11-Apr-2023

ସମ୍ବଲପୁର (ସଂଜୀବ ପାଣିଗ୍ରାହୀ )
ପଶ୍ଚିମ ଓଡିଶାର ବିଶିଷ୍ଟ ସ୍ୱାଧୀନତା ସଂଗ୍ରାମୀ ପଣ୍ଡିତ ଲକ୍ଷ୍ମୀନାରାୟଣ ମିଶ୍ରଙ୍କ ୧୨୦ତମ ଜନ୍ମ ଜୟନ୍ତୀ ଆଜି ଓଡିଶା ସାଂସ୍କୃତିକ ସମାଜ ପକ୍ଷରୁ ପାଳିତ ହୋଇଯାଇଛି। ସାଂସ୍କୃତିକ ସମାଜର ସଭାପତି ଅଶୋକ କୁମାର ମିଶ୍ରଙ୍କର ଅଧ୍ଯକ୍ଷତାରେ ଆୟୋଜିତ ଏହି ସଭାରେ ମୁଖ୍ୟଅତିଥି ଭାବରେ ଯୋଗଦେଇ ଲଜପତ ରାୟ ଆଇନ ମହାବିଦ୍ୟାଳୟର ଅଧ୍ଯକ୍ଷ ପ୍ରଫେସର ବିଜୟାନନ୍ଦ ବେହେରା ତାଙ୍କ ବକ୍ତବ୍ୟରେ କହିଥିଲେ ଲକ୍ଷ୍ମୀନାରାୟଣ ମିଶ୍ର ଆମ ଅଂଚଳର ଜଣେ ପ୍ରାତଃସ୍ମରଣୀୟ ବ୍ୟକ୍ତି।କାର୍ଯ୍ୟ କରିବାବା ଅଦମ୍ୟ ବିହ୍ୱଳତା ତାଙ୍କ ପାଖରେ ରହିଥାଏ। ଏହିଭଳି ବିହ୍ୱଳତା ନଥିଲେ ସମାଜ ପାଇଁ କିଛି କରି ହୁଏନାହିଁ। ସେ ଏକ ଶୃଂଖଳିତ ସମାଜ ଗଠନ ପାଇଁ ସର୍ବଦା ଚେଷ୍ଟିତ ଥିଲେ। ଆଜିର ସମୟରେ ତାଙ୍କର ଗୁଣ ଗୁଡିକ ସମଗ୍ର ଦେଶରେ ବିଚ୍ଛୁରିତ ହେବା ଉଚିତ। ମୁଖ୍ୟବକ୍ତା ଡ. ଲକ୍ଷ୍ମୀନାରାୟଣ ପାଣିଗ୍ରାହୀ ବକ୍ତ୍ବବ୍ୟ ରଖି କହିଲେ ଯେ, ଲକ୍ଷ୍ମୀନାରାୟଣ ମିଶ୍ରଙ୍କ ପ୍ରତିଭା ସୀମିତ ସମୟ ମଧ୍ୟରେ ଲୋକାର୍ଷଣର କାରଣ ହୋଇପାରିଥିଲା।

ଏହି ଦୃଷ୍ଟିରୁ ସେଥିଲେ ବିରଳ ପ୍ରତିଭାର ଅଧିକାରୀ।ତାଙ୍କ ନେତୃତ୍ବରେ ହିଁ ସମ୍ବଲପୁରର ଛାତ୍ରମାନେ ମହାତ୍ମା ଗାନ୍ଧିଙ୍କ ଡାକରାରେ ଶ୍ରେଣୀକକ୍ଷ ଛାଡି ଅସହଯୋଗ ଆନ୍ଦୋଳନରେ ସାମିଲ ହେବାପାଇଁ ବୁଢାରଜା ପାହାଡ ତଳେ ଏକତ୍ରିତ ହୋଇଥିଲେ। ନିର୍ଭିକତା,ସ୍ପଷ୍ଟବାଦୀତା,ସମୟବଦ୍ଧତା, ଆବଶ୍ୟକ ସମୟରେ ବ୍ୟଙ୍ଗବାଦୀତା ଇତ୍ୟାଦି ତାଙ୍କ ବିଶେଷତ୍ୱ ଥିଲା, ସମୁଦାୟ ପନ୍ଦରଟି ଭାଷା ଉପରେ ତାଙ୍କର ଦକ୍ଷତା ଥିଲା। ତାଙ୍କ ରଚିତ ଭଗବତ ଗୀତା ଓ ଇସଲାମର ମୁଖବନ୍ଧ ମୌଲାନା ଅବଦୁଲ କଲାମ ଲେଖିଥିଲେ ଯାହା ଦୁଇଟି ବିଶ୍ୱବିଦ୍ୟାଳୟରେ ପାଠ୍ୟ ପୁସ୍ତକ ଭାବରେ ପାଠ କରାଯାଉଥିଲା। 
ସେଥିଲେ ବହୁ ଶାସ୍ତ୍ରଦର୍ଶୀ। ମହାତ୍ମାଗାନ୍ଧି ଜୱାହରଲାଲ ନେହେରୁ ମୌଲାନା ଆଜୀଦ ପ୍ରମୁଖ ଜନନାୟକଙ୍କ ସହ ତାଙ୍କ ଘନିଷ୍ଟ ସମ୍ପର୍କ ରହିଥିଲା। ସାହିତ୍ୟ ଏକାଡେମୀ ପକ୍ଷରୁ ତାଙ୍କ ରଚିତ ବାରଟି ପୁସ୍ତକ ପ୍ରକାଶନ ପାଇଁ ଦିଆଯାଇଥିଲା ତେବେ ମାତ୍ର ଗୋଟିଏ ପୁସ୍ତକ ପ୍ରକାଶ ପାଇଥିଲା ଅନ୍ୟ ପୁସ୍ତକର ପାଣ୍ଡୁଲିପି ଆଉ ଫେରସ୍ତ କରା ନଯିବା ବିଡମ୍ବନାର ବିଷୟ।ପ୍ରକୃତରେ ସେଥିଲେ ଜଣେ ଜାତୀୟସ୍ତରର ନେତା। ଜଣେ ଟାଣୁଆ ନେତା ଭାବରେ ତାଙ୍କର ବିଶେଷ ପରିଚୟ ରହିଥିଲା। ଆଜି ତାଙ୍କର ଆହ୍ୱାନ ଆମକୁ ଡାକରା ଦେଉଛି। ସଂପାଦକ ଡ. ସିଦ୍ଧାର୍ଥ ପଣ୍ଡା ପ୍ରାରମ୍ଭିକ ସୂଚନା ସହ ଅତିଥି ପରିଚୟ  ପ୍ରଦାନ କରିଥିବା ବେଳେ ସହସମ୍ପାଦକ ସୁରେଖା ସାହୁ ଧନ୍ୟବାଦ ଅର୍ପଣ କରିଥିଲେ।