳିତ ମାସ 1 ତାରିଖରୁ 5 ତାରିଖ ପଯ୍ୟନ୍ତ ଚାଲିବ l ଏହି ଦୁଇ ପୀଠରେ ବୈଶାଖ ମାସର ଚତୁର୍ଦଶୀ ମେଳା ଉତ୍ସାହ ଓ ଉଦ୍ଦୀପନା ସହିତ ପାଳନ କରାଯାଏ l ନିକଟରେ ଥିବା ବିଭିନ୍ନ ଜିଲ୍ଲା ତଥା ରାଜ୍ୟ ବାହାରୁ ହଜାର ହଜାର ମାତ୍ରାରେ ଭକ୍ତଙ୍କ ଭିଡ଼ ହୋଇଥାଏ l ଏହି ଅବସରରେ ବିଭିନ୍ନ ଅନୁଷ୍ଠାନ ଓ ରାଜ୍ୟ ଦେବୋତ୍ତର ବିଭାଗ ପକ୍ଷରୁ ଖାଦ୍ୟ, ପାନୀୟ ଓ ପୋଲିସ ପ୍ରଶାସନର ସୁରକ୍ଷା ବ୍ୟବସ୍ଥା କରାଯାଇଥାଏ l ଆଜି ବଲାଙ୍ଗୀର ଜିଲ୍ଲାର ୱେବ୍ ମିଡ଼ିଆ ସାମ୍ବାଦିକ ସଙ୍ଘର ସଭାପତି ଫିରୋଜ କୁମାର ସାହୁଙ୍କ ନେତୃତ୍ୱରେ ଏକ ସରବତ ପାଣି ବଣ୍ଟନ କାର୍ଯ୍ୟକ୍ରମ କରାଯାଇଛି l ଏଥିରେ ଗୋପାଳ ସାହୁ ଓ ଶଙ୍କର ମାଝୀ ପ୍ରମୁଖ ଭୂମିକା ଗ୍ରହଣ କରିଥିଲେ l ସଂଘ ର ଅନ୍ୟ ସଭ୍ଯ ମାନେ ଯୋଗଦାନ କରି ଭକ୍ତ ବୃନ୍ଦଙ୍କୁ ଗ୍ରୀଷ୍ମ ପ୍ରଭାବରେ ଯାତ୍ରାର ମଜା ଉଠାଉଥିବା ବେଳେ ଥଣ୍ଡା ସରବତ ପାଣି ବଣ୍ଟନ କରି ଉତ୍ସାହିତ କରି ଆଶୀର୍ବାଦ ଭାଜନ କରିଥିଲେ l