14-Apr-2023

ବଲାଙ୍ଗୀର,  ହନୁମାନ ଜୟନ୍ତୀ ଓ ମହାବିଷୁବ ସଂକ୍ରାନ୍ତି ଓ ଓଡ଼ିଆ ନବ ବର୍ଷ ଅବସରରେ ସାପ୍ତାହିକ ପ୍ରେରଣାର ୧୮ତମ ସ୍ୱନକ୍ଷତ୍ର ଦିବସ ସ୍ଥାନୀୟ ସାମ୍ବାଦିକ ଭବନ ଠାରେ ପାଳିତ ହୋଇଯାଇଛି । ଶିିକ୍ଷାବିତ୍ ମନୋରଂଜନ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ପ୍ରାରମ୍ଭରେ ଅତିଥି ମାନେ ଶ୍ରୀ ହନୁମାନଙ୍କ ଫଟୋଚିତ୍ରରେ ମାଲ୍ୟାର୍ପଣ କରି ସଭାର ଶୁଭାରମ୍ଭ କରିଥିଲେ । ପ୍ରେରଣାର ସଂପାଦକ ରଘୁ ନନ୍ଦନ ସିଂହ ସଂପାଦକୀୟ ବିବରଣୀ ପ୍ରଦାନ କରିବା ସହ ସଭାର ଉଦ୍ଦେଶ୍ୟ ଓ ଅତିଥି ପରିଚୟ ପ୍ରଦାନ କରିଥିଲେ । ସଭାର ପ୍ରଥମ ଅଧିବେଶନରେ କବି ରତ୍ନମୟ ତ୍ରିପାଠୀଙ୍କ ସଂଯୋଜନାରେ ଏକ ବହୁଭାଷୀ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା । କବିତା ପାଠୋତ୍ସବରେ କବି ହୃଷୀକେଶ ପୁରୋହିତ ସଭାପତିତ୍ୱ କରିଥିଲେ । ଅନ୍ୟ ମାନଙ୍କ ମଧ୍ୟରେ କବିତା ମିଶ୍ର, ରାମନାରାୟଣ ଦାସ, ମୃଗେଶ ବୈଷ୍ଣବ ପାଣିଗ୍ରାହୀ, ଚୁମ୍‌କି ମିଶ୍ର, କପିଳ ପତି, ସବିତା ମହରା, ଡ. ଅଶୋକ ସେଠୀ, କପିଳେଶ୍ୱର ଖମାରୀ, ବାସନ୍ତୀ ହନୁମାନ, ମୋହନ ପଟେଲ ପ୍ରମୁଖ ସ୍ୱରଚିତ କବିତା ପାଠ କରିଥିଲେ ।

ଦ୍ୱିତୀୟ ଅଧିବେଶନରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ତୁଷୁରା ଏନ୍‌ଏସି ଅଧ୍ୟକ୍ଷ ଅଜୟ କୁମାର ଜୟଶ୍ୱାଲ , ସମ୍ମାନିତ ଅତିଥି ଭାବରେ ନାଟ୍ୟଭୂଷଣ ଜଗଦାନନ୍ଦ ଛୁରିଆ, ବରିଷ୍ଠ ଲେଖକ ଶଶୀଭୂଷଣ ମିଶ୍ର ଓ ମୁଖ୍ୟ ବକ୍ତା ଭାବରେ ଶିକ୍ଷକ ଶିକ୍ଷା ମହାବିଦ୍ୟାଳୟର ଅଧ୍ୟକ୍ଷା ଡ. ଗୀତାଞ୍ଜଳି ପାଢ଼ି ଯୋଗ ଦେଇ ପ୍ରେରଣା ଖବରକାଗଜ ର ପ୍ରଚାରପ୍ରସାର ବୃଦ୍ଧି ପାଇବା ସହ ଏ ଅଂଚଳର ନୂଆଁ ନୂଆଁ ଖବର ପରିବେଷଣ କ୍ଷେତ୍ରରେ ପ୍ରେରଣା ଏକ ଅଗ୍ରଣୀ ଭୂମିକା ଗ୍ରହଣ କରୁ ବୋଲି କହିଥିଲେ । ମନର ଭାବ ପ୍ରକାଶ କରିବାର ଏକ ମାଧ୍ୟମ ହେଉଛି ପତ୍ରିକା ଏବଂ ଏହା ମାଧ୍ୟମରେ  ଓ ସମାଜରେ ଘଟୁଥିବା ଘଟଣାର ପ୍ରତିଫଳନ ହୋଇଥାଏ ବୋଲି ବକ୍ତା ମାନେ କହିଥିଲେ ।ା ପ୍ରତିବର୍ଷ ପରି ଚଳିତ ବର୍ଷ ମଧ୍ୟ  ପ୍ରେରଣାର ବାର୍ଷିକ ବିଶେଷାଙ୍କ ଉନ୍ମୋଚିତ ହୋଇଥିଲା ।

ଏହି ଅବସରରେ ସାମ୍ବାଦିକତା କ୍ଷେତ୍ରରେ ବୀରେନ୍ଦ୍ର କୁମାର ଝାଙ୍କର, ଘଟେଶ୍ୱର ମିଶ୍ର, ସାହିତ୍ୟ କ୍ଷେତ୍ରରେ ଡ. ଅଭୟ ନାରାୟଣ ନାୟକ, କବୟିତ୍ରୀ ଜ୍ୟୋସ୍ନାମୟୀ ତ୍ରିପାଠୀ, ଆଇନଜୀବୀ ବବିତା ଅଗ୍ରୱାଲ ଶିକ୍ଷୟିତ୍ରୀ ଜ୍ୟୋସ୍ନା ଦାଶ ବଲାଙ୍ଗୀର ଜିଲ୍ଲା ଲାଠୋର ର ସର୍ବକନିଷ୍ଠ ସରପଂଚ ଜୟଶ୍ରୀ ଭଏଁସାଲ, ଆଦର୍ଶ ଶିକ୍ଷକ ହୃଷୀକେଶ ଡାଙ୍ଗଙ୍କ ସମେତ ପ୍ରେରଣା ପ୍ରତିନିଧି ସଂଜୀବ ଦାସ ଓ ନରହରି ବଗର୍ତ୍ତିୀଙ୍କ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା । ଶେଷରେ ସନ୍ତୋଷ କୁମାର ଠାକୁର ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମକୁ ସଫଳ କରିବାରେ ଫିରୋଜ ସାହୁ, ବିନୋଦ ଦୀପ, ରବି ପଶାୟତ, ଦେବାଶିଷ ବହିଦାର, ନିରୋଜ ମିଶ୍ର, ରାଧାକୃଷ୍ଣ ମିଶ୍ର, ମନୋଜ ଜୈନ ପ୍ରମୁଖ ସହଯୋଗ କରିଥିଲେ ।